लंकाकाण्ड · भाग २

सूर कवन रावन सरिस स्वकर काटि जेहिं सीस। हुने अनल अति हरष बह बार साखि गौरीस॥28॥

जरत बिलोकेउँ जबहि कपाला। बिधि के लिखे अंक निज भाला॥ नर कें कर आपन बध बाँची। हसेउँ जानि बिधि गिरा असाँची॥

सोउ मन समुझि त्रास नहिं मोरें। लिखा बिरंचि जरठ मति भोरें॥। आन बीर बल सठ मम आगें। पुनि पुनि कहसि लाज पति त्यागें॥2॥।

कह अंगद सलज्ज जग माहीं। रावन तोहि समान कोउ नाहीं॥ लाजवंत तव सहज सुभाऊ। निज मुख निज गुन कहसि न काऊ॥3॥

सिर अरु सैल कथा चित रही। ताते बार बीस तैं कहीं॥ सो भुजबल राखेहू उर घाली। जीतेह सहसबाह बलि बाली॥र4॥

सुनु मतिमंद देहि अब पूरा। काटें सीस कि होइअ सूरा॥ इंद्रजालि कहूँ कहिअ न बीरा। काटइ निज कर सकल सरीरा॥5॥

जरहिं पतंग मोह बस भार बहहिं खर बृंद। ते नहिं सूर कहावहिं समुझ्नि देखु मतिमंद॥29॥।

अब जनि बतबढ़ाव खल करही। सुनु मम बचन मान परिहरही॥ दसमुख मैं न बसीठीं आयउँ। अस बिचारि रघुबीर पठायउँ॥ ॥

बार बार अस कहइ कृपाला। नहिहं गजारि जसु बंधे सूकाला॥ मन महूँ समुझि बचन प्रभु केरे। सहेउँ कठोर बचन सठ तेरे॥2॥

नाहिं त करि मुख भंजन तोरा। लैं जातेउँ सीतहि बरजोरा॥ जानेउँ तव बल अधम सुरारी। सूनें हरि आनिहि परनारी॥3॥।

तै निसिचर पति गर्ब बहूता। मैं रघुपति सेवक कर दूता॥ जौं न राम अपमानहिं डरऊँ। तोहि देखत अस कौतुक करउँ॥4॥

तोहि पटकि महि सेन हति चौपट करि तव गाऊँ। तव जुबतिन्ह समेत सठ जनकसुतहि लै जाउँ॥30॥।

जौं अस करौं तदपि न बड़ाई। मुएहि बधें नहिं कछु मतुसाई॥। कौल कामबस कृपिन बिमूढ़ा। अति दरिद्र अजसी अति बूढ़ा॥

सदा रोगबस संतत क्रोधी। बिष्नु बिमुख श्रुति संत बिरोधी॥ तनु पोषक निंदक अघ खानी जीवत सव सम चौदह प्रानी॥2॥

अस बिचारि खल बधउँ न तोही। अब जनि रिस उपजावसि मोही॥ सुनि सकोप कह निसिचर नाथा। अधर दसन दसि मीजत हाथा॥3॥

रे कपि अधम मरन अब चहसी। छोटे बदन बात बड़ि कहसी॥ कटु जल्पसि जड़ कपि बल जाकें। बल प्रताप बुधि तेज न ताकें॥4॥

अगुन अमान जानि तेहि दीन्ह पिता बनबास। सो दुख अरु जुबती बिरह पुनि निसि दिन मम त्रास॥34 क।॥

जिन्ह के बल कर गर्ब तोहि अइसे मनुज अनेक। खाहिं निसाचर दिवस निसि मूढ़ समुझु तजि टेक॥3 ख॥

जब तेहिं कीन्हि राम कै निंदा। क्रोधवंत अति भयउ कपिंदा॥ हरि हर निंदा सुनइ जो काना। होइ पाप गोघात समाना॥

कटकटान कपिकुंजर भारी। दुह भुजदंड तमकि महि मारी॥ डोलत धरनि सभासद खसे। चले भाजि भय मारुत ग्रसे॥2॥।

गिरत सँभारि उठा दसकंधर। भूतल परे मुकुट अति सुंदर॥ कछु तेहिं लै निज सिरन्हि सँवारे। कछ अंगद प्रभु पास पबारे॥3॥।

आवत मुकुट देखि कपि भागे। दिनहीं लूक परन बिधि लागे॥ की रावन करि कोप चलाए। कुलिस चारि आवत अति धाए।॥4॥

कह प्रभु हँसि जनि ह्ृदयेँ डेराह। लूक न असनि केतु नहिहं राहू॥ ए किरीट दसकंधर केरे। आवत बालितनय के प्रेरे॥5॥

तरकि पवनसुत कर गहे आनि धरे प्रभु पास। कौतुक देखहिं भालु कपि दिनकर सरिस प्रकास॥32 क।॥

उहाँ सकोपि दसानन सब सन कहत रिसाइ। धरह कपिहि धरि मारह सुनि अंगद मुसुकाइ॥32 ख॥।

एहि बधि बेगि सुभट सब धावह। खाह भालु कपि जहँ जहँ पावहु॥ मर्कटहीन करह महि जाई। जिअत धरह तापस द्वौ भाई॥॥

पुनि सकोप बोलेउ जुबराजा। गाल बजावत तोहि न लाजा॥ मरु गर काटि निलज कुलघाती। बल बिलोकि बिहरति नहिं छाती॥2॥

रे त्रिय चोर कुमारग गामी। खल मल रासि मंदमति कामी॥। सन्यपात जल्पसि दुर्बादा। भएसि कालबस खल मनुजादा॥3॥

याको फलु पावहिगो आगें। बानर भालु चपेटन्हि लागें॥ रामु मनुज बोलत असि बानी। गिरहिं न तव रसना अभिमानी॥4॥

गिरिहहिं रसना संसय नाहीं। सिरन्हि समेत समर महि माहीं॥5॥।

सो नर क्यों दसकंध बालि बध्यो जेहिं एक सर। बीसहूँ लोचन अंध घधिग तव जन्म कुजाति जड़॥33 क॥

तव सोनित कीं प्यास तृषित राम सायक निकर। तजउँ तोहि तेहि त्रास कटु जल्पक निसिचर अधम॥33 ख॥

मैं तव दसन तोरिबे लायक। आयसु मोहि न दीन्‍न्ह रघुनायक॥ असि रिस होति दसउ मुख तोरौं। लंका गहि समुद्र महँ बोरौं॥ ॥

गूलरि फल समान तव लंका। बसहु मध्य तुम्ह जंतु असंका॥ मैं बानर फल खात न बारा। आयसु दीन्ह न राम उदारा॥2॥

जुगुति सुनत रावन मुसुकाई। मूढ़ सिखिहि कहँ बहुत झुठाई॥ बालि न कबहूँ गाल अस मारा। मिलि तपसिन्ह तैं भएसि लबारा॥3॥

साँचेहूँ मैं लबार भुज बीहा। जौं न उपारिउँ तव दस जीहा॥ समुझि राम प्रताप कपि कोपा। सभा माझ पन करि पद रोपा॥4॥

जौं मम चरन सकसि सठ टारी। फिरहिं रामु सीता मैं हारी॥ सुनह सुभट सब कह दससीसा। पद गहि धरनि पछारह कीसा॥5॥।

इंद्रजीत आदिक बलवाना। हरघषि उठे जहैँ तहँ भट नाना॥ झपटहिं करि बल बिपुल उपाई। पद न टरइ बैठहिं सिरु नाई॥6॥

पुनि उठि झपटहिं सुर आराती। टरइ न कीस चरन एहि भाँती॥ पुरुष कुजोगी जिमि उरगारी। मोह बिटप नहिं सकहिं उपारी॥7॥।

कोटिन्ह मेघनाद सम सुभट उठे हरषाइ। झपटहिं टरै न कपि चरन पुनि बैठहिं सिर नाइ॥34 क॥

भूमि न छाँडत कपि चरन देखत रिपु मद भाग। कोटि बिघ्न ते संत कर मन जिमि नीति न त्याग॥34 खा॥।

कपि बल देखि सकल हियेँ हारे। उठा आपु कपि कें परचारे॥ गहत चरन कह बालिकुमारा। मम पद गहें न तोर उबारा॥॥

गहसि न राम चरन सठ जाई॥ सुनत फिरा मन अति सकुचाई॥ भयउ तेजहत श्री सब गई। मध्य दिवस जिमि ससि सोहई॥2॥

सिंघासन बैठेउ सिर नाई। मानहूँ संपति सकल गँवाई॥ जगदातमा प्रानपति रामा। तासु बिमुख किमि लह बिश्रामा॥3॥

उमा राम की भृकुटि बिलासा। होइ बिस्व पुनि पावइ नासा॥ तृन ते कुलिस कुलिस तृन करई। तासु दूत पन कह किमि टरई॥4॥

पुनि कपि कही नीति बिधि नाना। मान न ताहि कालु निअराना॥ रिपु मद मथि प्रभु सुजसु सुनायो। यह कहि चलयो बालि नृप जायो॥5॥

हतौं न खेत खेलाइ खेलाई। तोहि अबहिं का करों बड़ाई॥ प्रथमहिं तासु तनय कपि मारा। सो सुनि रावन भयउ दुखारा॥6॥।

जातुधान अंगद पन देखी। भय ब्याकुल सब भए बिसेषी॥ 7॥।

रिपु बल धरघषि हरघषि कपि बालितनय बल पुंज। पुलक सरीर नयन जल गहे राम पद कंज॥35 क।॥

साँझ जानि दसकंधर भवन गयउ बिलखाइ। मंदोदरीं रावनहिं बहुरि कहा समुझाइ॥35 ख॥।

कंत समुझि मन तजह कुमतिही। सोह न समर तुम्हहि रघुपतिही॥ रामानुज लघु रेख खचाई। सोउ नहिं नाघेहु असि मनुसाई॥॥

पिय तुम्ह ताहि जितब संग्रामा। जाके दूत केर यह कामा॥ कौतुक सिंधु नाघि तव लंका। आयउ कपि केहरी असंका॥2॥

रखवारे हति बिपिन उजारा। देखत तोहि अच्छ तेहिं मारा॥ जारि सकल पुर कीन्हेसि छारा। कहाँ रहा बल गर्ब तुम्हारा॥3॥

अब पति मृषा गाल जनि मारह। मोर कहा कछु ह्ृदयँ बिचारह॥ पति रघुपतिहि नृपति जनि मानह। अग जग नाथ अतुलबल जानहु॥4॥।

बान प्रताप जान मारीचा। तासु कहा नहिं मानेहि नीचा॥ जनक सभाँ अगनित भूपाला। रहे तुम्हउ बल अतुल बिसाला॥5॥

भंजि धनुष जानकी बिआह्ी। तब संग्राम जितेह किन ताही॥ सुरपति सुत जानइ बल थोरा। राखा जिअत आँखि गहि फोरा॥6॥

सूपनखा कै गति तुम्ह देखी। तदपि ह्ृदयेँ नहिं लाज बिसेषी॥7॥

बधि बिराध खर दूषनहि लीलाँ हत्यो कबंध। बालि एक सर मार्‌यो तेहि जानहू दसकंध॥ 36॥

जेहिं जलनाथ बँधायउ हेला। उतरे प्रभु दल सहित सुबेला॥ कारुनीक दिनकर कुल केतू। दूत पठायउ तव हित हेतू॥

सभा माझ जेहिं तव बल मथा। करि बरूथ महूँ मृगपति जथा॥ अंगद हनुमत अनुचर जाके। रन बाँकुरे बीर अति बाँके॥2॥

तेहि कहँ पिय पुनि पुनि नर कहहट। मुधा मान ममता मद बहहू॥ अहह कंत कृत राम बिरोधा। काल बिबस मन उपज न बोधा॥3।॥

काल दंड गहि काह न मारा। हरइ धर्म बल बुद्धि बिचारा॥ निकट काल जेहि आवत साईं। तेहि भ्रम होइ तुम्हारिहि नाईं॥4॥।

दुद सुत मरे दहेउ पुर अजहूँ पूर पिय देह। कृपासिंधु रघुनाथ भजि नाथ बिमल जसु लेहु॥37॥

नारि बचन सुनि बिसिख समाना। सभाँ गयउ उठि होत बिहाना॥ बैठ जाइ सिंघासन फूली। अति अभिमान त्रास सब भूली॥ ॥।

इहाँ राम अंगदहि बोलावा। आइ चरन पंकज सिरु नावा॥ अति आदर समीप बैठारी। बोले बिहँसि कृपाल खरारी॥2॥

बालितनय कौतुक अति मोही। तात सत्य कहूँ पूछडउँ तोही॥ रावनु जातुधान कुल टीका। भुज बल अतुल जासु जग लीका॥3॥

तासु मुकुट तुम्ह चारि चलाए। कहह तात कवनी बिघि पाए।॥ सुतु सर्बग्य प्रनत सुखकारी। मुकुट न होहिं भूप न गुन चारी॥4॥

साम दान अरु दंड बिभेदा। नृप उर बसहिं नाथ कह बेदा॥ नीति धर्म के चरन सुहाए। अस जियँ जानि पहििं आए।॥5॥।

धर्महीन प्रभु पद बिमुख काल बिबस दससीस। तेहि परिहरि गुन आए सुनह कोसलाधीस॥ 38 क॥।

परम चतुरता श्रवन सुनि बिहँसे रामु उदार। समाचार पुनि सब कहे गढ़ के बालिकुमार॥38 ख॥

रिपु के समाचार जब पाए। राम सचिव सब निकट बोलाए।॥ लंका बाँके चारि दुआरा। केहि बिधि लागिअ करह्ट बिचारा॥

तब कपीस रिच्छेस बिभीषन। सुमरि ह्ृदयँ दिनकर कुल भूषन॥ करि बिचार तििन्ह मंत्र दूढ़ावा। चारि अनी कपि कटकु बनावा॥2॥

जथाजोग सेनापति कीन्हे। जूथप सकल बोलि तब लीन्हे॥ प्रभु प्रताप कहि सब समुझाए। सुनि कपि सिंघनाद करि धाए॥3॥।

हरघषित राम चरन सिर नावहिं। गहि गिरि सिखर बीर सब धावहिं॥ गर्जहिं तर्जहिं भालु कपीसा। जय रघुबीर कोसलाधीसा॥4॥

जानत परम दुर्ग अति लंका। प्रभु प्रताप कपि चले असंका॥ घटाटोप करि चहूँ दिसि घेरी॥ मुखहिं निसार बजावहिं भेरी॥5॥।

जयति राम जय लछ़िमन जय कपीस सुग्रीव। गर्जहिं सिंहनाद कपि भालु महा बल सींव॥39॥

लंकाँ भयउ कोलाहल भारी। सुना दसानन अति अहँकारी॥ देखह बनरन्ह केरि ढिठाई। बिहँसि निसाचर सेन बोलाई॥॥

आए कीस काल के प्रेरे। छुधावंत सब निसिचर मेरे॥ बअस कह्ि अट्रहास सठ कीन्हा। गृह बैठें अहार बिघि दीन्हा॥2॥।

सुभट सकल चारिहूँ दिसि जाह। धरि धरि भालु कीस सब खाहू॥ उमा रावनहि अस अभिमाना। जिमि टिट्रिभ खग सूत उताना॥3॥।

चले निसाचर आयसु मागी। गहि कर भिंडिपाल बर साँगी॥ तोमर मुद्र परसु प्रचंडा। सूल कृपान परिघ गिरिखंडा॥4॥

जिमि अरुनोपल निकर निहारी। धावहिं सठ खग मांस अहारी॥ चोंच भंग दुख तिन्हहि न सूझा। तिमि धाए मनुजाद अबूझा॥5॥

नानायुध सर चाप धर जातुधान बल बीर। कोट कैँगूरन्हि चढ़ि गए कोटि कोटि रनधीर॥40॥।

कोट कैंग्रन्हि सोहहिं कैसे। मेरु के सूंगनि जनु घन बैसे॥ बाजहिं ढोल निसान जुनझ्ाऊ। सुनि धुनि होइ भटन्हि मन चाऊ॥

बाजहिं भेरि नफीरि अपारा। सुनि कादर उर जाहिं दरारा॥ देखिन्ह जाइ कपिन्ह के ठट्टा। अति बिसाल तनु भालु सुभट्रा॥2॥

धावहिं गनहिं न अवघट घाटा। पर्वत फोरि करहिं गहि बाटा॥ कटकटाहिं कोटिन्ह भट गर्जहिं। दसन ओठ काटहिं अति तर्जहिं॥3॥।

उत रावन इत राम दोहाई। जयति जयति जय परी लराई॥ निसिचर सिखर समूह ढहावहिं। कूदि धरहिं कपि फेरि चलावहिं॥4॥

धरि कुधर खंड प्रचंड मर्कट भालु गढ़ पर डारहीं। झपटहिं चरन गहि पटकि महि भजि चलत बहुरि पचारहीं॥ अति तरल तरुन प्रताप तरपहिं तमकि गढ़ चढ़ि चढ़ि गए। कपि भालु चढ़ि मंदिरन्ह जहैँ तहँ राम जसु गावत भए।॥

एक एकु निसिचर गहि पुनि कपि चले पराइ। ऊपर आपु हेठ भट गिरहिं धरनि पर आइ॥4॥।

राम प्रताप प्रबल कपिजूथा। मर्दहिं निसिचर सुभट बरूथा॥ चढ़े दुर्ग पुनि जहँ तहँ बानर। जय रघुबीर प्रताप दिवाकर॥

चले निसाचर निकर पराई। प्रबल पवन जिमि घन समुदाई॥ हाहाकार भयउ पुर भारी। रोवहिं बालक आतुर नारी॥2॥।

सब मिलि देहिं रावनहि गारी। राज करत एहिं मृत्यु हँकारी॥ निज दल बिचल सुनी तेहिं काना। फेरि सुभट लंकेस रिसाना॥3॥

जो रन बिमुख सुना मैं काना। सो मैं हतब कराल कृपाना॥ सर्बसु खाइ भोग करि नाना। समर भूमि भए बल्लभ प्राना॥4॥

उग्र बचन सुनि सकल डेराने। चले क्रोध करि सुभट लजाने॥ सन्मुख मरन बीर कै सोभा। तब तिन्‍्ह तजा प्रान कर लोभा॥5॥

बहु आयुध धर सुभट सब भिरहिं पचारि पचारि। ब्याकुल किए भालु कपि परिघ त्रिसूलन्हि मारि॥42॥।

भय आतुर कपि भागत लागे। जद्यपि उमा जीतिहहिं आगे॥ कोउ कह कहूँ अंगद हनुमंता। कहँ नल नील दुबिद बलवंता॥॥

निज दल बिकल सुना हनुमाना। पच्छिम द्वार रहा बलवाना॥ मेघनाद तहँ करइ लराई। टूट न द्वार परम कठिनाई॥2॥

पवनतनय मन भा अति क्रोधा। गर्जेउ प्रबल काल सम जोधा॥। कूदि लंक गढ़ ऊपर आवा। गहि गिरि मेघनाद कहूँ धावा॥3॥

भंजेउ रथ सारथी निपाता। ताहि हृदय महूँ मारेसि लाता॥ दुसरें सूत बिकल तेहि जाना। स्यंदन घालि तुरत गृह आना॥4॥।

अंगद सुना पवनसुत गढ़ पर गयउ अकेल। रन बाँकुरा बालिसुत तरकि चढ़ेउ कपि खेल॥43॥

जुद्ध बिरुद्ध करुद्ध द्वौ बंदर। राम प्रताप सुमिरि उर अंतर॥ रावन भवन चढ़े द्वौ धाई। करहिं कोसलाधीस दोहाई॥॥

कलस सहित गहि भवनु ढहावा। देखि निसाचरपति भय पावा॥ नारि बूंद कर पीटहिं छाती। अब दुदइ कपि आए उतपाती॥2॥

कपिलीला करि तिन्हृहि डेरावहिं। रामचंद्र कर सुजसु सुनावहिं॥ पुनि कर गहि कंचन के खंभा। कहेन्हि करिअ उतपात अरंभा॥3॥

गर्जि परे रिपु कटक मझारी। लागे मरे भुज बल भारी॥ काहृहि लात चपेटन्ति केह। भजह न रामहि सो फल लेहू॥4॥

एक एक सों मर्दहिं तोरि चलावहिं मुंड। रावन आगें परहिं ते जनु फूटहिं दधि कुंड॥44॥

महा महा मुखिआ जे पावहिं। ते पद गहि प्रभु पास चलावहिहं॥ कह बिभीषनु तिन्ह के नामा। देहिं राम तिन्हहू निज धामा॥॥

खल मनुजाद द्विजामिष भोगी। पावहिं गति जो जाचत जोगी॥। उमा राम मृदुचित करुनाकर। बयर भाव सुमिरत मोहि निसिचर॥2॥

देहिं परम गति सो जियँ जानी। अस कृपाल को कहह्ठ भवानी॥ अस प्रभु सुनि न भजहिं भ्रम त्यागी। नर मतिमंद ते परम अभागी॥3॥

अंगद अरु हनुमंत प्रबेसा। कीन्ह दुर्ग अस कह अवधेसा॥ लंकाँ द्वौ कपि सोहहिं कैसें। मथहिं सिंधु दुइ मंदर जैसें॥4॥।

भुज बल रिपु दल दलमलि देखि दिवस कर अंत। कूदे जुगल बिगत श्रम आए जहैँ भगवंत॥45॥

प्रभु पद कमल सीस तिन्‍्ह नाए। देखि सुभट रघुपति मन भाए।॥ राम कृपा करि जुगल निहारे। भए बिगतश्रम परम सुखारे॥॥

गए जानि अंगद हनुमाना। फिरे भालु मर्कट भट नाना॥ जातुधान प्रदोष बल पाई। धाए करि दससीस दोहाई॥2॥

निसिचर अनी देखि कपि फिरे। जहँ तहँ कटकटाइ भट भिरे॥ द्वौ दल प्रबल पचारि पचारी। लरत सुभट नहिं मानहिं हारी॥3॥

महाबीर निसिचर सब कारे। नाना बरन बलीमुख भारे॥ सबल जुगल दल समबल जोधा। कौतुक करत लरत करि क्रोधा॥4॥

प्राबिट सरद पयोद घनेरे। लरत मनहूँ मारुत के प्रेरे॥ अनिप अकंपन अरु अतिकाया। बिचलत सेन कीन्टि इन्ह माया॥5॥

भयउ निमिष महँ अति अँधिआरा। बृष्टि होइ रुधिरोपल छारा॥6॥

देखि निबिड़ तम दसहूँ दिसि कपिदल भयउ खभार। एकहि एक न देखई जहँ तहँ करहिं पुकार॥46॥।

सकल मरमु रघुनायक जाना। लिए बोलि अंगद हनुमाना॥ समाचार सब कहि समुझाए। सुनत कोपि कपिकुंजर धाए॥॥

पुनि कृपाल हँसि चाप चढ़ावा। पावक सायक सपदि चलावा॥ भयऊउ प्रकास कतहूँ तम नाहीं। ग्यान उदयँ जिमि संसय जाहीं॥2॥।

भालु बलीमुख पाई प्रकासा। धाए हरष बिगत श्रम त्रासा॥ हनूमान अंगद रन गाजे। हाँक सुनत रजनीचर भाजे॥3॥

भागत भट पटकहिं धरि धरनी। करहिं भालु कपि अद्भुत करनी॥ गहि पद डारहिं सागर माहीं। मकर उरग झष धरि धरि खाहीं॥4॥

कछु मारे कछु घायल कछु गढ़ चढ़े पराइ। गर्जहिं भालु बलीमुख रिपु दल बल बिचलाइ॥47॥

निसा जानि कपि चारिउ अनी। आए जहाँ कोसला धनी॥ राम कृपा करि चितवा सबही। भए बिगतश्रम बानर तबही॥॥

उहाँ दसानन सचिव हँकारे। सब सन कहेसि सुभट जे मारे॥ आधा कटकु कपिन्ह संघारा। कहह् बेगि का करिअ बिचारा॥2॥।

माल्यवंत अति जरठ निसाचर। रावन मातु पिता मंत्री बर॥ बोला बचन नीति अति पावन। सुनह् तात कछु मोर सिखावन॥3॥

जब ते तुम्ह सीता हरि आनी। असगुन होहिं न जाहिं बखानी॥ बेद पुरान जासु जसु गायो। राम बिमुख काहूँ न सुख पायो॥4॥

हिरन्याच्छ भ्राता सहित मधु कैटभ बलवान। जेहिं मारे सोइ अवतरेउ कृपासिंधु भगवान॥48 क॥

मासपारायण, पचीसवाँ विश्राम

लक्ष्मण-मेघनाद युद्ध, लक्ष्मणजी को शक्ति लगना

कालरूप खल बन दहन गुनागार घनबोध। सिव बिरंचि जेहि सेवहिं तासों कवन बिरोध॥48 ख॥

परिहरि बयरु देह बैदेही। भजह कृपानिधि परम सनेही॥ ताके बचन बान सम लागे। करिआ मुँह करि जाहि अभागे॥॥

बूढ भएसि न त मरतेउँ तोही। अब जनि नयन देखावसि मोही॥ तेहिं अपने मन अस अनुमाना। बध्यो चहत एहि कृपानिधाना॥2॥।

सो उठि गयउ कहत दुर्बादा। तब सकोप बोलेउ घननादा॥ कौतुक प्रात देखिअह मोरा। करिहउँ बहुत कहाँ का थोरा॥3॥

सुनि सुत बचन भरोसा आवा। प्रीति समेत अंक बैठावा॥ करत बिचार भयउ भिनुसारा। लागे कपि पुनि चहूँ दुआरा॥4॥

कोपि कपिन्ह दुर्घट गढ़ घेरा। नगर कोलाहलु भयउ घनेरा॥ बिबिधायुध धर निसिचर धाए। गढ़ ते पर्वत सिखर ढहाए॥5॥

ढाहे महीधर सिखर कोटिन्ह बिबिध बिधि गोला चले। घहरात जिमि पबिपात गर्जत जनु प्रलय के बादले॥ मर्कट बिकट भट जुटत कटत न लटत तन जर्जर भणए। गहि सैल तेहि गढ़ पर चलावहि जहैँ सो तहैँ निसिचर हए॥

मेघनाद सुनि श्रवन अस गढ़ पुनि छेंका आइ। उतर्‌यो बीर दुर्ग तें सन्मुख चल्यो बजाइ॥49॥।

कहँ कोसलाधीस द्वौ भ्राता। धन्वी सकल लोत बिख्याता॥ कहूँ नल नील दुबिद सुग्रीवा। अंगद हनूमंत बल सींवा॥

कहाँ बिभीषनु भ्राताद्रोही। आजु सबहि हठि मारउँ ओही॥ अस कह कठिन बान संधाने। अतिसय क्रोध श्रवन लगि ताने॥2॥

सर समूह सो छाड़ै लागा। जनु सपच्छ धावहिं बहु नागा॥ जहूँ तहँ परत देखिअहिं बानर। सन्मुख होइ न सके तेहि अवसर॥3॥

जहैँ तहँ भागि चले कपि रीछा। बिसरी सबहि जुद्ध कै ईछा॥ सो कपि भालु न रन महँ देखा। कीन्हेसि जेहि न प्रान अवसेषा॥4॥।

दस दस सर सब मारेसि परे भूमि कपि बीर। सिंहनाद करि गर्जा मेघनाद बल धीर॥50॥।

देखि पवनसुत कटक बिहाला। क्रोधवंत जनु धायउ काला॥ महासैल एक तुरत उपारा। अति रिस मेघनाद पर डारा॥॥

आवत देखि गयउ नभ सोई। रथ सारथी तुरग सब खोई॥। बार बार पचार हनुमाना। निकट न आव मरमु सो जाना॥2॥

रघुपति निकट गयउ घननादा। नाना भाँति करेसि दुर्बादा॥ अस्त्र सस्त्र आयुध सब डारे। कौतुकहीं प्रभु काटि निवारे॥3॥।

देखि प्रताप मूढ़ खिसिआना। करै लाग माया बिधि नाना॥ जिमि कोउ करै गरुड़ सैं खेला। डरपावै गहि स्वल्प सपेला॥4॥

जासु प्रबल माया बस सिव बिरंचि बड़ छोट। ताहि दिखावइ निसिचर निज माया मति खोट॥54॥

नभ चढ़ि बरष बिपुल अंगारा। महि ते प्रगट होहिं जलधारा॥ नाना भाँति पिसाच पिसाची। मारु काटु धुनि बोलहिं नाची॥॥

बिष्टा पूय रुधिर कच हाड़ा। बरषइ कबहूँ उपल बहु छाड़ा॥ बरघि धूरि कीन्हेसि अँधिआरा। सूझ न आपन हाथ पसारा॥2॥।

कपि अकुलाने माया देखें। सब कर मरन बना ऐहि लेखें॥ कौतुक देखि राम मुसुकाने। भए सभीत सकल कपि जाने॥3॥।

एक बान काटी सब माया। जिमि दिनकर हर तिमिर निकाया॥ कृपादृष्टि कपि भालु बिलोके। भए प्रबल रन रहहिं न रोके॥4॥

आयसु मागि राम पहिं अंगदादि कपि साथ। लछ़िमन चले क्रद्ध होइ बान सरासन हाथ॥52॥

छुतज नयन उर बाह बिसाला। हिमगिरि निभ तनु कछु एक लाला॥ इहाँ दसानन सुभट पठाए। नाना अस्त्र सस्त्र गहि धाए॥॥

भूधर नख बिटपायुध धारी। धाए कपि जय राम पुकारी॥ भिरे सकल जोरिहि सन जोरी। इत उत जय इच्छा नहिं थोरी॥2॥।

मुठिकन्ह लातन्ह दातन्ह काटहिं। कपि जयसील मारि पुनि डाटहिं॥ मारु मारु धरु धरु धरु मारू। सीस तोरि गहि भुजा उपारू॥3॥

असि रव पूरि रही नव खंडा। धावहिं जहैँ तहैँ रुंड प्रचंडा॥ देखहिं कौतुक नभ सुर बुंदा। कबहुँक बिसमय कबहूँ अनंदा॥4॥।

रुधिर गाड़ भरि भरि जम्यो ऊपर धूरि उड़ाइ। जनु अँगार रासिन्ह पर मृतक धूम रह्मो छाइ॥53॥।

घायल बीर बिराजहिं कैसे। कुसुमति किंसुक के तरु जैसे॥ लछ़िमन मेघनाद द्वौ जोधा। भिरहिं परसपर करि अति क्रोधा॥

एकहि एक सकइ नहिं जीती। निसिचर छल बल करइ अनीती॥ क्रोधवंत तब भयउ अनंता। भंजेउ रथ सारथी तुरंता॥2॥।

नाना बिधि प्रहार कर सेषा। राच्छस भयउ प्रान अवसेषा॥ रावन सुत निज मन अनुमाना। संकठ भयउ हरिहि मम प्राना॥3॥

बीरघातिनी छाड़िसि साँगी। तेजपुंज लब्धिमन उर लागी॥। मुरुछा भई सक्ति के लागें। तब चलि गयउ निकट भय त्यागें॥4॥।

मेघनाद सम कोटि सत जोधा रहे उठाइ। जगदाधार सेष किमि उठै चले खिसिआइ॥54॥

सुनु गिरिजा क्रोधानल जासू। जारइ भुवन चारिदस आसू॥ सक संग्राम जीति को ताही। सेवहिं सुर नर अग जग जाही॥॥

यह कौतूहल जानइ सोई। जा पर कृपा राम कै होई॥ संध्या भय फिरि द्वौ बाहनी। लगे सँभारन निज निज अनी॥2॥

व्यापक ब्रह्म अजित भुवनेस्वर। लछ्धिमन कहाँ बूझ करुनाकर॥ तब लगि लै आयउ हनुमाना। अनुज देखि प्रभु अति दुख माना॥3॥

जामवंत कह बैद सुषेना। लंकाँ रहइ को पठई लेना॥ धरि लघु रूप गयउ हनुमंता। आनेउ भवन समेत तुरंता॥4॥

राम पदारबिंद सिर नायउ आइ सुषेन। कहा नाम गिरि औषधी जाह्ट पवनसुत लेन ॥55॥।

राम चरन सरसिज उर राखी। चला प्रभंजनसुत बल भाषी॥। उहाँ दूत एक मरमु जनावा। रावनु कालनेमि गृह आवा॥॥

दसमुख कहा मरमु तेहिं सुना। पुनि पुनि कालनेमि सिरु धुना॥ देखत तुम्हहि नगरु जेहिं जारा। तासु पंथ को रोकन पारा॥2॥

भजि रघुपति करु हित आपना। छाँड़ह नाथ मृषा जल्पना॥ नील कंज तनु सुंदर स्यामा। हृदयँ राखु लोचनाभिरामा॥3॥

मैं तैं मोर मूढ़ता त्यागू। महा मोह निसि सूतत जागू॥ काल ब्याल कर भच्छक जोई। सपनेहूँ समर कि जीतिअ सोई॥4॥।