लंकाकाण्ड · भाग ३

सुनि दसकंठ रिसान अति तेहिं मन कीन्ह बिचार। राम दूत कर मरौं बरु यह खल रत मल भार॥56॥

अस कहि चला रचिसि मग माया। सर मंदिर बर बाग बनाया॥ मारुतसुत देखा सुभ आश्रम। मुनिहि बूझ्ि जल पियौँ जाइ श्रम॥॥

राच्छस कपट बेष तहैँ सोहा। मायापति दूतहि चह मोहा॥ जाइ पवनसुत नायउ माथा। लाग सो कहै राम गुन गाथा॥2॥

होत महा रन रावन रामहिं। जितिहहिं राम न संसय या महिं॥ इहाँ भरएँ मैं देखउँ भाई। ग्यान दृष्टि बल मोहि अधिकाई॥3॥

मागा जल तेहिं दीन्ह कमंडल। कह कपि नहिं अघाऊँ थोरें जल॥ सर मज्जन करि आतुर आवह। दिच्छा देउँ ग्यान जेहिं पावहु॥4॥।

सर पैठत कपि पद गहा मकरीं तब अकुलान। मारी सो धरि दिव्य तनु चली गगन चढ़ि जान॥57॥

कपि तव दरस भउँ निष्पापा। मिटा तात मुनिबर कर सापा॥ मुनि न होइ यह निसिचर घोरा। मानह सत्य बचन कपि मोरा॥॥

अस कहि गई अपछरा जबहीं। निसिचर निकट गयउ कपि तबहीं॥ कह कपि मुनि गुरदछिना लेह। पाछें हमहिं मंत्र तुम्ह देहू॥2॥

सिर लंगूर लपेटि पछारा। निज तनु प्रगटेसि मरती बारा॥ राम राम कहि छाड़ेसि प्राना। सुनि मन हरघि चलेउ हनुमाना॥3॥

देखा सैल न औषध चीन्हा। सहसा कपि उपारि गिरि लीन्हा॥ गहि गिरि निसि नभ धावक भयऊ। अवधपुरी ऊपर कपि गयऊ॥4॥

देखा भरत बिसाल अति निसिचर मन अनुमानि। बिनु फर सायक मारेउ चाप श्रवन लगि तानि॥58॥

परेउ मुरुछि महि लागत सायक। सुमिरत राम राम रघुनायक।॥ सुनि प्रिय बचन भरत तब धाए। कपि समीप अति आतुर आए॥॥

बिकल बिलोकि कीस उर लावा। जागत नहिं बहु भाँति जगावा॥ मुख मलीन मन भए दुखारी। कहत बचन भरि लोचन बारी॥2॥

जेहिं बिधि राम बिमुख मोहि कीन्हा। तेहिं पुनि यह दारुन दुख दीन्हा॥ जौं मोरें मन बच अरु काया॥ प्रीति राम पद कमल अमाया॥3॥

तौ कपि होउ बिगत श्रम सूला। जौं मो पर रघुपति अनुकूला॥ सुनत बचन उठि बैठ कपीसा। कहि जय जयति कोसलाधीसा॥4॥

लीन्ह कपिहि उर लाइ पुलकित तनु लोचन सजल। प्रीति न हृदय समाइ सुमिरि राम रघुकुल तिलक॥59॥

तात कुसल कह सुखनिधान की। सहित अनुज अरु मातु जानकी॥। लकपि सब चरित समास बखाने। भए दुखी मन महूँ पछ्िताने॥॥

अहह दैव मैं कत जग जायउँ। प्रभु के एकह्ठ काज न आयरऊँ॥ जानि कुअवसरु मन धरि धीरा। पुनि कपि सन बोले बलबीरा॥2॥।

तात गहरु होइहि तोहि जाता। काजु नसाइहि होत प्रभाता॥ चढ्ठ मम सायक सैल समेता। पठवाँ तोहि जहँ कृपानिकेता॥ 3॥

सुनि कपि मन उपजा अभिमाना। मोरें भार चलिहि किमि बाना॥ राम प्रभाव बिचारि बहोरी। बंदि चरन कह कपि कर जोरी॥4॥

तव प्रताप उर राखि प्रभु जैहउँ नाथ तुरंत। अस कहि आयसु पाइ पद बंदि चलेउ हनुमंत॥60 क॥

भरत बाह बल सील गुन प्रभु पद प्रीति अपार। मन महूँ जात सराहत पुनि पुनि पवनकुमार॥60 ख॥

उहाँ राम लछ्धिमनहि निहारी। बोले बचन मनुज अनुसारी॥ अर्ध राति गइ कपि नहिं आयउ। राम उठाइ अनुज उर लायउ॥॥

सकह न दुखित देखि मोहि काउ। बंधु सदा तव मृदुल सुभाऊ॥। मम हित लागि तजेह पितु माता। सहेह बिपिन हिम आतप बाता॥2॥

सो अनुराग कहाँ अब भाई। उठह न सुनि मम बच बिकलाई॥ जौं जनतेउँ बन बंधु बिछोहू। पिता बचन मनतेउँ नहिं ओहू॥3॥।

सुत बित नारि भवन परिवारा। होहिं जाहिं जग बारहिं बारा॥ अस बिचारि जियँ जागह ताता। मिलइ न जगत सहोदर भ्राता॥4॥।

जथा पंख बिनु खग अति दीना। मनि बिनु फनि करिबर कर हीना॥ अस मम जिवन बंधु बिनु तोही। जौं जड़ दैव जिआवै मोही॥5॥

जैहउँ अवध कौन मुह लाई। नारि हेतु प्रिय भाई गँवाई॥ बरु अपजस सहतेउँ जग माहीं। नारि हानि बिसेष छति नाहीं॥6॥।

अब अपलोकु सोकु सुत तोरा। सहिहि निठुर कठोर उर मोरा॥ निज जननी के एक कुमारा। तात तासु तुम्ह प्रान अधारा॥7॥

सौंपेसि मोहि तुम्हहि गहि पानी। सब बिधि सुखद परम हित जानी॥ उतरु काह दैहउँ तेहि जाई। उठि किन मोहि सिखावह भाई॥8॥।

बह बिधि सोचत सोच बिमोचन। ख्रवत सलिल राजिव दल लोचन॥ उमा एक अखंड रघुराई। नर गति भगत कृपाल देखाई॥9॥

प्रभु प्रलाप सुनि कान बिकल भए बानर निकर। आइ गयउ हनुमान जिमि करुना महँ बीर रस॥64॥।

हरषि राम भेंटेउ हनुमाना। अति कृतग्य प्रभु परम सुजाना॥ तुरत बैद तब कीन्ह उपाई। उठि बैठे लद्धिमन हरघषाई॥ ॥

ह्रदयेँ लाइ प्रभु भेंटेउ भ्राता। हरषे सकल भालु कपि ब्राता॥ कपि पुनि बैद तहाँ पहुँचावा। जेहि बिधि तबहिं ताहि लइ आवा॥2॥

यह बृत्तांत दसानन सुनेऊ। अति बिषाद पुनि पुनि सिर धुनेऊ॥ ब्याकुल कुंभकरन पहिं आवा। बिबिध जतन करि ताहि जगावा॥3॥

जागा निसिचर देखिअ कैसा। मानहूँ कालु देह धरि बैसा॥ कुंभकरन बूझा कह भाई। काहे तव मुख रहे सुखाई॥4॥।

कथा कही सब तेहिं अभिमानी। जेहि प्रकार सीता हरि आनी॥ तात कपिन्ह सब निसिचर मारे। महा महा जोधा संघारे॥5॥

दुर्मुख सुररिपु मनुज अहारी। भट अतिकाय अकंपन भारी ॥ अपर महोदर आदिक बीरा। परे समर महि सब रनधीरा॥6॥

सुनि दसकंधर बचन तब कुंभकरन बिलखान। जगदंबा हरि आनि अब सठ चाहत कल्यान॥62॥।

भल न कीन्ह तैं निसिचर नाहा। अब मोहि आइ जगाएहि काहा॥ अजहूँ तात त्यागि अभिमाना। भजह राम होइहि कल्याना॥॥

हैं दससीस मनुज रघुनायक। जाके हनूमान से पायक।॥ अहह बंधु तैं कीन्हि खोटाई। प्रथमहिं मोहि न सुनाएहि आई॥2॥

कीन्हेह प्रभु बिरोध तेहि देवक। सिव बिरंचि सुर जाके सेवक॥ नारद मुनि मोहि ग्यान जो कहा। कहतेउँ तोहि समय निरबाहा॥3॥।

अब भरि अंक भेंट मोहि भाई। लोचन सुफल करों मैं जाई॥ स्याम गात सरसीरुह लोचन। देखौं जाइ ताप त्रय मोचन॥4॥।

राम रूप गुन सुमिरत मगन भयउ छन एक। रावन मागेउ कोटि घट मद अरु महिष अनेक॥63॥।

महिषखाइ करि मदिरा पाना। गर्जा बज्ाघात समाना॥ कुंभकरन दुर्भद रन रंगा। चला दुर्ग तजि सेन न संगा॥॥

देखि बिभीषतु आगें आयउ। परेउ चरन निज नाम सुनायउ॥ अनुज उठाइ ह्ृदयँ तेहि लायो। रघुपति भक्त जानि मन भायो॥2॥

तात लात रावन मोहि मारा। कहत परम हित मंत्र बिचारा॥ तेहिं गलानि रघुपति पहिं आयउँ। देखि दीन प्रभु के मन भायउँ॥ 3॥।

सुनु भयउ कालबस रावन। सो कि मान अब परम सिखावन॥ धन्य धन्य तैं धन्य विभीषन। भयह तात निसिचर कुल भूषन॥4॥

बंधु बंस तैं कीन्ह उजागर। भजेह राम सोभा सुख सागर॥5॥।

बचन कर्म मन कपट तजि भजेह राम रनधीर। जाहु न निज पर सूझ मोहि भयउँ कालबस बीर॥64॥।

बंधु बचन सुनि चला बिभीषन। आयउ जहैँ त्रैलोक बिभूषन॥ नाथ भूधराकार सरीरा। कुंभकरन आवत रनधीरा॥

एतना कपिन्ह सुना जब काना। किलकिलाइ धाए बलवाना॥ लिए उठाइ बिटप अरु भूधर। कटकटाइ डारहिं ता ऊपर॥2॥

कोटि कोटि गिरि सिखर प्रहारा। करहिं भालु कपि एक एक बारा॥ मुरयो न मनु तनु टर्‌यो न टार्‌यो। जिमि गज अर्क फलनि को मार्‌यो॥3॥

तब मारुतसुत मुठिका हन्यो। परयो धरनि ब्याकुल सिर धुन्यो॥ पुनि उठि तेहिं मारेउ हनुमंता। घुर्मित भूतल परेउ तुरंता॥4॥

पुनि नल नीलहि अवनि पछारेसि। जहैँ तहँ पटकि पटकि भट डारेसि॥ चली बलीमुख सेन पराई। अति भय त्रसित न कोउ समुहाई॥5॥

अंगदादि कपि मुरुद्धित करि समेत सुग्रीव। काँख दाबि कपिराज कहूँ चला अमित बल सींव॥65॥

उमा करत रघुपति नरलीला। खेलत गरुड़ जिमि अहिगन मीला॥ भूकुटि भंग जो कालहि खाई। ताहि कि सोहइ ऐसि लराई॥॥

जग पावनि कीरति बिस्तरिहहिं। गाइ गाइ भवनिधि नर तरिहृहिं॥ मुरुछा गइ मारुतसुत जागा। सुग्रीवहि तब खोजन लागा॥2॥।

सुग्रीवहु कै मुरुछ्ा बीती। निबुकि गयउ तेहि मृतक प्रतीती॥ काटेसि दसन नासिका काना। गरजि अकास चलेउ तेहिं जाना॥3॥

गहेउ चरन गहि भूमि पछारा। अति लाघवँ उठि पुनि तेहि मारा॥ पुनि आयउ प्रभु पहिं बलवाना। जयति जयति जय कृपानिधाना॥4॥

नाक कान काटे जियँ जानी। फिरा क्रोध करि भइ मन ग्लानी॥ सहज भीम पुनि बिनु श्रुति नासा। देखत कपि दल उपजी त्रासा॥5॥

जय जय जय रघुबंस मनि धाए कपि दै हूह। एकहि बार तासु पर छाड़ेन्हि गिरि तरु जूह॥66॥

कुंभकरन रन रंग बिरुद्धा। सन्मुख चला काल जनु क्रुद्धा॥ कोटि कोटि कपि धरि धरि खाई। जनु टीड़ी गिरि गुहाँ समाई॥ ॥

कोटिन्ह गहि सरीर सन मर्दा। कोटिन्ह मीजि मिलव महि गर्दा॥ मुख नासा श्रवनन्हि कीं बाटा। निसरि पराह्ं भालु कपि ठाटा॥2॥

रन मद मत्त निसाचर दर्पा। बिस्व ग्रसिहि जनु ऐहि बिधि अर्पा॥ मुरे सुभट सब फिरहिं न फेरे। सूझ न नयन सुनहिं नहिं टेरे॥3॥।

कुंभकरन कपि फौज बिडारी। सुनि धाई रजनीचर धारी॥ देखी राम बिकल कटकाई। रिपु अनीक नाना बिधि आई॥4॥।

सुनु सुग्रीव बिभीषन अनुज सँभारेह सैन। मैं देखउँ खल बल दलहि बोले राजिवनैन॥67॥

कर सारंग साजि कटि भाथा। अरि दल दलन चले रघुनाथा॥ प्रथम कीन्ति प्रभु धनुष टंकोरा। रिपु दल बधिर भयउ सुनि सोरा॥

सत्यसंध छाँड़े सर लच्छा। कालसर्प जनु चले सपच्छा॥ जहैँ तहँ चले बिपुल नाराचा। लगे कटन भट बिकट पिसाचा॥2॥

कटहिं चरन उर सिर भुजदंडा। बहुतक बीर होहिं सत खंडा॥ घुर्मि घुर्मि घायल महि परहीं। उठि संभारि सुभट पुनि लरहीं॥3॥

लागत बान जलद जिमि गाजहिं। बहुतक देखि कठिन सर भाजहिं॥ रुंड प्रचंड मुंड बिनु धावहिं। धरु धरु मारु मारु धुनि गावहिं॥4॥

छुन महूँ प्रभु के सायकन्हि काटे बिकट पिसाच। पुनि रघुबीर निषंग महूँ प्रबिसे सब नाराच॥68॥

कुंभकरन मन दीख बिचारी। हति छन माझ निसाचर धारी॥ भा अति क्रुद्ध महाबल बीरा। कियो मृगनायक नाद गँभीरा॥

कोपि महीधर लेइ उपारी। डारइ जहैँ मर्कट भट भारी ॥ आवत देखि सैल प्रभु भारे। सरन्हि काटि रज सम करि डारे॥2॥

पुनि धनु तानि कोपि रघुनायक। छाँड़े अति कराल बहु सायक।॥ तनु महूँ प्रबिसि निसरि सर जाहीं। जिमि दामिनि घन माझ समाहीं॥3॥

सोनित ख्रवत सोह तन कारे। जनु कज्जल गिरि गेरु पनारे॥ बिकल बिलोकि भालु कपि धाए। बिहँसा जबहिं निकट कपि आए॥4॥

महानाद करि गर्जा कोटि कोटि गहि कीस। महि पटकइ गजराज इव सपथ करइ दससीस॥69॥।

भागे भालु बलीमुख जूथा। बूकु बिलोकि जिमि मेष बरूथा॥ चले भागि कपि भालु भवानी। बिकल पुकारत आरत बानी॥॥

यह निसिचर दुकाल सम अहई। कपिकुल देस परन अब चहई॥ कृपा बारिधर राम खरारी। पाहि पाहि प्रनतारति हारी॥2॥

सकरुन बचन सुनत भगवाना। चले सुधारि सरासन बाना॥ राम सेन निज पाछें घाली। चले सकोप महा बलसाली॥3॥

खैंचि धनुष सर सत संधाने। छूटे तीर सरीर समाने॥ लागत सर धावा रिस भरा। कुधर डगमगत डोलति धरा॥र4॥

लीन्ह एक तेंहि सैल उपाटी। रघुकुलतिलक भुजा सोइ काटी॥ धावा बाम बाह गिरि धारी। प्रभु सोउ भुजा काटि महि पारी॥5॥।

कार्टे भुजा सोह खल कैसा। पच्छहीन मंदर गिरि जैसा॥ उग्र बिलोकनि प्रभुहि बिलोका। ग्रसन चहत मानहूँ त्रैलोका॥ 6॥।

करि चिक्कार घोर अति धावा बदनु पसारि। गगन सिद्ध सुर त्रासित हा हा हेति पुकारि॥70॥।

सभय देव करुनानिधि जानयो। श्रवन प्रजंत सरासुन तान्यो॥ बिसिख निकर निसिचर मुख भरेऊ। तदपि महाबल भूमि न परेऊ॥॥

सरन्हि भरा मुख सन्मुख धावा। काल त्रोन सजीव जनु आवा॥ तब प्रभु कोपि तीव्र सर लीन्हा। धर ते भिन्न तासु सिर कीन्हा॥2॥

सो सिर परेउ दसानन आगें। बिकल भयउ जिमि फनि मनि त्यागें॥ धरनि धसइ धर धाव प्रचंडा। तब प्रभु काटि कीन्ह दुद खंडा॥3॥

परे भूमि जिमि नभ तें भूधर। हेठ दाबि कपि भालु निसाचर॥ तासु तेज प्रभु बदन समाना। सुर मुनि सबहिं अचंभव माना॥4॥

सुर दुंदुभीं बजावहिं हरषहिं। अस्तुति करहिं सुमन बहु बरषहिं॥ करि बिनती सुर सकल सिधाए। तेही समय देवरिषि आए॥5॥

गगनोपरि हरि गुन गन गाए। रुचिर बीररस प्रभु मन भाए।॥ बेगि हतह खल कहि मुनि गए। राम समर महि सोभत भए।॥6॥।

संग्राम भूमि बिराज रघुपति अतुल बल कोसल धनी। श्रम बिंदु मुख राजीव लोचन अरुन तन सोनित कनी॥ भुज जुगल फेरत सर सरासन भालु कपि चह्ट दिसि बने। कह दास तुलसी कहि न सक छबि सेष जेहि आनन घने॥

निसिचर अधम मलाकर ताहि दीन्ह निज धाम। गिरिजा ते नर मंदमति जे न भजहिं श्रीराम॥ 7॥

दिन के अंत फिरीं द्वौ अनी। समर भई सुभटन्ह श्रम घनी॥ राम कृपाँ कपि दल बल बाढ़ा। जिमि तृन पाइ लाग अति डाढ़ा॥॥

छीजहिं निसिचर दिनु अरु राती। निज मुख कहें सुकृत जेहि भाँती॥ बहु बिलाप दसकंधर करई। बंधु सीस पुनि पुनि उर धरई॥2॥

रोवहिं नारि हृदय हति पानी। तासु तेज बल बिपुल बखानी॥ मेघनाद तेहि अवसर आयउ। कह बह कथा पिता समुझायउ॥3॥।

देखेह कालि मोरि मनुसाई। अबहिं बहुत का करौं बड़ाई॥ इष्टदेव सैं बल रथ पायउँ। सो बल तात न तोहि देखायउँ॥4॥

एहि बिधि जल्पत भयउ बिहाना। चहूँ दुआर लागे कपि नाना॥ इति कपि भालु काल सम बीरा। उत रजनीचर अति रनधीरा॥5॥

लरहिं सुभट निज निज जय हेतू। बरनि न जाइ समर खगकेतू॥6॥

मेघनाद मायामय रथ चढ़ि गयउ अकास। गर्जउ अट्रहास करि भइ कपि कटकहि त्रास॥72॥

सक्ति सूल तरवारि कृपाना। अस्त्र सस्त्र कुलिसायुध नाना॥ डारइ परसु परिघ पाषाना। लागेउ बृुष्टि करै बहु बाना॥॥

दस दिसि रहे बान नभ छाई। मानहूँ मघा मेघ झरि लाई॥ धरु धरु मारु सुनिअ धुनि काना। जो मारइ तेहि कोउ न जाना॥2॥

गहि गिरि तरु अकास कपि धावहिं। देखहिं तेहि न दुखित फिरि आवहिं॥ अवघट घाट बाट गिरि कंदर। माया बल कीन्हेसि सर पंजर॥3॥

जाहिं कहाँ ब्याकुल भए बंदर। सुरपति बंदि परे जनु मंदर॥ मारुतसुत अंगद नल नीला। कीन्हेसि बिकल सकल बलसीला॥4॥

पुनि लछ्विमन सुग्रीव बिभीषन। सरन्हि मारि कीन्हेसि जर्जर तन॥ पुनि रघुपति सैं जूबनै लागा। सर छाँड़इ होइ लागहिं नागा॥5॥।

ब्याल पास बस भए खरारी। स्वबस अनंत एक अबिकारी॥ नट इव कपट चरित कर नाना। सदा स्वतंत्र एक भगवाना॥6॥।

रन सोभा लगि प्रभुहिं बैँधायो। नागपास देवन्ह भय पायो॥7॥।

गिरिजा जासु नाम जपि मुनि काटहिं भव पास। सो कि बंध तर आवइ ब्यापक बिस्व निवास॥73॥

चरित राम के सगुन भवानी। तर्कि न जाहिं बुद्धि बल बानी॥ अस बिचारि जे तग्य बिरागी। रामहि भजहिं तर्क सब त्यागी॥॥

ब्याकुल कटकु कीन्ह घननादा। पुनि भा प्रगट कहइ दुर्बादा॥ जामवंत कह खल रह ठाढ़ा। सुनि करि ताहि क्रोध अति बाढ़ा॥2॥

बूढ़ जानि सठ छाँड़ेउँ तोही। लागेसि अधम पचारै मोही॥ अस कह तरल त्रिसूल चलायो। जामवंत कर गहि सोइ धायो॥3॥।

मारिसि मेघनाद कै छाती। परा भूमि घुर्मित सुरघाती॥ पुनि रिसान गहि चरन फिरायो। महि पछारि निज बल देखरायो॥4॥

बर प्रसाद सो मरइ न मारा। तब गहि पद लंका पर डारा॥ इहाँ देवरिषि गरुड़ पठायो। राम समीप सपदि सो आयो॥5॥

खगपति सब धरि खाए माया नाग बरुथ। माया बिगत भए सब हरघे बानर जूथ॥ 74 क॥

गहि गिरि पादप उपल नख धाए कीस रिसाइ। चले तमीचर बिकलतर गढ़ पर चढ़े पराइ॥74 ख॥।

मेघनाद कै मुरछा जागी। पितहि बिलोकि लाज अति लागी॥। तुरत गयउ गिरिबर कंदरा। करौं अजय मख अस मन धरा॥

इहाँ बिभीषन मंत्र बिचारा। सुनह नाथ बल अतुल उदारा॥ मेघनाद मख करइ अपावन। खल मायावी देव सतावन॥2॥

जौं प्रभु सिद्ध होइ सो पाइहि। नाथ बेगि पुनि जीति न जाइहि॥ सुनि रघुपति अतिसय सुख माना। बोले अंगदादि कपि नाना॥3॥

लछ्िमन संग जाह सब भाई। करह बिधंस जग्य कर जाई॥ तुम्ह लछिमन मारेहू रन ओही। देखि सभय सुर दुख अति मोही॥4॥।

मारेह तेहि बल बुद्धि उपाई। जेहिं छीजै निसिचर सुनु भाई॥ जामवंत सुग्रीव बिभीषन। सेन समेत रहेह तीनिउ जन॥5॥

जब रघुबीर दीन्हि अतुसासन। कटि निषंग कसि साजि सरासन॥। प्रभु प्रताप उर धरि रनधीरा। बोले घन इव गिरा गँभीरा॥6॥

जौं तेहि आजु बंधे बिनु आवौं। तौ रघुपति सेवक न कहावाँ॥ जौं सत संकर करहिं सहाई। तदपि हतऊँ रघुबीर दोहाई॥7॥

रघुपति चरन नाइ सिरु चलेउ तुरंत अनंत। अंगद नील मयंद नल संग सुभट हनुमंत॥ 75॥।

जाइ कपिन्ह सो देखा बैसा। आहति देत रुघिर अरु भैंसा॥ कीन्ह कपिन्ह सब जग्य बिधंसा। जब न उठइ तब करहिं प्रसंसा॥ १॥

तदपि न उठइ धरेन्हि कच जाई। लातन्हि हति हति चले पराई॥ लै त्रिसूल धावा कपि भागे। आए जहूँ रामातुज आगे॥2॥।

आवा परम क्रोध कर मारा। गर्ज घोर रव बारहिं बारा॥ कोपि मरुतसुत अंगद धाए। हति त्रिसूल उर धरनि गिराए॥3॥

प्रभु कहँ छाँडेसि सूल प्रचंडा। सर हति कृत अनंत जुग खंडा॥ उठि बहोरि मारुति जुबराजा। हृतहिं कोपि तेहि घाउ न बाजा॥4॥।

फिरे बीर रिपु मरइ न मारा। तब धावा करि घोर चिकारा॥ आवत देखि कुरद्ध जनु काला। लछ़िमन छाड़े बिसिख कराला॥5॥

देखेसि आवत पबि सम बाना। तुरत भयउ खल अंतरधाना॥ बिबिध बेष धरि करइ लराई। कबहुँक प्रगट कबहूँ दुरि जाई॥6॥।

देखि अजय रिपु डरपे कीसा। परम क्रुद्ध तब भयउ अहीसा॥ लछ्िमन मन अस मंत्र दूढ़ावा। ऐहि पापिहि मैं बहुत खेलावा॥7॥

सुमिरि कोसलाधीस प्रतापा। सर संधान कीन्ह करि दापा॥ छाड़ा बान माझ उर लागा। मरती बार कपटु सब त्यागा॥8॥

रामानुज कहँ रामु कहँ अस कहि छाड़ेसि प्रान। धन्य धन्य तव जननी कह अंगद हनुमान॥76॥

बिनु प्रयास हनुमान उठायो। लंका द्वार राखि पुनि आयो॥। तासु मरन सुनि सुर गंधर्बा। चढ़ि बिमान आए नभ सर्बा॥॥

बरघषि सुमन दुंदुभीं बजावहिं। श्रीरघुनाथ बिमल जसु गावहिहं॥ जय अनंत जय जगदाधारा। तुम्ह प्रभु सब देवन्तहि निस्तारा॥2॥

अस्तुति करि सुर सिद्ध सिधाए। लद्धिमन कृपासिंधु पहिं आए॥ सुत बध सुना दसानन जबहीं। मुरुद्धित भयउ परेउ महि तबहीं॥3॥

मंदोदरी रुदन कर भारी। उर ताड़न बहु भाँति पुकारी॥ रनगर लोग सब ब्याकुल सोचा। सकल कहह्हिं दसकंधर पोचा॥4॥

तब दसकंठ बिबिधि बिधि समुझाईं सब नारि। नस्वर रूप जगत सब देखह ह्ृदयँ बिचारि॥77॥

तिन्हहि ग्यान उपदेसा रावन। आपुन मंद कथा सुभ पावन॥ पर उपदेस कुसल बहुतेरे। जे आचरहिं ते नर न घनेरे॥॥

निसा सिरानि भयउ भिनुसारा। लगे भालु कपि चारिहूँ द्वारा॥ सुभट बोलाइ दसानन बोला। रन सन्मुख जाकर मन डोला॥2॥

सो अबहीं बरु जाउ पराई। संजुग बिमुख भएँ न भलाई॥ निज भुज बल मैं बयरु बढ़ावा। देहउँ उतरु जो रिपु चढ़ि आवा॥3॥।

अस कह मरुत बेग रथ साजा। बाजे सकल जुझाऊ बाजा॥ चले बीर सब अतुलित बली। जनु कज्जल कै आँधी चली॥4॥।

असगुन अमित होहिं तेहि काला। गनइ न भुज बल गर्ब बिसाला॥5॥

अति गर्ब गनइ न सगुन असगुन स्रवहिं आयुध हाथ ते। भट गिरत रथ ते बाजि गज चिक्करत भाजहिं साथ ते॥ गोमाय गीध कराल खर रव स्वान बोलहिं अति घने। जनु कालदूत उलूक बोलहिं बचन परम भयावने॥

ताहि कि संपति सगुन सुभ सपनेहूँ मन बिश्राम। भूत द्रोह रत मोहबस राम बिमुख रति काम॥78॥

चलेउ निसाचर कटकु अपारा। चतुरंगिनी अनी बह धारा॥ बिबिधि भाँति बाहन रथ जाना। बिपुल बरन पताक ध्वज नाना॥॥

चले मत्त गज जूथ घनेरे। प्राबिट जलद मरुत जनु प्रेरे॥ बरन बरन बिरदैत निकाया। समर सूर जानहिं बहु माया॥2॥।

अति बिचित्र बाहिनी बिराजी। बीर बसंत सेन जनु साजी॥ चलत कटक दिगसिंधुर डगहीं। छुभित पयोधि कुधर डगमगहीं॥3॥

उठी रेनु रबि गयउ छपाई। मरुत थकित बसुधा अकुलाई॥ पनव निसान घोर रव बाजहिं। प्रलय समय के घन जनु गाजहिं॥4॥

भेरि नफीरि बाज सहनाई। मारू राग सुभट सुखदाई॥। केहरि नाद बीर सब करहीं। निज निज बल पौरुष उच्चुरहीं॥5॥

कह दसानन सुनहू सुभट्टा। मर्दह भालु कपिन्ह के ठट्टा॥ हों मारिहउँ भूप द्वौ भाई। अस कह सन्मुख फौज रेंगाई॥6॥।

यह सुधि सकल कपिन्ह जब पाई। धाए करि रघुबीर दोहाई॥7॥।

धाए बिसाल कराल मर्कट भालु काल समान ते। मानहूँ सपच्छ उड़ाहिं भूधर बूंद नाना बान ते॥ नख दसन सैल महाद्रुमायुध सबल संक न मानहीं। जय राम रावन मत्त गज मृगराज सुजसु बखानहीं॥

दुह दिसि जय जयकार करि निज जोरी जानि। भिरे बीर इत रामहि उत रावनहि बखानि॥79॥

रावतु रथी बिरथ रघुबीरा। देखि बिभीषन भयउ अधीरा॥ अधिक प्रीति मन भा संदेहा। बंदि चरन कह सहित सनेहा॥॥

नाथ न रथ नहि तन पद त्राना। केहि बिधि जितब बीर बलवाना॥ सुनह सखा कह कृपानिधाना। जेहिं जय होइ सो स्यंदन आना॥2॥।

सौरज धीरज तेहि रथ चाका। सत्य सील दृढ़ ध्वजा पताका॥ बल बिबेक दम परहित घोरे। छमा कृपा समता रजु जोरे॥3॥।

ईस भजनु सारथी सुजाना। बिरति चर्म संतोष कृपाना॥ दान परसु बुधि सक्ति प्रचंडा। बर बिग्यान कठिन कोदंडा॥4॥

अमल अचल मन त्रोन समाना। सम जम नियम सिलीमुख नाना॥ कवच अभेद बिप्र गुर पूजा। एहि सम बिजय उपाय न दूजा॥5॥

सखा धर्ममय अस रथ जाकें। जीतन कहूँ न कतहूँ रिपु ताकें॥6॥

महा अजय संसार रिपु जीति सकइ सो बीर। जारकें अस रथ होइ दृढ़ सुनहु सखा मतिधीर॥80 क॥।

सुनि प्रभु बचन बिभीषन हरघि गहे पद कंज। एहि मिस मोहि उपदेसेह राम कृपा सुख पुंज॥80 ख

उत पचार दसकंधर इत अंगद हनुमान। लरत निसाचर भालु कपि करि निज निज प्रभु आन॥80 ग॥

सुर ब्रह्मादि सिद्ध मुनि नाना। देखत रन नभ चढ़े बिमाना॥ हमह उमा रहे तेहिं संगा। देखत राम चरित रन रंगा॥

सुभट समर रस दुह दिसि माते। कपि जयसील राम बल ताते॥ एक एक सन भिरहिं पचारहिं। एकन्ह एक मर्दि महि पारहिं॥2॥

मारहिं काटहिं धरहिं पछारहिं। सीस तोरि सीसन्ह सन मारहिं॥ उदर बिदारहिं भुजा उपारहिं। गहि पद अवनि पटकि भट डारहिं॥3॥।

निसिचर भट महि गाड़हिं भालू। ऊपर ढारि देहिं बहु बालू॥ बीर बलीमुख जुद्ध बिरुद्ध। देखिअत बिपुल काल जनु क्रुद्ध॥4॥

क्रुद्ध कृतांत समान कपि तन स्रवत सोनित राजहीं। मर्दहिं निसाचर कटक भट बलवंत घन जिमि गाजहीं॥ मारहिं चपेटन्हि डाटि दातन्ह काटि लातन्ह मीजहीं। चिक्करहिं मर्कट भालु छल बल करहिं जेहिं खल छीजहीं॥॥

धरि गाल फारहिं उर बिदारहिं गल अँतावरि मेलहीं। प्रहलादपति जनु बिबिध तनु धरि समर अंगन खेलहीं॥ धरु मारु काटु पछारु घोर गिरा गगन महि भरि रही। जय राम जो तृन ते कुलिस कर कुलिस ते कर तृन सही॥2॥

निज दल बिचलत देखेसि बीस भुजाँ दस चाप। रथ चढ़ि चलेउ दसानन फिरह फिरह करि दाप॥8॥।

धायउ परम क्रुद्ध दसकंधर। सन्मुख चले हृह दै बंदर॥ गहि कर पादप उपल पहारा। डारेन्हि ता पर एकहिं बारा॥

लागहिं सैल बज तन तासू। खंड खंड होइ फूटहिं आसू॥ चला न अचल रहा रथ रोपी। रन दुर्मद रावन अति कोपी॥2॥।

इत उत झपटि दपटि कपि जोधा। मर्दै लाग भयउ अति क्रोधा॥ चले पराइ भालु कपि नाना। त्राह्ि त्राहि अंगद हनुमाना॥3॥।

पाहि पाहि रघुबीर गोसाईं। यह खल खाइ काल की नाईं॥ तेहिं देखे कपि सकल पराने। दसहूँ चाप सायक संधाने॥4॥

संधानि धनु सर निकर छाड़ेसि उरग जिमि उड़ि लागहीं। रहे पूरि सर धरनी गगन दिसि बिदिसि कहँ कपि भागहीं॥ भयो अति कोलाहल बिकल कपि दल भालु बोलहिं आतुरे। रघुबीर करुना सिंधु आरत बंधु जन रच्छक हरे॥