बालकाण्ड · भाग ३

सती बिधात्री इंदिरा देखीं अमित अनूप। जेहिं जेहिं बेष अजादि सुर तेहि तेहि तन अनुरूप॥54॥

देखे जहँ जहँ रघुपति जेते। सक्तिन्ह सहित सकल सुर तेते॥ जीव चराचर जो संसारा। देखे सकल अनेक प्रकारा॥॥

पूजहिं प्रभुहि देव बहु बेषा। राम रूप दूसर नहिं देखा॥ अवलोके रघुपति बहुतेरे। सीता सहित न बेष घनेरे॥2॥

सोइ रघुबर सोइ लछ़िमनु सीता। देखि सती अति भईं सभीता॥ हृदय कंप तन सुधि कछु नाहीं। नयन मूदि बैठीं मग माहीं॥3॥

बहरि बिलोकेउ नयन उघारी। कछु न दीख तहैँ दच्छकुमारी ॥ पुनि पुनि नाइ राम पद सीसा। चलीं तहाँ जहैँ रहे गिरीसा॥4॥

गईं समीप महेस तब हँसि पूछी कुसलात। लीन्हि परीछा कवन बिधि कहह् सत्य सब बात॥55॥

मास पारायण, दूसरा विश्राम

सतीं समुन्नि रघुबीर प्रभाऊ। भय बस सिव सन कीन्ह दुराऊ॥ कछु न परीछा लीन्टहि गोसाईं। कीन्ह प्रनामु तुम्हारिहि नाईं॥

जो तुम्ह कहा सो मृषा न होई। मोरें मन प्रतीति अति सोई॥ तब संकर देखेउ धरि ध्याना। सतीं जो कीन्ह चरित सबु जाना॥2॥

बहुरि राममायहि सिरु नावा। प्रेरि सतिहि जेहिं झूँठ कहावा॥ हरि इच्छा भावी बलवाना। ह्ृदयँ बिचारत संभु सुजाना॥3॥

सतीं कीन्ह सीता कर बेषा। सिव उर भयउ बिषाद बिसेषा॥ जौं अब करउँ सती सन प्रीती। मिट्इ भगति पथु होइ अनीती॥4॥।

परम पुनीत न जाइ तजि किएँ प्रेम बड़ पापु। प्रगटि न कहत महेसु कछु हृदयेँ अधिक संतापु॥56॥।

तब संकर प्रभु पद सिरु नावा। सुमिरत रामु हृदयँ अस आवा॥ एहिं तन सतिहि भेंट मोहि नाहीं। सिव संकल्पु कीन्ह मन माहीं॥॥

अस बिचारि संकरु मतिधीरा। चले भवन सुमिरत रघुबीरा॥ चलत गगन भै गिरा सुहाई। जय महेस भलि भगति दृूढ़ाई॥2॥।

अस पन तुम्ह बिनु करइ को आना। रामभगत समरथ भगवाना॥ सुनि नभगिरा सती उर सोचा। पूछा सिवहि समेत सकोचा॥3॥

कीन्ह कवन पन कहह कृपाला। सत्यधाम प्रभु दीनदयाला॥ जदपि सतीं पूछा बहु भाँती। तदपि न कहेउ त्रिपुर आराती॥4॥।

सतीं हृदयेँ अनुमान किय सबु जानेउ सर्बग्य। कीन्ह कपटु मैं संभु सन नारि सहज जड़ अग्य॥57 क॥।

जलु पय सरिस बिकाइ देखह्ट प्रीति कि रीति भलि। बिलग होइ रसु जाइ कपट खटाई परत पुनि॥57 ख॥।

ह्रदयँ सोचु समुझत निज करनी। चिंता अमित जाइ नहिं बरनी॥ कृपासिंधु सिव परम अगाधा। प्रगट न कहेउ मोर अपराधा॥॥

संकर रुख अवलोकि भवानी। प्रभु मोहि तजेउ हृदयँ अकुलानी॥ निज अघ समुझि न कछु कहि जाई। तपइ अवाँ इव उर अधिकाई॥2॥।

सतिहि ससोच जानि बृषकेतू। कहीं कथा सुंदर सुख हेतू॥ बरनत पंथ बिबिध इतिहासा। बिस्वनाथ पहुँचे कैलासा॥3॥

तहैँ पुनि संभु समुझि पन आपन। बैठे बट तर करि कमलासन॥ संकर सहज सरूपु सम्हारा। लागि समाधि अखंड अपारा॥4॥

सती बसहिं कैलास तब अधिक सोचु मन माहिंे। मरमु न कोऊ जान कछु जुग सम दिवस सिराहिं॥58॥।

नित नव सोचु सती उर भारा। कब जैहउँ दुख सागर पारा॥ मैं जो कीन्ह रघुपति अपमाना। पुनि पतिबचनु मृषा करि जाना॥॥

सो फलु मोहि बिधाताँ दीन्हा। जो कछू उचित रहा सोइ कीनहा॥ अब बिधि अस बूझिअ नहिं तोही। संकर बिमुख जिआवसि मोही॥2॥

कहि न जाइ कछु हृदय गलानी। मन महूँ रामहि सुमिर सयानी॥ जौं प्रभु दीनदयालु कहावा। आरति हरन बेद जसु गावा॥3॥

तौ मैं बिनय करउँ कर जोरी। छूटउ बेगि देह यह मोरी॥ जौं मोरें सिव चरन सनेहू। मन क्रम बचन सत्य ब्रतु एहू॥4॥।

तौ सबदरसी सुनिअ प्रभु करउ सो बेगि उपाइ। होइ मरनु जेहिं बिनहिं श्रम दुसह बिपत्ति बिहाइ॥59॥

एहि बिधि दुखित प्रजेसकुमारी। अकथनीय दारुन दुखु भारी॥ बीतें संबत सहस सतासी। तजी समाधि संभु अबिनासी॥॥

राम नाम सिव सुमिरन लागे। जानेउ सतीं जगतपति जागे॥ जाइ संभु पद बंदतनु कीन्हा। सनमुख संकर आसनु दीन्हा॥2॥

लगे कहन हरि कथा रसाला। दच्छ प्रजेस भए तेहि काला॥ देखा बिधि बिचारि सब लायक। दच्छहि कीन्ह प्रजापति नायक॥3॥

बड़ अधिकार दच्छ जब पावा। अति अभिनामु ह्वृदयँ तब आवा॥ नहिं कोउ अस जनमा जग माहीं। प्रभुता पाइ जाहि मद नाहीं॥4॥

दच्छ लिए मुनि बोलि सब करन लगे बड़ जाग। नेवते सादर सकल सुर जे पावत मख भाग॥60॥

किंनर नाग सिद्ध गंधर्बा। बधुन्ह समेत चले सुर सर्बा॥ बिष्नु बिरंचि महेसु बिहाई। चले सकल सुर जान बनाई॥॥

सतीं बिलोके ब्योम बिमाना। जात चले सुंदर बिधि नाना॥ सुर सुंदरी करहिं कल गाना। सुनत श्रवन छूटहिं मुनि ध्याना॥2॥

पूछेउ तब सियँ कहेउ बखानी। पिता जग्य सुनि कछु हरषानी॥ जौं महेसु मोहि आयसु देहीं। कछु छिदन जाइ रहीं मिस एहीं॥3॥।

पति परित्याग हृदयेँ दुखु भारी। कह न निज अपराध बिचारी॥ बोली सती मनोहर बानी। भय संकोच प्रेम रस सानी॥4॥।

पिता भवन उत्सव परम जौँ प्रभु आयसु होइ। तौ मैं जाऊँ कृपायतन सादर देखन सोइ॥6॥

कहेह नीक मोरेहूँ मन भावा। यह अनुचित नहिं नेवत पठावा॥ दच्छ सकल निज सुता बोलाईं। हमरें बयर तुम्हउ बिसराईं॥॥

ब्रह्टसभाँ हम सन दुखु माना। तेहि तें अजहूँ करहिं अपमाना॥ जौं बिनु बोलें जाह भवानी। रहइ न सीलु सनेह न कानी॥2॥

जदपि मित्र प्रभु पितु गुर गेहा। जाइअ बिनु बोलेहूँ न सँदेहा॥ तदपि बिरोध मान जहँ कोई। तहाँ गएँ कल्यातु न होई॥3॥।

भाँति अनेक संभु समुझावा। भावी बस न ग्यातु उर आवा॥ कह प्रभु जाहु जो बिनहिं बोलाएँ। नहिं भलि बात हमारे भाएँ॥4॥।

कहि देखा हर जतन बह रहइ न दच्छकुमारि। दिए मुख्य गन संग तब बिदा कीन्ह त्रिपुरारि॥62॥।

पिता भवन जब गईं भवानी। दच्छ त्रास काहूँ न सनमानी॥ सादर भलेहिं मिली एक माता। भगिनीं मिलीं बहुत मुसुकाता॥॥

दच्छ न कछु पूछी कुसलाता। सतिहि बिलोकी जरे सब गाता॥ सतीं जाइ देखेउ तब जागा। कतहूँ न दीख संभु कर भागा॥2॥

तब चित चढ़ेउ जो संकर कहेऊ। प्रभु अपमानु समुझि उर दहेऊ॥ पाछिल दुखु न हृदयँ अस ब्यापा। जस यह भयउ महा परितापा॥3॥

जद्यपि जग दारुन दुख नाना। सब तें कठिन जाति अवमाना॥ समुझि सो सतिहि भयउ अति क्रोधा। बहु बिधि जननीं कीन्ह प्रबोधा॥4॥

सिव अपमानु न जाइ सहि ह्ृदयँ न होइ प्रबोध। सकल सभहि हठि हटकि तब बोलीं बचन सक्रोध॥63॥।

सुनह सभासद सकल मुनिंदा। कही सुनी जिन्ह संकर निंदा॥ सो फलु तुरत लहब सब काहूँ। भली भाँति पद्धिताब पिताहूँ॥

संत संभु श्रीपति अपबादा। सुनिअ जहाँ तहँ असि मरजादा॥ काटिअ तासु जीभ जो बसाई। श्रवन मूदि न त चलिअ पराई॥2॥

जगदातमा महेसु पुरारी। जगत जनक सब के हितकारी॥ पिता मंदमति निंदत तेही। दच्छ सुक्र संभव यह देही॥3॥

तजिह्उँ तुरत देह तेहि हेतू। उर धरि चंद्रमौलि बृषकेतू॥ अस कहि जोग अगिनि तनु जारा। भयउ सकल मख हाहाकारा॥4॥

सती मरतु सुनि संभु गन लगे करन मख खीस। जग्य बिधंस बिलोकि भृगु रच्छा कीन्टहि मुनीस॥64॥ ॥।

समाचार सब संकर पाए। बीरभद्ठू करि कोप पठाए।॥ जग्य बिधंस जाइ तिन्‍्ह कीन्हा। सकल सुरन्ह बिधिवत फलु दीन्हा॥

मै जगबिदित दच्छ गति सोई। जसि कछु संभु बिमुख कै होई॥ यह इतिहास सकल जग जानी। ताते मैं संछेप बखानी॥2॥

सतीं मरत हरि सन बरु मागा। जनम जनम सिव पद अनुरागा॥ तेहि कारन हिमगिरि गृह जाई। जनमीं पारबती तनु पाई॥3॥

जब तें उमा सैल गृह जाईं। सकल सिद्धि संपति तहैँ छाईं॥ जहैँ तहैँ मुनिन्‍्ह सुआश्रम कीन्हे। उचित बास हिम भूधर दीन्हे॥4॥।

सदा सुमन फल सहित सब द्रुम नव नाना जाति। प्रगटीं सुंदर सैल पर मनि आकर बहू भाँति॥65॥।

सरिता सब पुनीत जलु बहहीं। खग मृग मधुप सुखी सब रहहीं॥ सहज बयरु सब जीवन्ह त्यागा। गिरि पर सकल करहिं अनुरागा॥

सोह सैल गिरिजा गृह आएँ। जिमि जनु रामभगति के पाएँ॥ नित नूतन मंगल गृह तासू। ब्रह्मादिक गावहिं जसु जासू॥2॥।

नारद समाचार सब पाए। कोतुकहीं गिरि गेह सिधाए।॥ सैलराज बड़ आदर कीन्हा। पद पखारि बर आसनु दीन्हा॥3॥

नारि सहित मुनि पद सिरु नावा। चरन सलिल सबु भवनु सिंचावा॥ निज सौभाग्य बहुत गिरि बरना। सुता बोलि मेली मुनि चरना॥4॥

त्रिकालग्य सर्बग्य तुम्ह गति सर्बत्र तुम्हारि। कहह् सुता के दोष गुन मुनिबर ह्ृदयँ बिचारि॥66॥

कह मुनि बिहसि गूढ़ मृदु बानी। सुता तुम्हारि सकल गुन खानी॥ सुंदर सहज सुसील सयानी। नाम उमा अंबिका भवानी॥॥

सब लच्छन संपन्न कुमारी। होइहि संतत पियहि पिआरी॥ सदा अचल एहि कर अहिवाता। एह्ि तें जसु पैहहिं पितु माता॥2॥

होइहि पूज्य सकल जग माहीं। एहि सेवत कछ्ध दुर्लभ नाहीं॥ एहि कर नामु सुमिरि संसारा। त्रिय चढ़िहहिं पतिब्रत असिधारा॥3॥

सैल सुलच्छन सुता तुम्हारी। सुनहु जे अब अवगुन दुइ चारी॥ अगुन अमान मातु पितु हीना। उदासीन सब संसय छीना॥4॥

जोगी जटिल अकाम मन नगन अमंगल बेष। अस स्वामी एहि कहँ मिलिहि परी हस्त असि रेख॥67॥

सुनि मुनि गिरा सत्य जियेँ जानी। दुख दंपतिहि उमा हरषानी॥ नारदहूँ यह भेदु न जाना। दसा एक समुझब बिलगाना॥॥

सकल सखीं गिरिजा गिरि मैना। पुलक सरीर भरे जल नैना॥ होइ न मृषा देवरिषि भाषा। उमा सो बचनु हृदयँ धरि राखा॥2॥

उपजेउ सिव पद कमल सनेह। मिलन कठिन मन भा संदेह॥ जानि कुअवसरु प्रीति दुराई। सखी उँग बैठी पुनि जाई॥3॥

झूठि न होइ देवरिषि बानी। सोचहिं दंपति सखीं सयानी॥ उर धरि धीर कहइ गिरिराऊ। कहह् नाथ का करिअ उपाऊ॥4॥

कह मुनीस हिमवंत सुनु जो बिधि लिखा लिलार। देव दतुज नर नाग मुनि कोउ न मेटनिहार॥68॥

तदपि एक मैं कहउँ उपाई। होइ करै जौं दैठ सहाई॥ जस बरु मैं बरनेउँ तुम्ह पाहीं। मिलिहि उमहि तस संसय नाहीं॥

जे जे बर के दोष बखाने। ते सब सिव पहिं मैं अनुमाने॥ जौं बिबाहु संकर सन होई। दोषउ गुन सम कह सबु कोई॥2॥

जौं अहि सेज सयन हरि करहीं। बुध कछु तिन्ह कर दोषु न धरहीं॥ भानु कृसानु सर्ब रस खाहीं। तिन्ह कहँ मंद कहत कोउ नाहीं॥3॥

सुभ अरु असुभ सलिल सब बहई। सुरसरि कोउ अपुनीत न कहई॥। समरथ कहूँ नहिं दोषु गोसाईं। रबि पावक सुरसरि की नाईं॥4॥

जौं अस हिसिषा करहिं नर जड़ बिबेक अभिमान। परहिं कलप भरि नरक महूँ जीव कि ईस समान॥69॥।

सुरसरि जल कृत बारुनि जाना। कबहूँ न संत करहिं तेहि पाना॥ सुरसरि मिलें सो पावन जैसें। ईस अनीसहि अंतरु तैसें॥१॥

संभु सहज समरथ भगवाना। एहि बिबाहँ सब बिधि कल्याना॥ दुराराध्य पै अहृहिं महेसू। आसुतोष पुनि किएँ कलेसू॥2॥

जौं तपु करै कुमारि तुम्हारी। भाविउ मेटि सकहिं त्रिपुरारी॥ जद्यपि बर अनेक जग माहीं। एहि कहँ सिव तजि दूसर नाहीं॥3॥।

बर दायक प्रनतारति भंजन। कृपासिंधु सेवक मन रंजन॥ इच्छित फल बिनु सिव अवराधें। लहिअ न कोटि जोग जप साघें॥4॥

अस कह्ठि नारद सुमिरि हरि गिरिजह्ि दीन्टि असीस। होइहि यह कल्यान अब संसय तजहु गिरीस॥70॥

कहि अस ब्रह्मभवन मुनि गयऊ। आगिल चरित सुनह जस भयऊ।॥ पतिहि एकांत पाइ कह मैना। नाथ न मैं समुझे मुनि बैना॥॥

जौं घरु बरु कुलु होइ अनूपा। करिअ बिबाह् सुता अनुरूपा॥ न त कन्या बरु रहउ कुआरी। कंत उमा मम प्रानपिआरी॥2॥

जौं न मिलिहि बरु गिरिजहि जोगू। गिरि जड़ सहज कहिहि सबु लोगू॥ सोइ बिचारि पति करेह बिबाहू। जेहिं न बहोरि होइ उर दाहू॥3॥।

अस कहि परी चरन धरि सीसा। बोले सहित सनेह गिरीसा॥ बरु पावक प्रगटै ससि माहीं। नारद बचनु अन्यथा नाहीं॥4॥

प्रिया सोचु परिहरह सबु सुमिरह श्रीभगवान। पारबतिहि निरमयउ जेहिं सोइ करिहि कल्यान॥7॥।

अब जौ तुम्हहि सुता पर नेह। तौ अस जाइ सिखावनु देह॥ करै सो तपु जेहिं मिलहिं महेसू। आन उपायेँ न मिटिहि कलेसू॥॥

नारद बचन सगर्भ सहेतू। सुंदर सब गुन निधि बृषकेतू॥ अस बिचारि तुम्ह तजह असंका। सबहि भाँति संकरु अकलंका॥2॥

सुनि पति बचन हरघि मन माहीं। गई तुरत उठि गिरिजा पाहीं॥ उमहि बिलोकि नयन भरे बारी। सहित सनेह गोद बैठारी॥3॥

बारहिं बार लेति उर लाई। गदगद कंठ न कछु कहि जाई॥ जगत मातु सर्बग्य भवानी। मातु सुखद बोलीं मृदु बानी॥4॥।

सुनहि मातु मैं दीख अस सपन सुनावउँ तोहिह। सुंदर गौर सुबिप्रबर अस उपदेसेउ मोहि॥72॥

करहि जाइ तपु सैलकुमारी। नारद कहा सो सत्य बिचारी॥ मातु पितहि पुनि यह मत भावा। तपु सुखप्रद दुख दोष नसावा॥

तपबल रचइ प्रपंचु बिधाता। तपबल बिष्तु सकल जग त्राता॥ तपबल संभु करहिं संघारा। तपबल सेषु धरइ महिभारा॥2॥

तप अधार सब सृष्टि भवानी। करहि जाइ तपु अस जियँ जानी॥ सुनत बचन बिसमित महतारी। सपन सुनायउ गिरिहि हँकारी॥3॥।

मातु पितहि बहुबिधि समुझाई। चलीं उमा तप हित हरषाई॥ प्रिय परिवार पिता अरु माता। भए बिकल मुख आव न बाता॥4॥।

बेदसिरा मुनि आइ तब सबहि कहा समुझाइ। पारबती महिमा सुनत रहे प्रबोधहि पाइ॥ 73॥।

उर धरि उमा प्रानपति चरना। जाइ बिपिन लागीं तपु करना॥ अति सुकुमार न तनु तप जोगू। पति पद सुमिरि तजेउ सबु भोगू॥ ॥

नित नव चरन उपज अनुरागा। बिसरी देह तपहिं मनु लागा॥ संबत सहस मूल फल खाए। सागु खाइ सत बरष गवाँए॥2॥

कछु दिन भोजतु बारि बतासा। किए कठिन कछ दिन उपबासा॥ बेल पाती महि परइ सुखाई। तीनि सहस संबत सोइ खाई॥3॥

पुनि परिहरे सुखानेउ परना। उमहि नामु तब भयउ अपरना॥ देखि उमहि तप खीन सरीरा। ब्रह्मगिरा भै गगन गभीरा॥4॥

भयउ मनोरथ सुफल तव सुनु गिरिराजकुमारि। परिहरु दुसह कलेस सब अब मिलिहहिं त्रिपुरारि॥ 74॥।

अस तपु काहूँ न कीन्ह भवानी। भए अनेक धीर मुनि ग्यानी॥ अब उर धरह ब्रह्म बर बानी। सत्य सदा संतत सुचि जानी॥॥

आवै पिता बोलावन जबहीं। हठ परिहरि घर जाएट्ठ तबहीं॥ मिलहिं तुम्हहि जब सप्त रिषीसा। जानेह तब प्रमान बागीसा॥2॥

सुनत गिरा बिधि गगन बखानी। पुलक गात गिरिजा हरघषानी॥ उमा चरित सुंदर मैं गावा। सुनह संभु कर चरित सुहावा॥3॥।

जब तें सतीं जाइ तनु त्यागा। तब तें सिव मन भयउ बिरागा॥ जपहिहिं सदा रघुनायक नामा। जहैँ तहैँ सुनहिं राम गुन ग्रामा॥4॥

चिदानंद सुखधाम सिव बिगत मोह मद काम। बिचरहिं महि धरि हृदयँ हरि सकल लोक अभिराम॥75॥

कतहूँ मुनिन्ह उपदेसहिं ग्याना। कतहूँ राम गुन करहिं बखाना॥ जदपि अकाम तदपि भगवाना। भगत बिरह दुख दुखित सुजाना॥॥

एहि बिधि गयउ कालु बहु बीती। नित नै होइ राम पद प्रीती॥ नेमु प्रेमु संकर कर देखा। अबिचल ह्ृदयँ भगति कै रेखा॥2॥

प्रगटे रामु कृतग्य कृपाला। रूप सील निधि तेज बिसाला॥ बहु प्रकार संकरहि सराहा। तुम्ह बिनु अस ब्रतु को निरबाहा॥3॥।

बहुबिधि राम सिवहि समुझावा। पारबती कर जन्मु सुनावा॥ अति पुनीत गिरिजा कै करनी। बिस्तर सहित कृपानिधि बरनी॥4॥

अब बिनती मम सुनह सिव जौं मो पर निज नेह। जाइ बिबाहह सैलजहि यह मोहि मागें देहु॥76॥।

कह सिव जदपि उचित अस नाहीं। नाथ बचन पुनि मेटि न जाहीं॥ सिर धरि आयसु करिअ तुम्हारा। परम धरमु यह नाथ हमारा॥॥

मातु पिता गुर प्रभु कै बानी। बिनहिं बिचार करिअ सुभ जानी॥ तुम्ह सब भाँति परम हितकारी। अग्या सिर पर नाथ तुम्हारी॥2॥।

प्रभु तोषेउ सुनि संकर बचना। भक्ति बिबेक धर्म जुत रचना॥ कह प्रभु हर तुम्हार पन रहेऊ। अब उर राखेह जो हम कहेऊ॥3॥

अंतरधान भए अस भाषी। संकर सोइ मूरति उर राखी॥ तबहिं सप्तरिषि सिव पहिं आए। बोले प्रभु अति बचन सुहाए॥4॥

पारबती पहिं जाइ तुम्ह प्रेम परिच्छा लेह। गिरिहि प्रेरि पठएह भवन दूरि करेह संदेहु॥77॥

सुरन्ह कही निज बिपति सब सुनि मन कीन्ह बिचार। संभु बिरोध न कुसल मोहि बिहसि कहेउ अस मार॥83॥।

तदपि करब मैं काजु तुम्हारा। श्रुति कह परम धरम उपकारा॥ पर हित लागि तजइ जो देही। संतत संत प्रसंसहिं तेही॥॥

अस कह चलेउ सबहि सिरु नाई। सुमन धनुष कर सहित सहाई॥ चलत मार अस ह्ृदयँ बिचारा। सिव बिरोध ध्रुब मरनु हमारा॥2॥।

तब आपन प्रभाउ बिस्तारा। निज बस कीन्ह सकल संसारा॥ कोपेउ जबहिं बारिचरकेतू। छन महूँ मिटे सकल श्रुति सेतू॥ 3॥।

व्रह्मचर्ज ब्रत संजम नाना। धीरज धरम ग्यान बिग्याना॥ सदाचार जप जोग बिरागा। सभय बिबेक कटकु सबु भागा॥4॥

भागेउ बिबेकु सहाय सहित सो सुभट संजुग महि मुरे। सदयग्रथ पर्वत कंदरन्हि महँ जाइ तेहि अवसर दुरे॥ होनिहार का करतार को रखवार जग खरभरु परा। दुद माथ केहि रतिनाथ जेहि कहूँ कोपि कर धनु सरु धरा॥

जे सजीव जग अचर चर नारि पुरुष अस नाम। ते निज निज मरजाद तजि भए सकल बस काम॥84॥

सब के हृदयँ मदन अभिलाषा। लता निहारि नवहिं तरु साखा॥ नदीं उमगि अंबुधि कहूँ धाईं। संगम करहिं तलाव तलाईं॥

जहँ असि दसा जड़न्ह कै बरनी। को कहि सकइ सचेतन करनी॥ पसु पच्छी नभ जल थल चारी। भए काम बस समय बिसारी॥2॥

मदन अंध ब्याकुल सब लोका। निसि दिनु नहिं अवलोकहिं कोका॥ देव दतुज नर किंनर ब्याला। प्रेत पिसाच भूत बेताला॥3॥

इन्ह कै दसा न कहेउँ बखानी। सदा काम के चेरे जानी॥ सिद्ध बिरक्त महामुनि जोगी। तेपि कामबस भए बियोगी॥4॥

भए कामबस जोगीस तापस पावरन्ट्ि की को कहै। देखहिं चराचर नारिमय जे ब्रह्ममय देखत रहे॥ अबला बिलोकहिं पुरुषमय जगु पुरुष सब अबलामयं। दुद्द दंड भरि ब्रह्मांड भीतर कामकृत कौतुक अयं॥

धरी न काहूँ धीर सब के मन मनसिज हरे। जे राखे रघुबीर ते उबरे तेहि काल महूँ॥85॥।

उभय घरी अस कौतुक भयऊ। जौ लगि कामु संभु पहिं गयऊ।॥ सिवहि बिलोकि ससंकेउ मारू। भयउ जथाथिति सबु संसारू॥॥

भण तुरत सब जीव सुखारे। जिमि मद उतरि गएँ मतवारे॥ रुद्रहि देखि मदन भय माना। दुराधरष दुर्गम भगवाना॥2॥

फिरत लाज कछु करि नहिं जाई। मरनु ठानि मन रचेसि उपाई॥ प्रगटेसि तुरत रुचिर रितुराजा। कुसुमित नव तरु राजि बिराजा॥3॥।

बन उपबन बापिका तड़ागा। परम सुभग सब दिसा बिभागा॥ जहूँ तहँ जतु उमगत अनुरागा। देखि मुएहँ मन मनसिज जागा॥4॥

जागइ मनोभव मुएहँ मन बन सुभगता न परै कही। सीतल सुगंध सुमंद मारुत मदन अनल सखा सही॥ बिकसे सरन्हि बहु कंज गुंजत पुंज मंजुल मधुकरा। कलहंस पिक सुक सरस रव करि गान नाचहिं अपछरा

सकल कला करि कोटि बिधि हारेउ सेन समेत। चली न अचल समाधि सिव कोपेउ हृदयनिकेत॥86॥।

देखि रसाल बिटप बर साखा। तेहि पर चढ़ेउ मदनु मन माखा॥ सुमन चाप निज सर संधाने। अति रिस ताकि श्रवन लगि ताने॥॥

छाड़े बिषम बिसिख उर लागे। छूटि समाधि संभु तब जागे॥ भयउ ईस मन छोभु बिसेषी। नयन उघारि सकल दिसि देखी॥2॥

सौरभ पल्‍्लव मदनु बिलोका। भयउ कोपु कंपेउ त्रैलोका॥ तब सितयेँ तीसर नयन उघारा। चितवन कामु भयउ जरि छारा॥3॥।

हाहाकार भयउ जग भारी। डरपे सुर भए असुर सुखारी॥ समुझि कामसुख सोचहिं भोगी। भए अकंटक साधक जोगी॥4॥।

जोगी अकंटक भए पति गति सुनत रति मुरुछ्ित भई। रोदति बदति बह भाँति करुना करति संकर पहिं गई॥ अति प्रेम करि बिनती बिबिध बिधि जोरि कर सन्मुख रही। प्रभु आसुतोष कृपाल सिव अबला निरखि बोले सही॥

अब तें रति तव नाथ कर होइहि नासमु अनंग। बिनु बपु ब्यापिहि सबहि पुनि सुनु निज मिलन प्रसंगु॥87॥

जब जदुबंस कृष्न अवतारा। होइहि हरन महा महिभारा॥ कृष्न तनय होइहि पति तोरा। बचनु अन्यथा होइ न मोरा॥॥

रति गवनी सुनि संकर बानी। कथा अपर अब कहउँ बखानी॥ देवन्ह समाचार सब पाए! ब्रह्मादिक बैकुंठ सिधाए॥2॥

सब सुर बिष्नु बिरंचि समेता। गए जहाँ सिव कृपानिकेता॥ पृथक-पृथक तिन्ह कीन््ि प्रसंसा। भए प्रसन्न चंद्र अवतंसा॥ 3॥।

बोले कृपासिंधु बृषकेतू। कहह अमर आए केहि हेतू॥ कह बिधि तुम्ह प्रभु अंतरजामी। तदपि भगति बस बिनवउँ स्वामी॥4॥।

सकल सुरन्ह के हृदयेँ अस संकर परम उछाह। निज नयनन्हि देखा चहहिं नाथ तुम्हार बिबाहु॥88॥।

यह उत्सव देखिअ भरि लोचन। सोइ कछु करहू मदन मद मोचन॥। कामु जारि रति कहूँ बरु दीन्हा। कृपासिन्धु यह अति भल कीन्हा॥॥

सासति करि पुनि करहिं पसाऊ। नाथ प्रभुन्ह कर सहज सुभाऊ॥। पारबतीं तपु कीन्ह अपारा। करह तासु अब अंगीकारा॥2॥।

सुनि बिधि बिनय समुझ्ि प्रभु बानी। ऐसेइ होउ कहा सुखु मानी॥ तब देवन्ह दुंदुभीं बजाईं। बरषि सुमन जय जय सुर साईं॥3॥

अवसरु जानि सप्तरिषि आए। तुरतहिं बिधि गिरिभवन पठाए।॥ प्रथम गए जहैँ रहीं भवानी। बोले मधुर बचन छल सानी॥4॥।

कहा हमार न सुनेहु तब नारद कें उपदेस॥ अब भा झूठ तुम्हार पन जारेउ कामु महेस॥89॥

मासपारायण, तीसरा विश्राम

सुनि बोलीं मुसुकाइ भवानी। उचित कहेह मुनिबर बिग्यानी॥ तुम्हरें जान कामु अब जारा। अब लगि संभु रहे सबिकारा॥

हमरें जान सदासिव जोगी। अज अनवद्य अकाम अभोगी॥ जौं मैं सिव सेये अस जानी। प्रीति समेत कर्म मन बानी॥2॥

तौ हमार पन सुनह मुनीसा। करिहृहिं सत्य कृपानिधि ईसा॥ तुम्ह जो कहा हर जारेउ मारा। सोइ अति बड़ अबिबेकु तुम्हारा॥3॥

तात अनल कर सहज सुभाऊ। हिम तेहि निकट जाइ नहिं काऊ॥ गएँ समीप सो अवसि नसाई। असि मन्मथ महेस की नाई॥4॥

हियेँ हरषे मुनि बचन सुनि देखि प्रीति बिस्वास। चले भवानिहि नाइ सिर गए हिमाचल पास॥90॥

सबु प्रसंगु गिरिपतिहि सुनावा। मदन दहन सुनि अति दुखु पावा॥ बहुरि कहेउ रति कर बरदाना। सुनि हिमवंत बहुत सुखु माना॥॥

ह्रदयँ बिचारि संभु प्रभुताई। सादर मुनिबर लिए बोलाई। सुदिनु सुनखतु सुघरी सोचाई। बेगि बेदबिधि लगन धराई॥2॥

पत्री सप्तरिषिन्ह सोइ दीन्ही। गहि पद बिनय हिमाचल कीनन्‍्ही॥ जाइ बिधिह्ि तिन्ह दीन्हि सो पाती। बाचत प्रीति न हृदय समाती॥3॥

लगन बाचि अज सबहि सुनाई। हरषे मुनि सब सुर समुदाई॥ सुमन बृष्टि नभ बाजन बाजे। मंगल कलस दसहूँ दिसि साजे॥4॥

लगे सँवारन सकल सुर बाहन बिबिध बिमान। होहिं सगुन मंगल सुभद करहिं अपछरा गान॥9॥।

सिवहि संभु गन करहिं सिंगारा। जटा मुकुट अहि मौरु सँवारा॥ कुंडल कंकन पहिरे ब्याला। तन बिभूति पट केहरि छाला॥4॥

ससि ललाट सुंदर सिर गंगा। नयन तीनि उपबीत भुजंगा॥ गरल कंठ उर नर सिर माला। असिव बेष सिवधाम कृपाला॥2॥

कर त्रिसूल अरु डमरु बिराजा। चले बसहैँ चढ़ि बाजहिं बाजा॥ देखि सिवहि सुरन्रिय मुसुकाहीं। बर लायक दुलहिनि जग नाहीं॥3॥

बिष्नु बिरंचि आदि सुरब्राता। चढ़ि चढ़ि बाहन चले बराता॥ सुर समाज सब भाँति अनूपा। नहिं बरात दूलह अनुरूपा॥4॥।

बिष्नु कहा अस बिहसि तब बोलि सकल दिसिराज। बिलग बिलग होइ चलह सब निज निज सहित समाज॥92॥

बर अनुहारि बरात न भाई। हँसी करैहह पर पुर जाई॥। बिष्नु बचन सुनि सुर मुसुकाने। निज निज सेन सहित बिलगाने॥

मनहीं मन महेसु मुसुकाहीं। हरि के बिंग्य बचन नहिं जाहीं॥ अति प्रिय बचन सुनत प्रिय केरे। भृंगिहि प्रेरि सकल गन टेरे॥2॥

सिव अनुसासन सुनि सब आए। प्रभु पद जलज सीस तिन्‍्ह नाए।॥ नाना बाहन नाना बेषा। बिहसे सिव समाज निज देखा॥3॥

कोउ मुख हीन बिपुल मुख काह। बिनु पद कर कोउ बह पद बाहू॥ बिपुल नयन कोउ नयन बिहीना। रिष्टपुष्ठ कोउ अति तनखीना॥4॥

तन कीन कोउ अति पीन पावन कोउ अपावन गति धरें। भूषन कराल कपाल कर सब सद्य सोनित तन भरें॥ खर स्वान सुअर सृकाल मुख गन बेष अगनित को गनै। बहु जिनस प्रेत पिसाच जोगि जमात बरनत नहिं बनै॥