बालकाण्ड · भाग १२

चले निसान बजाइ सुर निज निज पुर सुख पाइ। कहत परसपर राम जसु प्रेम न हृदयँ समाइ॥353॥

सब बिधि सबहि समदि नरनाहू। रहा हृदयेँ भरि पूरि उछाहू॥ जहूँ रनिवासु तहाँ पगु धारे। सहित बहुटिन्ह कुअँर निहारे॥ ॥।

लिए गोद करि मोद समेता। को कहि सकइ भयऊउ सुखु जेता॥ बधू सप्रेम गोद बैठारीं। बार बार हियँ हरघषि दुलारीं॥2॥

देखि समाजु मुदित रनिवासू। सब के उर अनंद कियो बासू॥ कहेउ भूप जिमि भयउ बिबाहू। सुनि सुनि हरषु होत सब काहू॥3॥

जनक राज गुन सीलु बड़ाई। प्रीति रीति संपदा सुहाई॥ बहुबिधि भूप भाट जिमि बरनी। रानीं सब प्रमुदित सुनि करनी ॥4॥

सुतन्ह समेत नहाइ नृप बोलि बरिप्र गुर ग्याति। भोजन कीन्ह अनेक बिधि घरी पंच गइ राति॥। 354॥

मंगलगान करहिं बर भामिनि। भै सुखमूल मनोहर जामिनि॥ अँचइ पान सब काहूँ पाए। ख्रग सुगंध भूषित छवि छाए॥ ॥।

रामहि देखि रजायसु पाई। निज निज भवन चले सिर नाई॥ प्रेम प्रमोदु बिनोदु बड़ाई। समउ समाजु मनोहरताई॥2॥।

कहि न सकहिं सतसारद सेसू। बेद बिरंचि महेस गनेसू॥ सो मैं कहाँ कवन बिधि बरनी। भूमिनागु सिर धरइ कि धरनी॥3॥

नृूप सब भाँति सबहि सनमानी। कहि मृदु बचन बोलाईं रानी॥ बधू लरिकनीं पर घर आईं। राखेहू नयन पलक की नाई॥4॥।

लरिका श्रमित उनीद बस सयन करावह्ट जाइ। अस कहि गे बिश्रामगृहँ राम चरन चितु लाइ॥355॥

भूप बचन सुनि सहज सुहाए। जरित कनक मनि पलंग डसाए॥ सुभग सुरभि पय फेन समाना। कोमल कलित सुपेतीं नाना॥

उपबरहन बर बरनि न जाहीं। ख्रग सुगंध मनिमंदिर माहीं॥ रतनदीप सुठि चारु चँदोवा। कहत न बनइ जान जेहिं जोवा॥2॥

सेज रुचिर रचि रामु उठाए। प्रेम समेत पलंग पौढ़ाए॥ अग्या पुनि पुनि भाइन्ह दीन्ही। निज निज सेज सयन तिन्‍्ह कीन्ही॥3॥

देखि स्याम मृदु मंजुल गाता। कहह्ं सप्रेम बचन सब माता॥ मारग जात भयावनि भारी। केहि बिधि तात ताड़का मारी॥4॥।

घोर निसाचर बिकट भट समर गनहिं नहिं काह। मारे सहित सहाय किमि खल मारीच सुबाहु॥356॥।

मुनि प्रसाद बलि तात तुम्हारी। ईस अनेक करवरें टारी॥ मख रखवारी करि दुहँ भाईं। गुरु प्रसाद सब बिद्या पाईं॥॥

मुनितिय तरी लगत पग धूरी। कीरति रही भुवन भरि पूरी॥ कमठ पीठि पबि कूट कठोरा। नृूप समाज महूँ सिव धनु तोरा॥2॥।

बिस्व बिजय जसु जानकि पाई। आए भवन ब्याहि सब भाई॥ सकल अमानुष करम तुम्हारे। केवल कौसिक कृपाँ सुधारे॥3॥।

आजु सुफल जग जनमु हमारा। देखि तात बिधुबदन तुम्हारा॥ जे दिन गए तुम्हहि बिनु देखें। ते बिरंचि जनि पारहिं लेखें॥4॥।

राम प्रतोषीं मातु सब कह बिनीत बर बैन। सुमिरि संभु गुरु बिप्र पद किए नीदबस नैन॥357॥

नीदऊँ बदन सोह सुठि लोना। मनहूँ साँझ सरसीरुह सोना॥ घर घर करहिं जागरन नारीं। देहिं परसपर मंगल गारीं॥॥

पुरी बिराजति राजति रजनी। रानीं कहहिं बिलोकहु सजनी॥ सुंदर बधुन्ह सासु लै सोईं। फनिकन्ह जनु सिरमनि उर गोईं॥2॥

प्रात पुनीत काल प्रभु जागे। अरुनचूड़ बर बोलन लागे॥ बंदि मागधन्हि गुनगन गाए। पुरजन द्वार जोहारन आए॥3॥

बंदि बिप्र सुर गुर पितु माता। पाइ असीस मुदित सब भ्राता॥ जननिन्ह सादर बदन निहारे। भूपति संग द्वार पगु धारे॥4॥

कीन्हि सौच सब सहज सुचि सरित पुनीत नहाइ। प्रातक्रिया करि तात पहिं आए चारिउ भाइ॥358॥

नवाह्नपारायण, तीसरा विश्राम

भूप बिलोकि लिए उर लाई। बैठे हरषि रजायसु पाई॥ देखि रामु सब सभा जुड़ानी। लोचन लाभ अवधि अनुमानी॥॥

पुनि बसिष्ट मुनि कौसिकु आए। सुभग आसनन्ह्ि मुनि बैठाए॥ सुतन्ह समेत पूजि पद लागे। निरखि रामु दोउ गुर अनुरागे॥2॥।

कहहिं बसिष्ट धरम इतिहासा। सुनहिं महीसु सहित रनिवासा॥ मुनि मन अगम गाधिसुत करनी। मुदित बसिष्त बिपुल बिधि बरनी॥3॥।

बोले बामदेउ सब साँची। कीरति कलित लोक तिहूँ माची॥ सुनि आनंदु भयउ सब काहू। राम लखन उर अधिक उछाहू॥4॥

मंगल मोद उछाह नित जाहिं दिवस एहि भाँति। उमगी अवध अनंद भरि अधिक अधिक अधिकाति॥359॥

सुदिन सोधि कल कंकन छोरे। मंगल मोद बिनोद न थोरे॥ नित नव सुखु सुर देखि सिहाहीं। अवध जन्म जाचहिं बिधि पाहीं॥ ॥।

बिस्वामित्रु चलन नित चहहीं। राम सप्रेम बिनय बस रहहीं॥ दिन दिन सयगुन भूपति भाऊ। देखि सराह महामुनिराऊ॥2॥।

मागत बिदा राउ अनुरागे। सुतन्ह समेत ठाढ़ भे आगे॥ नाथ सकल संपदा तुम्हारी। मैं सेवकु समेत सुत नारी॥3॥

करब सदा लरिकन्ह पर छोह। दरसनु देत रहब मुनि मोहू॥ अस कह्ट राउ सहित सुत रानी। परेउ चरन मुख आव न बानी॥4॥।

दीन्हि असीस बिप्र बहु भाँति। चले न प्रीति रीति कहि जाती॥ रामु सप्रेम संग सब भाई। आयसु पाइ फिरे पहुँचाई॥5॥।

राम रूपु भूपति भगति ब्याह उछाहु अनंदु। जात सराहत मनहिं मन मुदित गाधिकुलचंदु॥ 360॥

बामदेव रघुकुल गुर ग्यानी। बहुरि गाधिसुत कथा बखानी॥ सुनि मुनि सुजसु मनहिं मन राऊ। बरनत आपन पुन्य प्रभाऊ॥॥

बहुरे लोग रजायसु भयऊ। सुतन्ह समेत नृपति गृहँ गयऊ।॥ जहूँ तहँ राम ब्याह सबु गावा। सुजसु पुनीत लोक तिहूँ छावा॥2॥।

आए ब्याहि रामु घर जब तें। बसइ अनंद अवध सब तब तें॥ प्रभु बिबाहँ जस भयउ उछाह। सकहिं न बरनि गिरा अहिनाहू॥3॥।

कबिकुल जीवनु पावन जानी। राम सीय जसु मंगल खानी॥ तेहि ते मैं कछू कहा बखानी। करन पुनीत हेतु निज बानी॥4॥

निज गिरा पावनि करन कारन राम जसु तुलसीं कह्यो। रघुबीर चरित अपार बारिधि पारु कबि कौनें लह्मो॥ उपबीत ब्याह उछाह मंगल सुनि जे सादर गावहीं। बैदेहि राम प्रसाद ते जन सर्बदा सुखु पावहीं॥

सिय रघुबीर बिबाहु जे सप्रेम गावहिं सुन हिं। तिन्ह कहूँ सदा उछाह मंगलायतन राम जसु॥364॥

मासपारायण, बारहवाँ विश्राम

इति श्रीमद्रामचरितमानसे सकलकलिकलुषविध्वंसने प्रथमः सोपानः समाप्त। कलियुग के सम्पूर्ण पापों को विध्वंस करने वाले श्री रामचरित मानस का यह पहला सोपान समास हुआ (बाल-काण्ड समाप्त)

श्री रामचरितमानस

अयोध्याकाण्ड