बालकाण्ड · भाग ६

भूपति तृषित बिलोकि तेहिं सरबरू दीन्ह देखाइ। मज्जन पान समेत हय कीनन्‍्ह नृपति हरषाइ॥58॥।

गै श्रम सकल सुखी नृप भयऊ। निज आश्रम तापस लै गयऊ॥ आसन दीन्ह अस्त रबि जानी। पुनि तापस बोलेउ मृदु बानी॥॥

को तुम्ह कस बन फिरहू अकेलें। सुंदर जुबा जीव परहेलें॥ चक्रबर्ति के लच्छन तोरें। देखत दया लागि अति मोरें॥2॥।

नाम प्रतापभानु अवनीसा। तासु सचिव मैं सुनह मुनीसा॥ फिरत अहेरें परेउँ भुलाई। बड़ें भाग देखेउँ पद आई॥3॥।

हम कहँ दुर्लभ दरस तुम्हारा। जानत हौं कछ भल होनिहारा॥ कह मुनि तात भयउ अँधिआरा। जोजन सत्तरि नगरु तुम्हारा॥4॥।

निसा घोर गंभीर बन पंथ न सुनहू सुजान। बसह आजु अस जानि तुम्ह जाएह होत बिहान॥59 (क)॥

तुलसी जसि भवतब्यता तैसी मिलइ सहाइ। आपुनु आवइ ताहि पहििं ताहि तहाँ लै जाइ॥59(ख)॥

भलेहिं नाथ आयसु धरि सीसा। बाँघि तुरग तरु बैठ महीसा॥ नृप बहु भाँति प्रसंसेउ ताही। चरन बंदि निज भाग्य सराही॥

पुनि बोलेउ मृदु गिरा सुहाई। जानि पिता प्रभु करउँ ढिठाई॥ मोहि मुनीस सुत सेवक जानी। नाथ नाम निज कहह बखानी॥ 2॥।

तेहि न जान नृप नृपहि सो जाना। भूप सुह्नद सो कपट सयाना॥ बैरी पुनि छत्री पुनि राजा। छल बल कीन्ह चहइ निज काजा॥3॥

समुझि राजसुख दुखित अराती। अवाँ अनल इव सुलगइ छाती ॥ ससरल बचन नृप के सुनि काना। बयर सँभारि ह्वृदयँ हरषाना॥4॥।

कपट बोरि बानी मृदल बोलेउ जुगुति समेत। नाम हमार भिखारि अब निर्धन रहित निकेत॥60॥

कह नृप जे बिग्यान निधाना। तुम्ह सारिखे गलित अभिमाना॥ सदा रहहिं अपनपौ दुराएँ। सब बिधि कुसल कुबेष बनाएँ॥ ॥

तेहि तें कहहिं संत श्रुति टेरें। परम अकिंचन प्रिय हरि केरें॥ तुम्ह सम अधन भिखारि अगेहा। होत बिरंचि सिवह्ि संदेहा॥2॥।

जोसि सोसि तव चरन नमामी। मो पर कृपा करिअ अब स्वामी॥ सहज प्रीति भूपति कै देखी। आपु बिषय बिस्वास बिसेषी॥ 3॥।

सब प्रकार राजहि अपनाई। बोलेउ अधिक सनेह जनाई॥ सुनु सतिभाउ कहरउँ महिपाला। इहाँ बसत बीते बह काला॥4॥

अब लगि मोहि न मिलेउ कोउ मैं न जनावउँ काह। लोकमान्यता अनल सम कर तप कानन दाहु॥6 क।॥

तुलसी देखि सुबेषु भूलहिं मूढ़ न चतुर नर। सुंदर केकिहि पेखु बचन सुधा सम असन अहि॥64 खा॥।

तातें गुपुत रहउँ जग माहीं। हरि तजि किमपि प्रयोजन नाहीं॥ प्रभु जानत सब बिनहिं जनाए। कहह कवनि सिधि लोक रिझाएँ॥ ॥।

तुम्ह सुचि सुमति परम प्रिय मोरें। प्रीति प्रतीति मोहि पर तोरें॥ अब जौं तात दुरावरउँ तोही। दारुन दोष घटइ अति मोही॥2॥

जिमि जिमि तापसु कथइ उदासा। तिमि तिमि नृपहि उपज बिस्वासा॥ देखा स्वबस कर्म मन बानी। तब बोला तापस बगध्यानी॥3॥

नाम हमार एकतनु भाई। सुनि नृप बोलेउ पुनि सिरु नाई॥ कहट्ट नाम कर अरथ बखानी। मोहि सेवक अति आपन जानी ॥4॥।

आदिसृष्टि उपजी जबहिं तब उतपति भै मोरि। नाम एकतनु हेतु तेहि देह न धरी बहोरि॥62॥

जनि आचरजु करह मन माहीं। सुत तप तें दुर्लभ कछु नाहीं॥ तप बल तें जग सृजइ बिधाता। तप बल बिष्नु भए परित्राता॥

तपबल संभु करहिं संघारा। तप तें अगम न कछु संसारा॥ भयउ नृपह्ि सुनि अति अनुरागा। कथा पुरातन कहै सो लागा॥2॥।

करम धरम इतिहास अनेका। करइ निरूपन बिरति बिबेका॥ उदभव पालन प्रलय कहानी। कहेसि अमित आचरज बखानी॥3॥।

सुनि महीप तापस बस भयऊ। आपन नाम कहन तब लयउ।॥ कह तापस नृप जानउँ तोही। कीन्हेह कपट लाग भल मोही॥4॥

सुतु महीस असि नीति जहैूँ तहँ नाम न कहहिं नृप। मोहि तोहि पर अति प्रीति सोइ चतुरता बिचारि तव॥63॥।

नाम तुम्हार प्रताप दिनेसा। सत्यकेतु तव पिता नरेसा॥ गुर प्रसाद सब जानिअ राजा। कहिअ न आपन जानि अकाजा॥॥

देखि तात तव सहज सुधाई। प्रीति प्रतीति नीति निपुनाई॥ उपजि परी ममता मन मोरें। कहउँ कथा निज पूछे तोरें॥2॥।

अब प्रसन्न मैं संसय नाहीं। मागु जो भूप भाव मन माहीं॥ सुनि सुबचन भूपति हरषाना। गहि पद बिनय कीन्टहि बिधि नाना॥3॥

कृपासिंधु मुनि दरसन तोरें। चारि पदारथ करतल मोरें॥ प्रभुहि तथापि प्रसन्न बिलोकी। मागि अगम बर होउँ असोकी॥4॥।

जरा मरन दुख रहित तनु समर जितै जनि कोउ। एकछत्र रिपुहीन महि राज कलप सत होउ॥64॥

कह तापस नृप ऐसेइ होऊ। कारन एक कठिन सुनु सोऊ॥। कालउ तुअ पद नाइहि सीसा। एक बिप्रकुल छाड़ि महीसा॥॥

तपबल बिप्र सदा बरिआरा। तिन्ह के कोप न कोउ रखवारा॥ जौं बिप्रन्ह बस करह नरेसा। तौ तुअ बस बिधि बिष्नु महेसा॥2॥।

चल न ब्रह्मकुल सन बरिआई। सत्य कहऊउँ दोउ भुजा उठाई॥ बिप्र श्राप बिनु सुनु महिपाला। तोर नास नहिं कवनेहूँ काला॥ 3॥

हरषेउ राउ बचन सुनि तासू। नाथ न होइ मोर अब नासू॥ तव प्रसाद प्रभु कृपानिधाना। मो कहूँ सर्बकाल कल्याना॥4॥।

एवमस्तु कहि कपट मुनि बोला कुटिल बहोरि। मिलब हमार भुलाब निज कहह् त हमहि न खोरि॥65॥

तातें मैं तोहि बरजरऊँ राजा। कहें कथा तव परम अकाजा॥ छठें श्रवन यह परत कहानी। नास तुम्हार सत्य मम बानी॥

यह प्रगटें अथवा द्विजश्रापा। नास तोर सुनु भानुप्रतापा॥ आन उपायेँ निधन तव नाहीं। जौं हरि हर कोपहिं मन माहीं॥2॥

सत्य नाथ पद गहि नृप भाषा। द्विज गुर कोप कहट्ट को राखा॥ राखइ गुर जौं कोप बिधाता। गुर बिरोध नहिं कोउ जग त्राता॥3॥

जौं न चलब हम कहे तुम्हारें। होउ नास नहिं सोच हमारें॥ एकहिं डर डरपत मन मोरा। प्रभु महिदेव श्राप अति घोरा॥4॥

होहिं बिप्र बस कवन बिधि कहह कृपा करि सोउ। तुम्ह तजि दीनदयाल निज हितू न देखऊँ कोउ॥66॥

सुनु नृप बिबिध जतन जग माहीं। कष्टसाध्य पुनि होहिं कि नाहीं॥ अहइ एक अति सुगम उपाई। तहाँ परन्तु एक कठिनाई॥॥

मम आधीन जुगुति नृप सोई। मोर जाब तव नगर न होई॥ आजु लगें अरु जब तें भयऊँ। काहू के गृह ग्राम न गयऊँ॥2॥।

जौं न जाउँ तव होइ अकाजू। बना आइ असमंजस आजुू॥ सुनि महीस बोलेउ मृदु बानी। नाथ निगम असि नीति बखानी॥3॥।

बड़े सनेह लघुन्ह पर करहीं। गिरि निज सिरनि सदा तृन धरहीं॥ जलघधि अगाध मौलि बह फेनू। संतत धरनि धरत सिर रेनू॥4॥

अस कह गहे नरेस पद स्वामी होह कृपाल। मोहि लागि दुख सहिअ प्रभु सज्जन दीनदयाल॥67॥

जानि नृपहि आपन आधीना। बोला तापस कपट प्रबीना॥ सत्य कहरउँ भूपति सुनु तोही। जग नाहिन दुर्लभ कछु मोही॥ १॥

अवसि काज मैं करिहउँ तोरा। मन तन बचन भगत तैं मोरा॥ जोग जुगुति तप मंत्र प्रभाऊ। फलइ तबहिं जब करिअ दुराऊ॥2॥

जौं नरेस मैं करौं रसोई। तुम्ह परुसह मोहि जान न कोई॥ अन्न सो जोइ जोइ भोजन करई। सोइ सोइ तव आयसु अनुसरई॥3।॥

पुनि तिन्‍्ह के गृह जेवँइ जोऊ। तव बस होइ भूप सुनु सोऊ॥। जाइ उपाय रचह् नृूप एह। संबत भरि संकलप करेहू॥4॥

नित नूतन द्विज सहस सत बरेह सहित परिवार। मैं तुम्हरे संकलप लगि दिनहिं करबि जेवनार॥68॥।

एहि बिधि भूप कष्ट अति थोरें। होइहहिं सकल बिप्र बस तोरें॥ करिह्हिं बिप्र होममख सेवा। तेहिं प्रसंग सहजेहिं बस देवा॥ ॥

और एक तोहि कहउँ लखाऊ। मैं एहिं बेष न आउब काऊ।॥ तुम्हरे उपरोहित कहूँ राया। हरि आनब मैं करि निज माया॥2॥।

तपबल तेहि करि आपु समाना। रखिहरउँ इहाँ बरष परवाना॥ मैं धरि तासु बेषु सुनु राजा। सब बिधि तोर सँवारब काजा॥3॥

गै निसि बहुत सयन अब कीजे। मोहि तोहि भूप भेंट दिन तीजे॥ मैं तपबल तोहि तुरग समेता। पहुँचैहउँ सोवतहि निकेता॥4॥

मैं आउब सोइ बेषु धरि पहिचानेहू तब मोहिह। जब एकांत बोलाइ सब कथा सुनावौं तोहि॥69॥

सयन कीन्ह नृप आयसु मानी। आसन जाइ बैठ छलग्यानी॥ श्रमित भूप निद्रा अति आई। सो किमि सोव सोच अधिकाई॥

कालकेतु निसिचर तहैँ आवा। जेहिं सूकर होइ नृपहि भुलावा॥ परम मित्र तापस नृप केरा। जानइ सो अति कपट घनेरा॥2॥।

तेहि के सत सुत अरु दस भाई। खल अति अजय देव दुखदाई॥ प्रथमहिं भूप समर सब मारे। बिप्र संत सुर देखि दुखारे॥3॥।

तेहिं खल पाछ्धिल बयरु सँभारा। तापस नृप मिलि मंत्र बिचारा॥ जेहिं रिपु छय सोइ रचेन्हि उपाऊ। भावी बस न जान कछु राऊ॥4॥

रिपु तेजसी अकेल अपि लघु करि गनिअ न ताहु। अ्जहूँ देत दुख रबि ससिहि सिर अवसेषित राहु॥70॥

तापस नृप निज सखहि निहारी। हरघषि मिलेउ उठि भयउ सुखारी॥ मित्रहि कहि सब कथा सुनाई। जातुधान बोला सुख पाई॥॥

अब साधेउँ रिपु सुनह नरेसा। जौं तुम्ह कीन्ह मोर उपदेसा॥ परिहरि सोच रहह्ठ तुम्ह सोई। बिनु औषध बिआधि बिधि खोई॥2॥

कुल समेत रिपु मूल बहाई। चौथें दिवस मिलब मैं आई॥ तापस नृपहि बहुत परितोषी। चला महाकपटी अतिरोषी॥3।॥

भानुप्रतापहि बाजि समेता। पहुँचाएसि छन माझ निकेता॥ नृपहि नारि पहिं सयन कराई। हयगृहँ बाँधेसि बाजि बनाई॥4॥।

राजा के उपरोहितहि हरि लै गयउ बहोरि। लै राखेसि गिरि खोह महूँ मायाँ करि मति भोरि॥74॥।

आपु बिरचि उपरोहित रूपा। परेउ जाइ तेहि सेज अनूपा॥ जागेउ नृप अनभरएँ बिहाना। देखि भवन अति अचरजु माना॥

मुनि महिमा मन महूँ अनुमानी। उठेउ गवँहिं जेहिं जान न रानी॥ कानन गयउ बाजि चढ़ि तेहीं। पुर नर नारि न जानेउ केहीं॥2॥

गएँ जाम जुग भूपति आवा। घर घर उत्सव बाज बधावा॥ उपरोहितहि देख जब राजा। चकित बिलोक सुमिरि सोइ काजा॥3॥

जुग सम नृपहि गए दिन तीनी। कपटी मुनि पद रह मति लीनी॥ समय जान उपरोहित आवा। नृपहि मते सब कह समुझावा॥4॥

नृप हरषेउ पहिचानि गुरु भ्रम बस रहा न चेत। बरे तुरत सत सहस बर बिप्र कुटुंब समेत॥72॥।

उपरोहित जेवनार बनाई। छरस चारि बिधि जसि श्रुति गाई॥ मायामय तेहिं कीन्हि रसोई। बिंजन बहु गनि सकइ न कोई॥॥

बिबिध मृगन्ह कर आमिष राँधा। तेहि महूँ बिप्र माँसु खल साँधा॥ भोजन कहूँ सब बिप्र बोलाए। पद पखारि सादर बैठाए॥2॥

परुसन जबहिं लाग महिपाला। भै अकासबानी तेहि काला॥ बिप्रबुंद उठि उठि गृह जाहू। है बड़ि हानि अन्न जनि खाहू॥3॥।

भयउ रसोई भूसुर माँसू। सब द्विज उठे मानि बिस्वासू॥ भूप बिकल मति मोहैँ भुलानी। भावी बस न आव मुख बानी ॥4॥

बोले बिप्र सकोप तब नहिं कछु कीन्ह बिचार। जाइ निसाचर होह नृप मूढ सहित परिवार॥73॥

छत्रबंधु तैं बिप्र बोलाई। घालै लिए सहित समुदाई॥ ईश्वर राखा धरम हमारा। जैहसि तैं समेत परिवारा॥१॥

संबत मध्य नास तव होऊ। जलदाता न रहिहि कुल कोऊ॥। नृप सुनि श्राप बिकल अति त्रासा। भै बहोरि बर गिरा अकासा॥2॥

बिप्रह श्राप बिचारि न दीन्हा। नहिं अपराध भूप कछु कीन्हा॥ चकित बिप्र सब सुनि नभबानी। भूप गयउ जहँ भोजन खानी॥3॥

तहँ न असन नहिं बिप्र सुआरा। फिरेउ राउ मन सोच अपारा॥ सब प्रसंग महिसुरन्ह सुनाई। त्रसित परेउ अवनीं अकुलाई॥4॥

भूपति भावी मिटइ नहिं जदपि न दूषन तोर। किएँ अन्यथा दोइ नहिं बिप्रश्नाप अति घोर॥74॥।

अस कह सब महिदेव सिधाए। समाचार पुरलोगन्ह पाए।॥ सोचहिं दूषन दैवहि देहीं। बिरचत हंस काग किए जेहीं॥॥

उपरोहितहि भवन पहुँचाई। असुर तापसहि खबरि जनाई॥ तेहिं खल जहैँ तहँ पत्र पठाए। सजि सजि सेन भूप सब धाए॥2॥

घेरेन्हि नगर निसान बजाई। बिबिध भाँति नित होइ लराई॥ जूझे सकल सुभट करि करनी। बंधु समेत परेउ नृप धरनी॥3॥।

सत्यकेतु कुल कोउ नहिं बाँचा। बिप्रश्नाप किमि होइ असाँचा॥ रिपु जिति सब नृप नगर बसाई। निज पुर गवने जय जसु पाई॥4॥

भरद्वाज सुनु जाहि जब होई बिधाता बाम। धूरि मेरसम जनक जम ताहि ब्यालसम दाम॥75॥

काल पाइ मुनि सुतु सोइ राजा। भयउ निसाचर सहित समाजा॥ दस सिर ताहि बीस भुजदंडा। रावन नाम बीर बरिबंडा॥॥

भूप अनुज अरिमर्दन नामा। भयउ सो कुंभकरन बलधामा॥ सचिव जो रहा धरमरुचि जासू। भयउ बिमात्र बंधु लघु तासू॥2॥

नाम बिभीषन जेहि जग जाना। बिष्नुभगत बिग्यान निधाना॥ रहे जे सुत सेवक नृप केरे। भए निसाचर घोर घनेरे॥3॥

कामरूप खल जिनस अनेका। कुटिल भयंकर बिगत बिबेका॥ कृपा रहित हिंसक सब पापी। बरनि न जाहिं बिस्व परितापी॥4॥

उपजे जदपि पुलस्त्यकुल पावन अमल अनूप। तदपि महीसुर श्राप बस भए सकल अघरूप॥76॥।

कीन्ह बिबिध तप तीनिहूँ भाई। परम उग्र नहिं बरनि सो जाई॥ गयउ निकट तप देखि बिधाता। मागह बर प्रसन्न मैं ताता॥॥

करि बिनती पद गहि दससीसा। बोलेउ बचन सुनहु जगदीसा॥ हम काह के मरहिं न मारें। बानर मनुज जाति दुइ बारें॥2॥

एवमस्तु तुम्ह बड़ तप कीनन्‍हा। मैं ब्रह्माँ मिलि तेहि बर दीन्हा॥ पुनि प्रभु कुंभकरन पहिं गयऊ। तेहि बिलोकि मन बिसमय भयऊ॥3॥

जौं एहिं खल नित करब अहारू। होइहि सब उजारि संसारू॥ सारद प्रेरि तासु मति फेरी। मागेसि नीद मास षट केरी॥4॥

गए बिभीषन पास पुनि कहेउ पुत्र बर माग। तेहिं मागेउ भगवंत पद कमल अमल अनुरागु॥77॥

तिन्हहि देइ बर ब्रह्म सिधाए। हरघषित ते अपने गृह आए॥ मय ततुजा मंदोदरि नामा। परम सुंदरी नारि ललामा॥॥

सोइ मयँ दीन्हि रावनहि आनी। होइहि जातुधानपति जानी॥ हरघषित भयउ नारि भलि पाई। पुनि दोउ बंधु बिआहेसि जाई॥2॥

गिरि त्रिकूट एक सिंधु मझारी। बिधि निर्मित दुर्गम अति भारी॥ सोइ मय दानवँ बहुरि सँवारा। कनक रचित मनि भवन अपारा॥3॥

भोगावति जसि अहिकुल बासा। अमरावति जसि सक्रनिवासा॥ तिन्ह तें अधिक रम्य अति बंका। जग बिख्यात नाम तेहि लंका॥4॥

खाई सिंधु गभीर अति चारिहूँ दिसि फिरि आव। कनक कोट मनि खचित दृढ़ बरनि न जाइ बनाव॥78 क।॥

हरि प्रेरित जेहिं कलप जोइ जातुधानपति होइ। सूर प्रतापी अतुलबल दल समेत बस सोइ॥78 खा

रहे तहाँ निसिचर भट भारे। ते सब सुरन्ह समर संघारे॥ अब तहूँ रहहिं सक्र के प्रेरे। रच्छक कोटि जच्छपति केरे॥॥

दसमुख कतहूँ खबरि असि पाई। सेन साजि गढ़ घेरेसि जाई॥ देखि बिकट भट बड़ि कटकाई। जच्छ जीव लै गए पराई॥2॥।

फिरि सब नगर दसानन देखा। गयउ सोच सुख भयउ बिसेषा॥ सुंदर सहज अगम अनुमानी। कीन्टि तहाँ रावन रजधानी॥3॥

जेहि जस जोग बाँटि गृह दीन्‍्हे। सुखी सकल रजनीचर कीन्हें॥ एक बार कुबेर पर धावा। पुष्पक जान जीति लै आवा॥4॥

कौतुकहीं कैलास पुनि लीन्हेसि जाइ उठाइ। मनहूँ तौलि निज बाहुबल चला बहुत सुख पाइ॥79॥

सुख संपति सुत सेन सहाई। जय प्रताप बल बुद्धि बड़ाई॥ नित नूतन सब बाढ़त जाई। जिमि प्रतिलाभ लोभ अधिकाई॥॥

अतिबल कुंभकरन अस भ्राता। जेहि कहूँ नहिं प्रतिभट जग जाता॥ करइ पान सोवइ षट मासा। जागत होइ तिहूँ पुर त्रासा॥2॥

जौं दिन प्रति अहार कर सोई। बिस्व बेगि सब चौपट होई॥ समर धीर नहिं जाइ बखाना। तेहि सम अमित बीर बलवाना॥3॥

बारिदनाद जेठ सुत तासू। भट महूँ प्रथम लीक जग जासू॥ जेहि न होइ रन सनमुख कोई। सुरपुर नितहिं परावन होई॥4॥

कुमुख अकंपन कुलिसरद धूमकेतु अतिकाय। एक एक जग जीति सक ऐसे सुभट निकाय॥80॥

कामरूप जानहिं सब माया। सपनेहूँ जिन्ह कें धरम न दाया॥ दसमुख बैठ सभाँ एक बारा। देखि अमित आपन परिवारा॥

सुत समूह जन परिजन नाती। गनै को पार निसाचर जाती॥ सेन बिलोकि सहज अभिमानी। बोला बचन क्रोध मद सानी॥2॥

सुनह सकल रजनीचर जूथा। हमरे बैरी बिबुध बरूथा॥ ते सनमुख नहिं करहिं लराई। देखि सबल रिपु जाहिं पराई॥3॥।

तेन्ह कर मरन एक बिधि होई। कहरउँ बुझाइ सुनह अब सोई॥। द्विजभोजन मख होम सराधा। सब कै जाइ करह तुम्ह बाधा॥4॥

छधा छीन बलहीन सुर सहजेहिं मिलिहहिं आइ। तब मारिहउँ कि छाड़िहउँ भली भाँति अपनाइ॥8॥

मेघनाद कहूँ पुनि हँकरावा। दीन्हीं सिख बलु बयरु बढ़ावा॥ जे सुर समर धीर बलवाना। जिन्ह कें लरिबे कर अभिमाना॥

तिन्हहि जीति रन आनेसु बाँधी। उठि सुत पितु अनुसासन काँघी॥ एहि बिधि सबही अग्या दीन्हीं। आपुतु चलेउ गदा कर लीन्ही॥2॥

चलत दसानन डोलति अवनी। गर्जत गर्भ स्रवहिं सुर रवनी॥ रावन आवत सुनेउ सकोहा। देवन्ह तके मेरु गिरि खोहा॥3॥

दिगपालन्ह के लोक सुहाए। सूने सकल दसानन पाए॥ पुनि पुनि सिंघनाद करि भारी। देइ देवतन्ह गारि पचारी॥4॥

रन मद मत्त फिरइ गज धावा। प्रतिभट खोजत कतहूँ न पावा॥ रबि ससि पवन बरुन धनधारी। अगिनि काल जम सब अधिकारी॥5॥।

किंनर सिद्ध मनुज सुर नागा। हठि सबही के पंथह्हिं लागा॥ ब्रह्मसृष्टि जहँ लगि तनुधारी। दसमुख बसबर्ती नर नारी॥6॥

आयसु करहिं सकल भयभीता। नवहिं आइ नित चरन बिनीता॥7॥।

भुजबल बिस्व बस्य करि राखेसि कोउ न सुतंत्र। मंडलीक मनि रावन राज करइ निज मंत्र॥82 क॥।

देव जच्छ गंधर्ब नर किंनर नाग कुमारि। जीति बरीं निज बाह बल बह सुंदर बर नारि॥82 ख॥

इंद्रजीत सन जो कछु कहेऊ। सो सब जनु पहिलेहिं करि रहेऊ॥। प्रथमहिं जिन्ह कहूँ आयसु दीन्हा। तिन्ह कर चरित सुनह जो कीन्‍्हा॥॥

देखत भीमरूप सब पापी। निसिचर निकर देव परितापी॥ करहिं उपद्रव असुर निकाया। नाना रूप धरहिं करि माया॥2॥

जेहि बिधि होइ धर्म निर्मूला। सो सब करहिं बेद प्रतिकूला॥ जेहिं जेहिं देस धेनु द्विज पावहिं। नगर गाउँ पुर आगि लगावहिं॥3॥

सुभ आचरन कतहूँ नहिं होई। देव बिप्र गुरु मान न कोई॥ नहिं हरिभिगति जग्य तप ग्याना। सपनेह सुनिअ न बेद पुराना॥4॥।

जप जोग बिरागा तप मख भागा श्रवन सुनइ दससीसा। आपुनु उठि धावइ रहै न पावइ धरि सब घालइ खीसा॥ अस भ्रष्ट अचारा भा संसारा धर्म सुनिअ नहिं काना। तेहि बहुबिघधि त्रासइ देस निकासइ जो कह बेद पुराना॥

बरनि न जाइ अनीति घोर निसाचर जो करहिं। हिंसा पर अति प्रीति तिन्ह के पापहि कवनि मिति॥83॥

मासपारायण, छठा विश्वाम

पृथ्वी और देवतादि की करुण पुकार

बाढ़े खल बहु चोर जुआरा। जे लंपट परधन परदारा॥ मानहिं मातु पिता नहिं देवा। साधुन्ह सन करवावहिं सेवा॥ ॥।

जिन्ह के यह आचरन भवानी। ते जानेहु निसिचर सब प्रानी॥ अतिसय देखि धर्म कै ग्लानी। परम सभीत धरा अकुलानी॥2॥।

गिरि सरि सिंधु भार नहिं मोही। जस मोहि गरुअ एक परद्रोही। सकल धर्म देखइ बिपरीता। कहि न सकइ रावन भय भीता॥3॥।

धेनु रूप धरि हृदयँ बिचारी। गई तहाँ जहैँ सुर मुनि झारी॥ निज संताप सुनाएसि रोई। काह तें कछु काज न होई॥4॥।

सुर मुनि गंधर्बा मिलि करि सर्बा गे बिरंचि के लोका। सँग गोतनुधारी भूमि बिचारी परम बिकल भय सोका॥ ब्रह्माँ सब जाना मन अनुमाना मोर कछू न बसाई। जा करि तैं दासी सो अबिनासी हमरेउ तोर सहाई॥

धरनि धरहि मन धीर कह बिरंचि हरि पद सुमिरु। जानत जन की पीर प्रभु भंजिहि दारुन बिपति॥84॥

बैठे सुर सब करहिं बिचारा। कहँ पाइअ प्रभु करिअ पुकारा॥ पुर बैकुंठ जान कह कोई। कोउ कह पयनिधि बस प्रभु सोई॥॥

जाके ह्ृदयँ भगति जसि प्रीती। प्रभु तहैँ प्रगट सदा तेहिं रीती॥ तेहिं समाज गिरिजा मैं रहेऊं। अवसर पाइ बचन एक कह्ेउँ॥2॥।

हरि ब्यापक सर्बत्र समाना। प्रेम तें प्रगट होहिं मैं जाना॥ देस काल दिसि बिदिसिट्ट माहीं। कहह सो कहाँ जहाँ प्रभु नाहीं॥3॥

अग जगमय सब रहित बिरागी। प्रेम तें प्रभु प्रगटइ जिमि आगी॥ मोर बचन सब के मन माना। साधु-साधु करि ब्रह्म बखाना॥4॥

सुनि बिरंचि मन हरष तन पुलकि नयन बह नीर। अस्तुति करत जोरि कर सावधान मतिधीर॥85॥

जय जय सुरनायक जन सुखदायक प्रनतपाल भगवंता। गो द्विज हितकारी जय असुरारी सिंधुसुता प्रिय कंता॥ पालन सुर धरनी अद्भुत करनी मरम न जानइ कोई। जो सहज कृपाला दीनदयाला करउ अनुग्रह सोई॥

जय जय अबिनासी सब घट बासी ब्यापक परमानंदा। अबिगत गोतीतं चरित पुनीतं मायारहित मुकुंदा॥ जेहि लागि बिरागी अति अनुरागी बिगत मोह मुनिबुंदा। निसि बासर ध्यावहिं गुन गन गावहिं जयति सच्िदानंदा॥2॥

जेहिं सृष्टि उपाई त्रिबिध बनाई संग सहाय न दूजा। सो करउ अघारी चिंत हमारी जानिअ भगति न पूजा॥ जो भव भय भंजन मुनि मन रंजन गंजन बिपति बरूथा। मन बच क्रम बानी छाड़ि सयानी सरन सकल सुरजूथा॥3॥

सारद श्रुति सेघा रिषय असेषा जा कहूँ कोउ नहिं जाना। जेहि दीन पिआरे बेद पुकारे द्रवउ सो श्री भगवाना॥ भव बारिधि मंदर सब बिधि सुंदर गुनमंदिर सुखपुंजा। मुनि सिद्ध सकल सुर परम भयातुर नमत नाथ पद कंजा॥4॥

जानि सभय सुर भूमि सुनि बचन समेत सनेह। गगनगिरा गंभीर भइ हरनि सोक संदेह॥86॥

जनि डरपह मुनि सिद्ध सुरेसा। तुम्हहि लागि धरिहउँ नर बेसा॥ अंसन्ह सहित मतुज अवतारा। लेहउँ दिनकर बंस उदारा॥

कस्यप अदिति महातप कीन्हा। तिन्ह कहूँ मैं पूरब बर दीन्हा॥ ते दसरथ कौसल्या रूपा। कोसलपुरीं प्रगट नर भूपा॥2॥

तिन्ह के गृह अवतरिहउँ जाई। रघुकुल तिलक सो चारिउ भाई॥ नारद बचन सत्य सब करिहउँ। परम सक्ति समेत अवतरिहउँ॥3॥।

हरिहउँ सकल भूमि गरुआई। निर्भय होह देव समुदाई॥ गगन ब्रह्मबानी सुनि काना। तुरत फिरे सुर हृदय जुड़ाना॥4॥

तब ब्रह्माँ धरनिहि समुझावा। अभय भई भरोस जियँ आवा॥5॥

निज लोकहि बिरंचि गे देवन्ह इहइ सिखाइ। बानर तनु धरि धरि महि हरि पद सेवह जाइ॥87॥।

गए देव सब निज निज धामा। भूमि सहित मन कहूँ बिश्रामा॥ जो कछु आयसु ब्रह्माँ दीन्हा। हरषे देव बिलंब न कीन्‍्हा॥॥

बनचर देह धरी छिति माहीं। अतुलित बल प्रताप तिन्‍्ह पाहीं॥ गिरि तरु नख आयुध सब बीरा। हरि मारग चितवहिं मतिधीरा॥2॥

गिरि कानन जहैँ तहँ भरि पूरी। रहे निज निज अनीक रचि रूरी॥ यह सब रुचिर चरित मैं भाषा। अब सो सुनह जो बीचहिं राखा॥3॥

अवधपुरीं रघुकुलमनि राऊ। बेद बिदित तेहि दसरथ नाऊँ॥ धरम धुरंधर गुननिधि ग्यानी। हृदयँ भगति भति साउँगपानी॥4॥

कौसल्यादि नारि प्रिय सब आचरन पुनीत। पति अनुकूल प्रेम दूढ़ हरि पद कमल बिनीत॥88॥।

एक बार भूपति मन माहीं। भै गलानि मोरें सुत नाहीं॥ गुर गृह गयउ तुरत महिपाला। चरन लागि करि बिनय बिसाला॥॥

निज दुख सुख सब गुरहि सुनायउ। कहि बसिष्ट बहुबिधि समुझायउ॥ धरह धीर होइहहिं सुत चारी। त्रिभुवन बिदित भगत भय हारी॥2॥

सुंगी रिषिहि बसिष्ट बोलावा। पुत्रकाम सुभ जग्य करावा॥ भगति सहित मुनि आहृति दीन्हें। प्रगटे अगिनि चरू कर लीन्हें॥3॥।

जो बसिष्त कछु हृदयँ बिचारा। सकल काजु भा सिद्ध तुम्हारा॥ यह हबि बाँटि देह नृप जाई। जथा जोग जेहि भाग बनाई॥4॥

तब अदृस्य भए पावक सकल सभहि समुझाइ। परमानंद मगन नृप हरष न ह्ृदयँ समाइ॥89॥

तबहिं रायेँ प्रिय नारि बोलाईं। कौसल्यादि तहाँ चलि आईं॥ अर्ध भाग कौसल्यहि दीन्हा। उभय भाग आधे कर कीनन्‍्हा॥॥

कैकेई कहैँ नृप सो दयऊ। रह्मो सो उभय भाग पुनि भयऊ॥। कौसल्या कैकेई हाथ धरि। दीन्‍न्ह सुमित्रहि मन प्रसन्न करि॥2॥

एहि बिधि गर्भसहित सब नारी। भईं हृदयेँ हरषित सुख भारी॥ जा दिन तें हरि गर्भह्चिं आए। सकल लोक सुख संपत्ति छाए॥3॥।

मंदिर महँ सब राजहिं रानीं। सोभा सील तेज की खानीं॥ सुख जुत कछुक काल चलि गयऊ। जेहिं प्रभु प्रगट सो अवसर भयऊ॥4॥।