बालकाण्ड · भाग ७

जोग लगन ग्रह बार तिथि सकल भण अनुकूल। चर अरु अचर हर्षजुत राम जनम सुखमूल॥90॥

नौमी तिथि मधु मास पुनीता। सुकल पच्छ अभिजित हरिप्रीता॥ मध्यदिवस अति सीत न घामा। पावन काल लोक बिश्रामा॥॥

सीतल मंद सुरभि बह बाऊ। हरघित सुर संतन मन चाऊ।॥ बन कुसुमित गिरिगन मनिआरा। ख्रवहिं सकल सरिताऽमृतधारा॥2॥

सो अवसर बिरंचि जब जाना। चले सकल सुर साजि बिमाना॥ गगन बिमल संकुल सुर जूथा। गावहिं गुन गंधर्ब बरूथा॥ 3॥।

बरषहिं सुमन सुअंजुलि साजी। गहगहि गगन दुंदुभी बाजी॥ अस्तुति करहिं नाग मुनि देवा। बहुबिधि लावहिं निज निज सेवा॥4॥।

सुर समूह बिनती करि पहुँचे निज निज धाम। जगनिवास प्रभु प्रगटे अखिल लोक बिश्राम॥9॥

भए प्रगट कृपाला दीनदयाला कौसल्या हितकारी। हरषित महतारी मुनि मन हारी अद्भुत रूप बिचारी॥ लोचन अभिरामा तनु घनस्यामा निज आयुध भुजचारी। भूषन बनमाला नयन बिसाला सोभासिंधु खरारी॥

कह दुदइ कर जोरी अस्तुति तोरी केहि बिधि करौं अनंता। माया गुन ग्यानातीत अमाना बेद पुरान भनंता॥ करुना सुख सागर सब गुन आगर जेह्ि गावहिं श्रुति संता। सो मम हित लागी जन अनुरागी भयउ प्रगट श्रीकंता॥2॥

ब्रह्मांड निकाया निर्मित माया रोम रोम प्रति बेद कहै। मम उर सो बासी यह उपहासी सुनत धीर मति थिर न रहै॥ उपजा जब ग्याना प्रभु मुसुकाना चरित बहुत बिधि कीन्ह चहै। कहि कथा सुहाई मातु बुझाई जेहि प्रकार सुत प्रेम लहै॥3॥।

माता पुनि बोली सो मति डोली तजह तात यह रूपा। कीजै सिसुलीला अति प्रियसीला यह सुख परम अनूपा॥ सुनि बचन सुजाना रोदन ठाना होइ बालक सुरभूपा। यह चरित जे गावहिं हरिपद पावहिं ते न परहिं भवकूपा॥4॥

बिप्र धेनु सुर संत हित लीन्ह मनुज अवतार। निज इच्छा निर्मित तनु माया गुन गो पार॥92॥

सुनि सिसु रुदन परम प्रिय बानी। संभ्रम चलि आईं सब रानी॥ हरघित जहैँ तहँ धाई दासी। आनंद मगन सकल पुरबासी॥

दसरथ पुत्रजन्म सुनि काना। मानह् ब्रह्मानंद समाना॥ परम प्रेम मन पुलक सरीरा। चाहत उठन करत मति धीरा॥2॥।

जाकर नाम सुनत सुभ होई। मोरें गृह आवा प्रभु सोई॥ परमानंद पूरि मन राजा। कहा बोलाइ बजावह बाजा॥3॥।

गुर बसिष्त कहँ गयउ हँकारा। आए द्विजन सहित नृपद्वारा॥ अनुपम बालक देखेन्हि जाई। रूप रासि गुन कहि न सिराई॥4॥

नंदीमुख सराध करि जातकरम सब कीन्ह। हाटक धेतु बसन मनि नृप बिप्रन्ह कहैँ दीन्ह॥93॥।

ध्वज पताक तोरन पुर छावा। कहि न जाइ जेहि भाँति बनावा॥ सुमनबृष्टि अकास तें होई। ब्रह्मानंद मगन सब लोई॥॥

बूंद बूंद मिलि चलीं लोगाईं। सहज सिंगार किएँ उठि धाईं॥ कनक कलस मंगल भरि थारा। गावत पैठहिहिं भूप दुआरा॥2॥।

करि आरति नेवछावरि करहीं। बार बार सिसु चरनन्हि परहीं॥ मागध सूत बंदिगन गायक। पावन गुन गावहिं रघुनायक॥3॥

सर्बस दान दीन्ह सब काह। जेहिं पावा राखा नहिहं ताहू॥ मृगमद चंदन कुंकुम कीचा। मची सकल बीथिन्ह बिच बीचा॥4॥।

गृह गृह बाज बधाव सुभ प्रगटे सुषमा कंद। हरषवंत सब जहैँ तहँ नगर नारि नर बुंद॥94॥

कैकयसुता सुमित्रा दोऊ। सुंदर सुत जनमत भैं ओऊ।॥ वह सुख संपति समय समाजा। कहि न सकइ सारद अहिराजा॥॥

अवधपुरी सोहइ एहि भाँती। प्रभुहि मिलन आई जनु राती॥ देखि भानु जतु मन सकुचानी। तदपि बनी संध्या अतुमानी॥2॥

अगर धूप बहु जनु अँधिआरी। उड़इ अबीर मनहूँ अरुनारी॥ मंदिर मनि समूह जनु तारा। नृप गृह कलस सो इंदु उदारा॥3॥

भवन बेदधुनि अति मृदु बानी। जनु खग मुखर समयेँ जनु सानी॥ कौतुक देखि पतंग भुलाना। एक मास तेईँ जात न जाना॥4॥

मास दिवस कर दिवस भा मरम न जानइ कोइ। रथ समेत रबि थाकेउ निसा कवन बिधि होइ॥95॥।

यह रहस्य काहूँ नहिं जाना। दिनमनि चले करत गुनगाना॥ देखि महोत्सव सुर मुनि नागा। चले भवन बरनत निज भागा॥॥

औरउ एक कहउँ निज चोरी। सुतनु गिरिजा अति दृढ़ मति तोरी॥ काकभुसुंडि संग हम दोऊ। मनुजरूप जानइ नहिं कोऊ॥2॥

परमानंद प्रेम सुख फूले। बीथिन्ह फिरहिं मगन मन भूले॥ यह सुभ चरित जान पै सोई। कृपा राम कै जापर होई॥3॥

तेहि अवसर जो जेहि बिधि आवा। दीन्ह भूप जो जेहि मन भावा॥ गज रथ तुरग हेम गो हीरा। दीन्हे नृप नानाबिधि चीरा॥4॥।

मन संतोषे सबन्हि के जहैँ तहैँ देहिं असीस। सकल तनय चिर जीवहूँ तुलसिदास के ईस॥96॥

कछुक दिवस बीते एहि भाँती। जात न जानिअ दिन अरु राती॥ नामकरन कर अवसरु जानी। भूप बोलि पठए मुनि ग्यानी॥॥

करि पूजा भूपति अस भाषा। धरिअ नाम जो मुनि गुनि राखा॥ इन्ह के नाम अनेक अनूपा। मैं नृप कहब स्वमति अनुरूपा॥2॥।

जो आनंद सिंधु सुखरासी। सीकर तें त्रैलोक सुपासी॥ सो सुखधाम राम अस नामा। अखिल लोक दायक बिश्रामा॥3॥

बिस्व भरन पोषन कर जोई। ताकर नाम भरत अस होई॥ जाके सुमिरन तें रिपु नासा। नाम सच्रुहन बेद प्रकासा॥4॥

लच्छन धाम राम प्रिय सकल जगत आधार। गुरु बसिष्ठतछ तेहि राखा लछिमन नाम उदार॥97॥

धरे नाम गुर हृदयँ बिचारी। बेद तत्व नृप तव सुत चारी॥ मुनि धन जन सरबस सिव प्राना। बाल केलि रस तेहिं सुख माना॥॥

बारेहि ते निज हित पति जानी। लछिमन राम चरन रति मानी॥ भरत सच्रुहन दूनउ भाई। प्रभु सेवक जसि प्रीति बड़ाई॥2॥

स्याम गौर सुंदर दोउ जोरी। निरखहिं छवि जननीं तृन तोरी॥ चारिउ सील रूप गुन धामा। तदपि अधिक सुखसागर रामा॥3॥

ह्रदयेँ अनुग्रह इंदु प्रकासा। सूचत किरन मनोहर हासा॥ कबहूँ उछंग कबहूँ बर पलना। मातु दुलारइ कहि प्रिय ललना॥4॥।

ब्यापक ब्रह्म निरंजन निर्गुन बिगत बिनोद। सो अज प्रेम भगति बस कौसल्या कें गोद॥98॥।

काम कोटि छबि स्याम सरीरा। नील कंज बारिद गंभीरा॥ नअरुन चरन पंकज नख जोती। कमल दलन्न्हि बैठे जनु मोती॥॥

रेख कुलिस ध्वज अंकुस सोहे। नूपुर धुनि सुनि मुनि मन मोहे॥ कटि किंकिनी उदर त्रय रेखा। नाभि गभीर जान जेहिं देखा॥2॥

भुज बिसाल भूषन जुत भूरी। हियेँ हरि नख अति सोभा रूरी॥ उर मनिहार पदिक की सोभा। बिप्र चरन देखत मन लोभा॥3॥।

कंबु कंठ अति चिबुक सुहाई। आनन अमित मदन छबि छाई॥ दुद दुइ दसन अधर अरुनारे। नासा तिलक को बरनै पारे॥4॥

सुंदर श्रवन सुचारु कपोला। अति प्रिय मधुर तोतरे बोला॥ चिक्कन कच कुंचित गभुआरे। बह प्रकार रचि मातु सँवारे॥5॥।

पीत झगुलिआ तनु पहिराई। जानु पानि बिचरनि मोहि भाई॥ रूप सकहिं नहिं कहि श्रुति सेघषा। सो जानइ सपनेहूँ जेहिं देखा॥6॥

सुख संदोह मोह पर ग्यान गिरा गोतीत। दंपति परम प्रेम बस कर सिसुचरित पुनीत॥99॥

एहि बिधि राम जगत पितु माता। कोसलपुर बासिन्ह सुखदाता॥ जिन्ह रघुनाथ चरन रति मानी। तिन्ह की यह गति प्रगट भवानी॥

रघुपति बिमुख जतन कर कोरी। कवन सकइ भव बंधन छोरी ॥ जीव चराचर बस कै राखे। सो माया प्रभु सों भय भाखे॥2॥

भूकुटि बिलास नचावइ ताही। अस प्रभु छाड़ि भजिअ कह काही॥ मन क्रम बचन छाड़ि चतुराई। भजत कृपा करिहहिं रघुराई॥3॥

एहि बिधि सिसुबिनोद प्रभु कीन्हा। सकल नगरबासिनन्‍्ह सुख दीन्हा॥ लै उदछंग कबहुँक हलरावै। कबहूँ पालने घालि झुलावै॥4॥।

प्रेम मगन कौसल्या निसि दिन जात न जान। सुत सनेह बस माता बालचरित कर गान॥200॥

एक बार जननीं अन्हवाए। करि सिंगार पलनाँ पौढ़ाए॥ निज कुल इष्टदेव भगवाना। पूजा हेतु कीन्ह अख्ाना॥

करि पूजा नैबेद्य चढ़ावा। आपु गई जहैँ पाक बनावा॥ बहुरि मातु तहवाँ चलि आई। भोजन करत देख सुत जाई॥2॥

गै जननी सिसु पहिं भयभीता। देखा बाल तहाँ पुनि सूता॥ बहुरि आइ देखा सुत सोई। ह्ृदयँ कंप मन धीर न होई॥3।

इहाँ उहाँ दुइ बालक देखा। मतिशभ्रम मोर कि आन बिसेषा॥ देखि राम जननी अकुलानी। प्रभु हँसि दीन्ह मधुर मुसुकानी॥4॥।

देखरावा मातहि निज अद्भुत रूप अखंड। रोम रोम प्रति लागे कोटि कोटि ब्रह्मंड॥20॥

अगनित रबि ससि सिव चतुरानन। बहु गिरि सरित सिंधु महि कानन॥ काल कर्म गुन ग्यान सुभाऊ। सोउ देखा जो सुना न काऊ॥

देखी माया सब बिधि गाढ़ी। अति सभीत जोरें कर ठाढ़ी॥ देखा जीव नचावइ जाही। देखी भगति जो छोरइ ताही॥2॥

तन पुलकित मुख बचन न आवा। नयन मूदि चरननि सिरु नावा॥ बिसमयवंत देखि महतारी। भए बहुरि सिसुरूप खरारी॥3॥।

अस्तुति करि न जाइ भय माना। जगत पिता मैं सुत करि जाना॥ हरि जननी बहुबिधि समुझाई। यह जनि कतहूँ कहसि सुनु माई॥4॥।

बार बार कौसल्या बिनय करइ कर जोरि। अब जनि कबहूँ ब्यापै प्रभु मोहि माया तोरि॥202॥

बालचरित हरि बहुबिधि कीन्हा। अति अनंद दासन्ह कहैँ दीन्हा॥ कछुक काल बीतें सब भाई। बड़े भए परिजन सुखदाई॥॥

चूडाकरन कीन्ह गुरु जाई। बिप्रन्ह पुनि दछ्िना बह पाई॥ परम मनोहर चरित अपारा। करत फिरत चारिउ सुकुमारा॥2॥।

मन क्रम बचन अगोचर जोई। दसरथ अजिर बिचर प्रभु सोई॥ भोजन करत बोल जब राजा। नहिं आवत तजि बाल समाजा॥3॥।

कौसल्या जब बोलन जाई। ठमुकु ठमुकु प्रभु चलहिं पराई॥ निगम नेति सिव अंत न पावा। ताहि धरै जननी हठि धावा॥4॥।

धूसर धूरि भरें तनु आए। भूपति बिहसि गोद बैठाए॥5॥।

भोजन करत चपल चित इत उत अवसरु पाइ। भाजि चले किलकत मुख दधि ओदन लपटाइ॥203॥

बालचरित अति सरल सुहाए। सारद सेष संभु श्रुति गाए॥ जिन्ह कर मन इन्ह सन नहिं राता। ते जन बंचित किए बिधाता॥ ॥

भए कुमार जबहिं सब भ्राता। दीन्ह जनेऊ गुरु पितु माता॥ गुरगृहँ गए पढ़न रघुराई। अलप काल बिद्या सब आई॥2॥

जाकी सहज स्वास श्रुति चारी। सो हरि पढ़ यह कौतुक भारी॥ बिद्या बिनय निपुन गुन सीला। खेलहिंबेल सकल नृपलीला॥3॥

करतल बान धनुष अति सोहा। देखत रूप चराचर मोहा॥ जिन्ह बीथिन्ह बिहरहिं सब भाई। थकित होहिं सब लोग लुगाई॥4॥।

कोसलपुर बासी नर नारि बृद्ध अरु बाल। प्रानह ते प्रिय लागत सब कहूँ राम कृपाल॥204॥

बंधु सखा सँग लेहिं बोलाई। बन मृगया नित खेलहिं जाई॥ पावन मृग मारहिं जियँ जानी। दिन प्रति नृपहि देखावहिं आनी॥ ॥

जे मृग राम बान के मारे। ते तनु तजि सुरलोक सिधारे॥ अनुज सखा सँग भोजन करहीं। मातु पिता अग्या अनुसरहीं॥2॥

जेहि बिधि सुखी होहिं पुर लोगा। करहिं कृपानिधि सोइ संजोगा॥ बेद पुरान सुनहिं मन लाई। आपु कहह्हिं अनुजन्ह समुझाई॥ 3॥

प्रातकाल उठि कै रघुनाथा। मातु पिता गुरु नावहिं माथा॥ आयसु मागि करहिं पुर काजा। देखि चरित हरषइ मन राजा॥4॥

ब्यापक अकल अनीह अज निर्गुन नाम न रूप। भगत हेतु नाना बिधि करत चरित्र अनूप॥205॥

यह सब चरित कहा मैं गाई। आगिलि कथा सुनह मन लाई॥ बिस्वामित्र महामुनि ग्यानी। बसहिं बिपिन सुभ आश्रम जानी॥

जहँ जप जग्य जोग मुनि करहीं। अति मारीच सुबाहुहि डरहीं॥ देखत जग्य निसाचर धावहिं। करहिं उपद्रव मुनि दुख पावहिं॥2॥।

गाधितनय मन चिंता ब्यापी। हरि बिनु मरहिं न निसिचर पापी॥ तब मुनिबर मन कीन्ह बिचारा। प्रभु अवतरेउ हरन महि भारा॥3॥।

एहूँ मिस देखौं पद जाई। करि बिनती आनौं दोउ भाई॥। ग्यान बिराग सकल गुन अयना। सो प्रभु मैं देखब भरि नयना॥4॥

बहुबिधि करत मनोरथ जात लागि नहिहिं बार। करि मज्जन सरऊ जल गए भूप दरबार॥206॥

मुनि आगमन सुना जब राजा। मिलन गयउ लै बिप्र समाजा॥ करि दंडवत मुनिहि सनमानी। निज आसन बैठारेन्हि आनी॥

चरन पखारि कीन्हि अति पूजा। मो सम आजु धन्य नहिं दूजा॥ बिबिध भाँति भोजन करवावा। मुनिबर ह्ृदयँ हरष अति पावा॥2॥

पुनि चरननि मेले सुत चारी। राम देखि मुनि देह बिसारी॥ भए मगन देखत मुख सोभा। जनु चकोर पूरन ससि लोभा॥3॥

तब मन हरघषि बचन कह राऊ। मुनि अस कृपा न कीन्हिहू काऊ।॥ केहि कारन आगमन तुम्हारा। कहह सो करत न लावउँ बारा॥4॥

असुर समूह सतावहिं मोही। मैं जाचन आयँ नृप तोही॥ अनुज समेत देह रघुनाथा। निसिचर बध मैं होब सनाथा॥5॥

देह भूप मन हरघषित तजह मोह अग्यान। धर्म सुजस प्रभु तुम्ह कौं इन्ह कहँ अति कल्यान॥207॥

सुनि राजा अति अप्रिय बानी। हृदय कंप मुख दुति कुमुलानी॥ चौथेंपन पायउँ सुत चारी। बिप्र बचन नहिं कहेहू बिचारी॥

मागह भूमि धेनु धन कोसा। सर्बस देउँ आजु सहरोसा॥ देह प्रान तें प्रिय कछू नाहीं। सोउ मुनि देउँ निमिष एक माहीं॥ 2॥।

सब सुत प्रिय मोहि प्रान की नाईं। राम देत नहिं बनइ गोसाईं॥ कहँ निसिचर अति घोर कठोरा। कहैँ सुंदर सुतत परम किसोरा॥3॥।

सुनि नृप गिरा प्रेम रस सानी। हृदयेँ हरष माना मुनि ग्यानी॥ तब बसिष्ट बहुबिधि समुझावा। नृप संदेह नास कहैँ पावा॥4॥

अति आदर दोउ तनय बोलाए। ह्ृदयँ लाइ बहु भाँति सिखाए॥ मेरे प्रान नाथ सुत दोऊ। तुम्ह मुनि पिता आन नहिं कोऊ॥5॥

सौंपे भूप रिषिहि सुत बहुबिधि देइ असीस। जननी भवन गए प्रभु चले नाइ पद सीस॥208 क ॥

पुरुष सिंह दोउ बीर हरघषि चले मुनि भय हरन। कृपासिंधु मतिधीर अखिल बिस्व कारन करन॥208 ख॥

अरुन नयन उर बाह बिसाला। नील जलज तनु स्याम तमाला॥ कटि पट पीत कसें बर भाथा। रुचिर चाप सायक दुहँ हाथा॥॥

स्याम गौर सुंदर दोउ भाई। बिस्वामित्र महानिधि पाई॥ प्रभु ब्रह्मन्यदेव मैं जाना। मोहि निति पिता तजेउ भगवाना॥2॥।

चले जात मुनि दीन्टि देखाई। सुनि ताड़का क्रोध करि धाई॥ एकहिं बान प्रान हरि लीन्हा। दीन जानि तेहि निज पद दीन्हा॥3॥

तब रिषि निज नाथहि जियँ चीन्ही। बिद्यानिधि कहूँ बिद्या दीन्ही॥ जाते लाग न छुधा पिपासा। अतुलित बल तनु तेज प्रकासा॥4॥

आयुध सर्ब समर्पि कै प्रभु निज आश्रम आनि। कंद मूल फल भोजन दीन्ह भगति हित जानि॥209॥

प्रात कहा मुनि सन रघुराई। निर्भय जग्य करह तुम्ह जाई॥ होम करन लागे मुनि झारी। आपु रहे मख कीं रखवारी॥॥

सुनि मारीच निसाचर क्रोही। लै सहाय धावा मुनिद्रोही॥ बिनु फर बान राम तेहि मारा। सत जोजन गा सागर पारा॥2॥

पावक सर सुबाह् पुनि मारा। अनुज निसाचर कटकु सँघारा॥ मारि असुर द्विज निर्भयकारी। अस्तुति करहिं देव मुनि झारी॥3॥

तहैँ पुनि कछुक दिवस रघुराया। रहे कीन्टि बिप्रन्ह पर दाया॥ भगति हेतु बहुत कथा पुराना। कहे बिप्र जद्यपि प्रभु जाना॥4॥।

तब मुनि सादर कहा बुझाई। चरित एक प्रभु देखिअ जाई॥ धनुषजग्य सुनि रघुकुल नाथा। हरघषि चले मुनिबर के साथा॥5॥।

आश्रम एक दीख मग माहीं। खग मृग जीव जंतु तहैँ नाहीं॥ पूछा मुनिहि सिला प्रभु देखी। सकल कथा मुनि कहा बिसेषी॥6॥

गौतम नारि श्राप बस उपल देह धरि धीर। चरन कमल रज चाहति कृपा करह रघुबीर॥20॥

परसत पद पावन सोकनसावन प्रगट भई तपपुंज सही। देखत रघुनायक जन सुखदायक सनमुख होइ कर जोरि रही॥ अति प्रेम अधीरा पुलक शरीरा मुख नहिं आवइ बचन कही। अतिसय बड़भागी चरनन्हि लागी जुगल नयन जलधार बही॥॥

धीरजु मन कीन्हा प्रभु कहूँ चीन्हा रघुपति कृपाँ भगति पाई। अति निर्मल बानी अस्तुति ठानी ग्यानगम्य जय रघुराई॥ मैं नारि अपावन प्रभु जग पावन रावन रिपु जन सुखदाई। राजीव बिलोचन भव भय मोचन पाहि पाहि सरनहिं आई॥2॥।

मुनि श्राप जो दीन्हा अति भल कीन्हा परम अनुग्रह मैं माना। देखेउँ भरि लोचन हरि भव मोचन इहइ लाभ संकर जाना॥ बिनती प्रभु मोरी मैं मति भोरी नाथ न मागउँ बर आना। पद कमल परागा रस अनुरागा मम मन मधुप करै पाना॥3॥।

जेहिं पद सुरसरिता परम पुनीता प्रगट भई सिव सीस धरी। सोई पद पंकज जेहि पूजत अज मम सिर धरेउ कृपाल हरी॥ एहि भाँति सिधारी गौतम नारी बार बार हरि चरन परी। जो अति मन भावा सो बरु पावा गै पति लोक अनंद भरी ॥4॥

अस प्रभु दीनबंधु हरि कारन रहित दयाल। तुलसिदास सठ तेहि भजु छाड़ि कपट जंजाल॥24॥

मासपारायण, सातवाँ विश्वाम

श्री राम-लक्ष्मण सहित विश्वामित्र का जनकपुर में प्रवेश

चले राम लछ़िमन मुनि संगा। गए जहाँ जग पावनि गंगा॥ गाधिसूनु सब कथा सुनाई। जेहि प्रकार सुरसरि महि आई॥॥

तब प्रभु रिषिन्ह समेत नहाए। बिबिध दान महिदेवन्ह्ि पाए॥ हरघि चले मुनि बूंद सहाया। बेगि बिदेह नगर निअराया॥2॥

पुर रम्यता राम जब देखी। हरषे अनुज समेत बिसेषी॥ बापीं कूप सरित सर नाना। सलिल सुधासम मनि सोपाना॥3॥।

गुंजत मंजु मत्त रस भृंगा। कूजत कल बहुबरन बिहंगा॥ बरन बरन बिकसे बनजाता। त्रिबिध समीर सदा सुखदाता॥4॥

सुमन बाटिका बाग बन बिपुल बिहंग निवास। फूलत फलत सुपल्लवत सोहत पुर चहुँ पास॥22।

बनइ न बरनत नगर निकाई। जहाँ जाइ मन तहैँईं लोभाई॥ चारु बजारु बिचित्र अँबारी। मनिमय बिधि जनु स्वकर सँवारी॥॥

धनिक बनिक बर धनद समाना। बैठे सकल बस्तु लै नाना। चौहट सुंदर गलीं सुहाई। संतत रहहिं सुगंध सिंचाई॥2॥

मंगलमय मंदिर सब केरें। चित्रित जनु रतिनाथ चितेरें॥ पुर नर नारि सुभग सुचि संता। धरमसील ग्यानी गुनवंता॥3॥।

अति अनूप जहँ जनक निवासू। बिथकहिं बिबुध बिलोकि बिलासू॥ होत चकित चित कोट बिलोकी। सकल भुवन सोभा जनु रोकी ॥र4॥

धवल धाम मनि पुरट पट सुघटित नाना भाँति। सिय निवास सुंदर सदन सोभा किमि कहि जाति॥23॥।

सुभग द्वार सब कुलिस कपाटा। भूप भीर नट मागध भाटा॥ बनी बिसाल बाजि गज साला। हय गय रख संकुल सब काला॥॥

सूर सचिव सेनप बहुतेरे। नृपगृह सरिस सदन सब केरे॥ पुर बाहेर सर सरित समीपा। उतरे जहूँ तहँ बिपुल महीपा॥2॥

देखि अनूप एक अँवराई। सब सुपास सब भाँति सुहाई। कौसिक कहेउ मोर मनु माना। इहाँ रहिअ रघुबीर सुजाना॥3॥

भलेहिं नाथ कहि कृपानिकेता। उतरे तहैँ मुनि बूंद समेता॥ बिस्वामित्र महामुनि आए। समाचार मिथिलापति पाए॥4॥।

संग सचिव सुचि भूरि भट भूसुर बर गुर ग्याति। चले मिलन मुनिनायकहि मुदित राउ एहि भाँति॥24॥

कीन्ह प्रनामु चरन धरि माथा। दीन्हि असीस मुदित मुनिनाथा॥ बिप्रबूंद सब सादर बंदे। जानि भाग्य बड़ राउ अनंदे॥॥

कुसल प्रखर कहि बारहिं बारा। बिस्वामित्र नृपहि बैठारा॥ तेहि अवसर आए दोउ भाई। गए रहे देखन फुलवाई॥2॥

स्याम गौर मृदु बयस किसोरा। लोचन सुखद बिस्व चित चोरा॥ उठे सकल जब रघुपति आए॥ बिस्वामित्र निकट बैठाए॥ 3॥।

भए सब सुखी देखि दोउ भ्राता। बारि बिलोचन पुलकित गाता॥ मूरति मधुर मनोहर देखी भयउ बिदेह बिदेहु बिसेषी॥4॥।

प्रेम मगन मनु जानि नृपु करि बिबेकु धरि धीर। बोलेउ मुनि पद नाइ सिरु गदगद गिरा गभीर॥25॥।

कहट् नाथ सुंदर दोउ बालक। मुनिकुल तिलक कि नृपकुल पालक।॥ ब्रह्म जो निगम नेति कहि गावा। उभय बेष धरि की सोइ आवा॥

सहज बिरागरूप मनु मोरा। थकित होत जिमि चंद चकोरा॥ ताते प्रभु पूछउँ सतिभाऊ। कहह नाथ जनि करह दुराऊ॥2॥

इन्हहि बिलोकत अति अनुरागा। बरबस ब्रह्मसुखहि मन त्यागा॥ कह मुनि बिहसि कहेह नृूप नीका। बचन तुम्हार न होइ अलीका॥3॥।

ए प्रिय सबहि जहाँ लगि प्रानी। मन मुसुकाहिं रामु सुनि बानी॥ रघुकुल मनि दसरथ के जाए। मम हित लागि नरेस पठाए॥4॥

रामु लखनु दोउ बंधुबर रूप सील बल धाम। मख राखेउ सबु साखि जगु जिते असुर संग्राम॥26॥

मुनि तव चरन देखि कह राऊ। कहि न सकऊँ निज पुन्य प्रभाऊ॥ सुंदर स्याम गौर दोउ भ्राता। आनंद के आनँद दाता॥॥

इन्ह कै प्रीति परसपर पावनि। कहि न जाइ मन भाव सुहावनि॥ सुनह नाथ कह मुदित बिदेह। ब्रह्म जीव इव सहज सनेहू॥2॥

पुनि पुनि प्रभुहि चितव नरनाहू। पुलक गात उर अधिक उछाहू॥ मुनिहि प्रसंसि नाइ पद सीसू। चलेउ लवाइ नगर अवनीसू॥3॥

सुंदर सदनु सुखद सब काला। तहाँ बासु लै दीन्ह भुआला॥ करि पूजा सब बिधि सेवकाई। गयउ राउ गृह बिदा कराई॥4॥।

रिषय संग रघुबंस मनि करि भोजनु बिश्रामु। बैठे प्रभु भ्राता सहित दिवसु रहा भरि जामु॥247॥।

लखन हृदयेँ लालसा बिसेषी। जाइ जनकपुर आइअ देखी॥ प्रभु भय बहुरि मुनिहि सकुचाहीं। प्रगट न कहहिं मनहिं मुसुकाहीं॥ ॥।

राम अनुज मन की गति जानी। भगत बछधलता हियँ हुलसानी॥ परम बिनीत सकुचि मुसुकाई। बोले गुर अनुसासन पाई॥2॥।

नाथ लखनु पुरु देखन चहहीं। प्रभु सकोच डर प्रगट न कहहीं॥ जौं राउर आयसु मैं पावों। नगर देखाइ तुरत लै आवौँ॥3॥

सुनि मुनीसु कह बचन सप्रीती। कस न राम तुम्ह राखह नीती॥ धरम सेतु पालक तुम्ह ताता। प्रेम बिबस सेवक सुखदाता॥4॥

जाइ देखि आवह्ट नगरु सुख निधान दोउ भाइ। करह सुफल सब के नयन सुंदर बदन देखाइ॥28॥।

मुनि पद कमल बंदि दोउ भ्राता। चले लोक लोचन सुख दाता॥ बालक बृंद देखि अति सोभा। लगे संग लोचन मनु लोभा॥॥

पीत बसन परिकर कटि भाथा। चारु चाप सर सोहत हाथा॥ तन अनुहरत सुचंदन खोरी। स्यामल गौर मनोहर जोरी॥2॥

केहरि कंधर बाहु बिसाला। उर अति रुचिर नागमनि माला॥ सुभग सोन सरसीरुह लोचन। बदन मयंक तापत्रय मोचन॥3॥।

कानन्हि कनक फूल छबि देहीं। चितवत चितह् चोरि जनु लेहीं॥ चितवनि चारु भूकुटि बर बाँकी। तिलक रेख सोभा जनु चाँकी॥4॥

रुचिर चौतनीं सुभग सिर मेचक कुंचित केस। नख सिख सुंदर बंधु दोउ सोभा सकल सुदेस॥29॥

देखन नगरु भूपसुत आए। समाचार पुरबासिन्ह पाए।॥ धाए धाम काम सब त्यागी। मनहूँ रंक निधि लूटन लागी॥

निरखि सहज सुंदर दोउ भाई। होहिं सुखी लोचन फल पाई॥ जुबतीं भवन झरोखन्टहि लागीं। निरखहिं राम रूप अनुरागीं॥2॥

कहहिं परसपर बचन सप्रीती। सखि इन्ह कोटि काम छबि जीती॥ सुर नर असुर नाग मुनि माहीं। सोभा असि कहूँ सुनिअति नाहीं॥3॥

बिष्नु चारि भुज बिधि मुख चारी। बिकट बेष मुख पंच पुरारी॥ अपर देउ अस कोउ ना आही। यह छवि सखी पटतरिअ जाही॥4॥

बय किसोर सुषमा सदन स्याम गौर सुख धाम। अंग अंग पर वारिअह्टिं कोटि कोटि सत काम॥220॥

कहट्ट सखी अस को तनु धारी। जो न मोह यह रूप निहारी॥ कोउ सप्रेम बोली मृदु बानी। जो मैं सुना सो सुनह सयानी॥

ए दोऊ दसरथ के ढोटा। बाल मरालन््टि के कल जोटा॥ मुनि कौसिक मख के रखवारे। जिन्ह रन अजिर निसाचर मारे॥2॥

स्याम गात कल कंज बिलोचन। जो मारीच सुभुज मदु मोचन॥। कौसल्या सुत सो सुख खानी। नामु रामु धनु सायक पानी॥3॥।

गौर किसोर बेषु बर काछें। कर सर चाप राम के पाछें॥ लछ्िमनु नामु राम लघु भ्राता। सुनु सखि तासु सुमित्रा माता॥4॥।

बिप्रकाजु करि बंधु दोउ मग मुनिबधू उधारि। आए देखन चापमख सुनि हरषीं सब नारि॥22॥।

देखि राम छवि कोउ एक कहई। जोगु जानकिहि यह बरु अहई॥ जौं सखि इन्हहि देख नरनाह। पन परिहरि हठि करइ बिबाहू॥

कोउ कह ए भूपति पहिचाने। मुनि समेत सादर सनमाने॥ सखि परंतु पनु राउ न तजई। बिधि बस हठि अबिबेकहि भजई॥2॥

कोउ कह जौं भल अहइ बिधाता। सब कहँ सुनिअ उचित फल दाता॥ तौ जानकिहि मिलिहि बरु एट्ठ। नाहिन आलि इहाँ संदेहू॥3॥।

जौं बिधि बस अस बनै सँजोगू। तौ कृतकृत्य होइ सब लोगू॥ सखि हमरें आरति अति तातें। कबहुँक ए आवहिं एहि नातें॥4॥