उत्तरकाण्ड · भाग १

उत्तरकाण्ड

केकीकण्ठाभनीलं सुरवरविलसद्विप्रपादाब्जचिह्नं शोभाढ्यं पीतवस्त्रं सरसिजनयनं सर्वदा सुप्रसन्नम्‌। पाणौ नाराचचापं कपिनिकरयुतं बन्धुना सेव्यमानं नौमीड्यं जानकीशं रघुवरमनिशं पुष्पकारूढरामम्‌॥1॥

कोसलेन्द्रपदकंजमंजुलौ कोमलावजमहेशवन्दितौ। जानकीकरसरोजलालितौ चिन्तकस्य मनभृंगसंगिनौ॥2॥

कुन्दइन्दुदरगौरसुन्दरं अम्बिकापतिमभीष्टसिद्धिदम्‌। कारुणीककलकंजलोचनं नौमि शंकरमनंगमोचनम्‌॥3॥

रहा एक दिन अवधि कर अति आरत पुर लोग। जहैँ तहँ सोचहिं नारि नर कूस तन राम बियोग।।

कारन कवन नाथ नहिं आयउ। जानि कुटिल किधौं मोहि बिसरायउ॥ प्राणों की आधाररूप अवधि का एक दिन शेष रह गया! यह सोचते ही भरत जी के मनमें अपार दुःख हुआ। क्या कारण हुआ कि नाथ नहीं आये ? प्रभु ने कुटिल जानकर मुझे कहीं भुला तो नहीं दिया ?।4।। अहह धन्य लछ़िमन बड़भागी। राम पदारबिंदु अनुरागी।। कपटी कुटिल मोहि प्रभु चीन्हा। ताते नाथ संग नहिं लीन्हा।।2।।

जौं करनी समुझ्नै प्रभु मोरी। नहिं निस्तार कलप सत कोरी।। जन अवगुन प्रभु मान न काऊ। दीन बंधु अति मृदुल सुभाऊ।।3।।

मोरे जियँ भरोस दृढ़ सोई। मिलिहहिं राम सगुन सुभ होई।। बीतें अवधि रहहिं जौं प्राना। अधम कवन जग मोहि समाना।।4।।

राम बिरह सागर महँ भरत मगन मन होत। बिप्र रूप धरि पवनसुत आइ गयउ जनु पोत।।क।।

(क)।। बैठे देखि कुसासन जटा मुकुट कूस गात। राम राम रघुपति जपत ख्रवत नयन जलपात।।ख।।

(ख)।। देखत हनूमान अति हरषेउ। पुलक गात लोचन जल बरघेउ।। मन महँ बहुत भाँति सुख मानी। बोलेउ श्रवन सुधा सम बानी।। १।।

जासु बिरहैँ सोचह दिन राती। रटटह् निरंतर गुन गन पाँती।। रघुकुल तिलक सुजन सुखादात। आयउ कुसल देव मुनि त्राता।।2।

रिपु रन जीति सुजस सुर गावत। सीता सहित अनुज प्रभु आवत।। सुनत बचन बिसरे सब दूखा। तृषावंत जिमि पाइ पियूषा।।3।।

को तुम्ह तात कहाँ ते आए। मोहि परम प्रिय बचन सुनाए।। मारुत सुत मैं कपि हनूमाना। नामु मोर सुनु कृपानिधाना।।4।

दीनबंधु रघुपति कर किंकर। सुनत भरत भेंटेड उठि सादर।। मिलत प्रेम नहिं हृदय समाता। नयन ख्रवत जल पुलकित गाता।।5।।

कपि तव दरस सकल दुख बीते। मिले आजु मोहि राम पिरीते।। बार बार बूझी कुसलाता। तो कहूँ देउँ काह सुनु भ्राता।।6।।

एह् संदेस सरिस जग माहीं। करि बिचार देखेउँ कछु नाहीं।। नाहिन तात उरिन मैं तोही। अब प्रभु चरित सुनावह मोही।।7।।

तब हनुमंत नाइ पद माथा। कहे सकल रघुपति गुन गाथा।। कह कपि कबहूँ कृपाल गोसाईं। सुमिरहिं मोहि दास की नाईं।।8।।

निज दास ज्यों रघुबंसभूषन कबहूँ मम सुमिरन कर्यों। सुनि भरत बचन बिनीत अति कपि पुलकि तन चरनन्हि पर्यो।। रघुबीर निज मुख जासु गुन गन कहत अग जग नाथ जो। काहे न होइ बिनीत परम पुनीत सदगुन सिंध सो।।

भरत चरन सिरु नाइ तुरित गयउ कपि राम पहिं। कही कुसल सब जाइ हरघि चलेउ प्रभु जान चढ़ि।।2ख।।

हरषि भरत कोसलपुर आए। समाचार सब गुरहि सुनाए।। पुनि मंदिर महँ बात जनाई। आवत नगर कुसल रघुराई॥ इधर भरतजी हर्षित होकर अयोध्यापुरी आये और उन्होंने गुरु जी को सब समाचार सुनाया ! फिर राजमहल में खबर जनायी कि श्रीरघुनाथजी कुशलपूर्वक नगरको आ रहे हैं॥ सुनत सकल जननीं उठि धाईं। कहि प्रभु कुसल भरत समुझाईं।। समाचार पुरबासिन्ह पाए। नर अरु नारि हरघषि सब धाए।।2॥।

दधि दुर्बा रोचन फल फूला। नव तुलसी दल मंगल मूला।। भरि भरि हेम थार भामिनी। गावत चलि सिंधुरगामिनि।। 3।।

जे जैसेहिं तैसेहिं उठि धावहिं। बाल बृद्ध कहैँ संग न लावहिं।। एक एकन्ह कहँ बूझहिं भाई। तुम्ह देखे दयाल रघुराई।।4।।

अवधपुरी प्रभु आवत जानी। भई सकल शोभा कै खानी।। बहइ सुहावन त्रिबिध समीरा। भइ सरजू अति निर्मल नीरा।। 5।। प्रभुको आते जानकर अवधपुरी सम्पूर्ण शोभाओंकी खान हो गयी। तीनों प्रकारकी सुन्दर वायु बहने लगी। सरयूजी अति जलवाली हो गयीं (अर्थात्‌ सरयूजीका जल अत्यन्त निर्मल हो गया)।।5।। हरघषित गुर परिजन अनुज भूसुर बूंद समेत। चले भरत मन प्रेम अति सन्मुख कृपानिकेत।। 3क।।

बहुतक चढ़ी अटारिन्ह निरखहिं गगन बिमान। देखि मधुर सुर हरघषित करहिं सुमंगल गान।।3ख।।

राका ससि रघुपति पुर सिंधु देखु हरषान। बढ़यो कोलाहल करत जनु नारि तरंग समान।।3ग॥।

इहाँ भातुकुल कमल दिवाकर। कपिन्ह देखावत नगर मनोहर।। सुतु कपीस अंगद लंकेसा। पावन पुरी रुचिर यह देसा।।4।

अवधपुरी सम प्रिय नहिं सोऊ। यह प्रसंग जानइ कोउ कोऊ।।2।।

जन्मभूमि मम पुरी सुहावनी। उत्तर दिसि बह सरजू पावनि।। जा मज्जन ते बिनहिं प्रयासा। मम समीप नर पावहिं बासा।। 3।।

अति प्रिय मोहि इहाँ के बासी। मम धामदा पुरी सुख रासी।। हरषे सब कपि सुनि प्रभु बानी। धन्य अवध जो राम बखानी।।4।।

आवत देखि लोग सब कृपासिंधु भगवान। नगर निकट प्रभु प्रेरेठ भूमि बिमान।।4क।।

उतरि कहेउ प्रभु पुष्पकहि तुम्ह कुबेर पहिं जाह। प्रेरित राम चलेउ सो हरघषु बिरह अति ताहु।।4ख।।

आए भरत संग सब लोगा। कूस तन श्रीरघुबीर बियोगा।। बामदेव बसिष्ट मुनिनायक। देखे प्रभु महि धरि धनु सायक।। १।।

धाइ धरे गुर चरन सरोरूह। अनुज सहित अति पुलक तनोरुह।। भेंटि कुसल बूझी मुनिराया। हमरें कुसल तुम्हारिहिं दाया।।2।।

सकल द्विजन्ह मिलि नायउ माथा। धर्म धुरंधर रघुकुलनाथा।। गहे भरत पुनि प्रभु पद पंकज। नमत जिन्हहि सुर मुनि संकर अज।।3॥।

परे भूमि नहिं उठत उठाए। बर करि कृपासिंधु उर लाए।। स्यामल गात रोम भण ठाढ़े। नव राजीव नयन जल बाढ़े।।4।।

राजीव लोचन ख्रवत जल तन ललित पुलकावलि बनी। अति प्रेम हृदयँ लगाइ अनुजहि मिले प्रभु त्रिभुअन धनी।।

बूझत कृपानिधि कुसल भरतहि बचन बेगि न आवई। सुनु सिवा सो सुख बचन मन ते भिन्न जान जो पावई।। अब कुसल कौसलनाथ आरत जानि जन दरसन दियो। बूड़त बिरह बारीस कृपानिधान मोहि कर गहि लियो।।2।।

पुनि प्रभु हरघषि सच्रुहन भेंटे हृदय लगाइ।। लछिमन भरत मिले तब परम प्रेम दोउ भाइ।।5।।

भरतानुज लछ्िमन पुनि भेंटे। दुसह बिरह संभव दुख मेटे।।

प्रभु बिलोकि हरषे पुरबासी। जनित बियोगबिपति सब नासी।। प्रेमातुर सब लोग निहारी। कौतुक कीन्ह कृपाल खरारी।।2।।

अमित रूप प्रगटे तेह्ि काला। जथाजोग मिले सबहि कृपाला।। कृपादृष्टि रघुबीर बिलोकी। किए सकल नर नारि बिसोकी।। 3।।

छन महिं सबहिं मिले भगवाना। उमा मरम यह काहूँ न जाना।। एहि बिधि सबहि सुखी करि रामा। आगें चले सील गुन धामा।।4।।

कौसल्यादि मातु सब धाई। निरखि बच्छ जनु धेनु लवाई।।5।।

जनु धेनु बालक बच्छ तजि गृहँ चरन बन परबस गईं। दिन अंत पुर रुख ्रवत थन हुंकार करि धावत भईं।।

लछिमन सब मातन्ह मिलि हरषे आसिष पाइ। कैकइ कहैँ पुनि पुनि मिले मन कर छोभु न जाइ।।6ख।।

सासुन्ह सबनि मिली बैदेही। चरनन्हि लागि हरषु अति तेही।। देहिं असीस बूझि कुसलाता। होइ अचल तुम्हार अहिवाता।।4।।

कनक थार आरती उतारहिं। बार बार प्रभु गात निहारहिं।।2।।

नाना भाँति निछावरि करहीं। परमानंद हरष उर भरहीं।। कौसल्या पुनि पुनि रघुबीरहि। चितवति कृपासिंधु रनधीरहि।। 3।।

हृदय बिचारति बारहिं बारा। कवन भाँति लंकापति मारा।। अति सुकुमार जुगल मेरे बारे। निसिचर सुभट महाबल भारे।।4।।

लछ्धिमन अरु सीता सहित प्रभुहि बिलोकित मातु। परमानंद मगन मन पुनि पुनि पुलकित गातु।। 7॥।

लंकापति कपीस नल नीला। जामवंत अंगद सुभसीला।। हनुमदादि सब बानर बीरा। धरे मनोहर मनुज सरीरा।।।।

भरत सनेह सील ब्रत नेमा। सादर सब बरनहिं अति प्रेमा।। देखि नगरबासिन्ह कै रीती। सकल सराहहिं प्रभु पद प्रीति।।2।।

पुनि रघुपति सब सखा बोलाए। मुनि पद लागह सकल सिखाए॥

ए सब सखा सुनह मुनि मेरे। भए समर सागर कहूँ बेरे।। मम हित लागि जन्म इन्ह हारे। भरतह् ते मोहि अधिक पिआरे।।4।।

सुनि प्रभु बचन मगन सब भए। निमि। निमिष उपजत सुख नए।।5।।

कौसल्या के चरनन््हि पुनि तिन्ह नायउ माथ। आसिष दीन्हे हरषि तुम्ह प्रिय मम जिमि रघुनाथ।।8क।।

सुमन बृष्टि नभ संकुल भवन चले सुखकंद। चढ़ी अटारिन्ह देखहिं नगर नारि नर बूंद।।8ख।।

कंचन कलस बिचित्र संवारे। सबहिं धरे सजि निज निज द्वारे।। बंदनवार पताका केतू। सबन्हि बनाए मंगल हेतू।।

बीथीं सकल सुगंध सिंचाई। गजमनि रचि बहु चौक पुराईं।। नाना भाँति सुमंगल साजे। हरषि नगर निसान बह बाजे।।2।।

जहूँ तहँ नारि निछावरि करहीं। देहिं असीस हरष उर भरहीं।। कंचन थार आरतीं नाना। जुबतीं स्जें करहिं सुभ गाना।।3।।

करहिं आरती आरतिहर कें। रघुकुल कमल बिपिन दिनकर कें।। पुर शोभा संपति कल्याना। निगम सेष सारदा बखाना।।4।।

तेउ यह चरित देखि ठगि रहहीं। उमा तासु गुन नर किमि कहह्ीं।।5।।

नारि कुमुदिनीं अवध सर रघुपति बिरह दिनेस। अस्त भरएँ बिगसत भई निरखि राम राकेस।। 9क।।

होहिं सगुन सुभ बिबिधि बिधि बाजहिं गगन निसान। पुर नर नारि सनाथ करि भवन चले भगवान।।9ख।।

प्रभु जानी कैकई लजानी। प्रथम तासु गृह गए भवानी।। ताहि प्रबोधि बहुत सुख दीन्हा। पुनि निज भवन गवन हरि कीनन्‍्हा।।१।

कृपासिंधु जब मंदिर गए। पुर नर नारि सुखी सब भए।। गुर बसिष्ट द्विज लिए बुलाई। आजु सुघरी सुदिन समुदाई।।2।।

सब द्विज देह हरघषि अनुसासन। रामचंद्र बैठहिं सिंघासन।। मुनि बसिष्ट के बचन सुहाए। सुनत सकल बिप्रन्ह अति भाए।।3।।

कहहिं बचन मृदु बिप्र अनेका। जग अभिराम राम अभिषेका।। अब मुनिबर बिलंब नहिं कीजै। महाराज कहँ तिलक करीजै।।4।।

तब मुनि कहेउ सुमंत्र सन सुनत चलेउ हरषाइ। रथ अनेक बहु बाजि गज तुरत सँवारे जाइ।।0क।।

जहैँ तहँ धावन पठइ पुनि मंगल द्रब्य मगाइ। हरष समेत बसिष्ट पद पुनि सिरु नायउ आइ।।0ख।।

नवाह्नपारायण, आठवाँ विश्राम

अवधपुरी अति रुचिर बनाई। देवन्ह सुमन बृष्टि झरि लाई॥ राम कहा सेवकन्ह बुलाई। प्रथम सखन्ह अन्हवावह जाई।। ।। अवधपुरी बहुत ही सुन्दर सजायी गयी देवताओंने पुष्पों की वर्षा की झड़ी लगा दी। श्रीरामन्द्रजीने सेवकोंको बुलाकर कहा कि तुमलोग जाकर पहले मेरे सखाओंको खान कराओ॥ सुनत बचन जहूँ तहँ जन धाए। सुग्रीवादि तुरत अन्हवाए॥ पुनि करुनानिधि भरतु हँकारे। निज कर राम जटा निरुआरे।।2।

अन्हवाए प्रभु तीनिउ भाई। भगत बछल कृपाल रघुराई।। भरत भाग्य प्रभु कोमलताई। सेष कोटि सत सकहिं न गाई।।3।

पुनि निज जटा राम बिबराए। गुर अनुसासन मागि नहाए।। करि मज्जन प्रभु भूषण साजे। अंग अनंग देखि सत लाजे।।4।।

सासुन्ह सादर जानकिहि मज्जन तुरत कराइ॥ दिव्य बसन बर भूषन अँग अँग सजे बनाइ।।4क।।

(क)।। राम बाम दिसि सोभति रमा रुप गुन खानि। देखि मातु सब हरषीं जन्म सुफल निज जानि।।44ख।।

सुनु खगेस तेहि अवसर ब्रह्मा सिव मुनि बृंद। चढ़ि बिमान आए सब सुर देखन सुखकंद।। 4ग।।

प्रभु बिलोकि मुनि मन अनुरागा। तुरत दिव्य सिंघासन मागा।।

जनकसुता समेत रघुराई। पेखि प्रहरषे मुनि समुदाई।। बेद मंत्र तब द्विजन्ह उचारे। नभ सुर मुनि जय जयति पुकारे।।2।।

प्रथम तिलक बसिष्ट मुनि कीन्हा। पुनि सब बिप्रन्ह आयसु दीन्हा।। सुत बिलोकि हरषीं महतारी। बार बार आरती उतारी।।3।।

बिप्रन्ह दान बिबिधि बिधि दीन्हे। जाचक सकल अजाचक कीनहे।। सिंघासन पर त्रिभुवन साईं। देखि सुरन्ह दुंदुभीं बजाईं।।4।।

नभ दुंदुभीं बाजहिं बिपुल गंधर्ब किंनर गावहीं। नाचहिं अपछरा बूंद परमानंद सुर मुनि पावहीं।।

श्री सहित दिनकर बंस भूषन काम बहु छबि सोहई। नव अंबुधर बर गात अंबर पीत सुर मन मोहई।। मुकुटांगदादि बिचित्र भूषन अंग अंगन्हद्ि प्रति सजे। अंभोज नयन बिसाल उर भुज धन्य नर निरखंति जे।।2।।

वह सोभा समाज सुख कहत न बनइ खगेस। बरनहिं सारद सेष श्रुति सो रस जान महेस।।2क।।

भिन्न भिन्न अस्तुति करि गए सुर निज निज धाम। बंदी बेष बेद तब आए जहैँ श्रीराम।।2ख।।

प्रभु सर्बग्य कीन्ह अति आदर कृपानिधान। लखेउ न काहूँ मरम कछु लगे करन गुन गान।।2ग।।

जय सगुन निर्गुन रूप रूप अनूप भूप सिरोमने। दसकंधरादि प्रचंड निसिचर प्रबल खल भुज बल हने।। अवतार नर संसार भार बिभंजि दारुन दुख दहे।।

जे नाथ करि करुना बिलोके त्रिबिधि दुख ते निर्बहे। भव खेद छेदन दच्छ हम कहूँ रच्छ राम नमामहे।।2।।

जे ग्यान मान बिमत्त तव भव हरनि भक्ति न आदरी। ते पाइ सुर दुर्लभ पददापि परम हम देखत हरी।। बिस्वास करि सब आस परिहरि दास तव जे होइ रहे। जपि नाम तव बिनु श्रम तरहीं भव नाथ सो समरामहे।।3।।

जे चरन सिव अज पूज्य रज सुभ परसि मुनिपतिनी तरी। नख निर्गता मुनि बंदिता त्रिलोक पावनि सुरसरी।। ध्वज कुलिस अंकुस कंज जुत बन फिरत कंटक किन लहे। पद कंज द्वंद मुकुंद राम रमेस नित्य भजामहे।।4।।

अब्यक्तमूलमनादि तरु त्वच चारि निगमागम भने। षट कंध साखा पंच बीस अनेक पर्न सुमन घने।। फल जुगल बिधि कट मधुर बेलि अकेलि जेहि आश्रित रहे। पल्लवत फूलत नवल नित संसार बिटप नमामहे।।5।।

जे ब्रह्म अजमद्रैतमनुभवगम्य मनपर ध्यावहीं।। ते कहहूँ जानहूँ नाथ हम तव सगुन जस नित गावहीं।। करुनायतन प्रभु सदगुनाकर देव यह बर मागहीं। मन बचन कर्म बिकार तजि तव चरन हम अनुरागहीं।।6।।

सब के देखत बेदन्ह बिनती कीन्ट्ि उदार। अंतर्धान भए पुनि गए ब्रह्म आगार।।3क।।

बैनतेय सुतु संभु तब आए जहूँ रघुबीर। बिनय करत गदगद गिरा पूरित पुलक सरीर।।43ख।।

जय राम रमारमनं समनं। भवताप भयाकुल पाहिं जनं।। अवधेस सुरेस रमेस बिभो। सरनागत मागत पाहि प्रभो।। ।।

रजनीचर बूंद पतंग रहे। सर पावक तेज प्रचंड दहे।।2।।

मह्ि मंडल मंडन चारुतरं। धत सायक चाप निषंग बरं॥। मद मोह महा ममता रजनी। तम पुंज दिवाकर तेज अनी।।3।

मनजात किरात निपातकिए। मृग लोक कुभोग सरेन हिए।। हति नाथ अनाथनि पाहि हरे। बिषया बन पावर भूलि परे।।4।।

भव सिंधु अगाध परे नर ते। पद पंकज प्रेम न जे करते।।5।।

अति दीन मलीन दुखी नितहीं। जिन्ह कें पद पंकज प्रीति नहीं।। अवलंब भवंत कथा जिन्ह कें। प्रिय संत अनंत सदा तिन्‍्ह कें।।6।।

नहिं राग न लोभ न मान मदा। तिन्‍्ह कें सम बैभव वा बिषदा।। एह्हि ते तव सेवक होत मुदा। मुनि त्यागत जोग भरोस सदा।।7॥।

करि प्रेम निरंतर नेम लिएँ। पद पंकज सेवत सुद्ध हिएँ।। सम मानि निरादर आदरही। सब संत सुखी बिचरंति मही।।8।।

मुनि मानस पंकज भृंग भजे। रघुबीर महा रनधीर अजे।। तव नाम जपामि नमामि हरी। भव रोग महागद मान अरी।।9॥।

गुन सील कृपा परमायतनं। प्रनमामि निरंतर श्री रमनं।। रघुनंद निकंदय द्वंद्रधनं। महिपाल बिलोकय दीन जनं।।0।।

बार बार बर मागउँ हरि देह श्रीरंग। पद सरोज अनपायनी भगति सदा सतसंग।।44क।

सुनु खगपति यह कथा पावनी। त्रिबिध ताप भव दावनी।। महाराज कर सुख अभिषेका। सुनत लहहिं नर बिरति बिबेका।।।।

जे सकाम नर सुनहिं जे गावहिं। सुख संपति नाना बिधि पावहिं।। सुर दुर्लभ सुख करि जग माहीं। अंतकाल रघुपति पुर जाहीं।।2।।

सुनहिं बिमुक्त बिरत अरु बिषई। लहहिं भगति गति संपति नई।। खगपति राम कथा मैं बरनी। स्वमति बिलास त्रास दुख हरनी।।3।।

बिरति बिबेक भगति दूढ़ करनी। मोह नदी कहँ सुंदर तरनी।। नित नव मंगल कौसलपुरी। हरघित रहहिं लोग सब कुरी।।4।।

नित नइ प्रीति राम पद पंकज। सब कें जिन्हहि नमत सिव मुनि अज।। मंगन बहु प्रकार पहिराए। द्विजन्ह दान नाना बिधि पाए।।5।।

ब्रह्मानंद मगन कपि सब कें प्रभु पद प्रीति।। जात न जाने दिवस तिन्ह गए मास षट बीति।। 5।।

बिसरे गृह सपनेहूँ सुधि नाहीं। जिमि परद्रोह संत मन माहीं।।

तुम्ह अति कीन्हि मोरि सेवकाई। मुख पर केहिं बिधि करों बड़ाई।।2।।

ताते मोहि तुम्ह अति प्रिय लागे। मम हित लागि भवन सुख त्यागे।। अनुज राज संपति बैदेही। देह गेह परिवार सनेही।। 3।।

सब मम प्रिय नहिं तुम्हहि समाना। मृषा न कहरउँ मोर यह बाना।। सब कें प्रिय सेवक यह नीती। मोरें अधिक दास पर प्रीती।।4।।

अब गृह जाह सखा सब भजेह मोहि दूढ़ नेम। सदा सर्बगत सर्बहित जानि करेह अति प्रेम।।46।।

सुनि प्रभु बचन मगन सब भए। को हम कहाँ बिसरि तन गए।। एकटक रहे जोरि कर आगे। सकहिं न कछ कहि अति अनुरागे।। ।।

परम प्रेम तिन्ह कर प्रभु देखा। कहा बिबिधि बिधि ग्यान बिसेषा।। प्रभु सन्मुख कछ कहन न पारहिं। पुनि पुनि चरन सरोज निहारहिं।।2।।

तब प्रभु भूषन बसन मगाए। नाना रंग अनूप सुहाए।। सुग्रीवहि प्रथमहिं पहिराए। बसन भरत निज हाथ बनाए।।3।।

प्रभु प्रेरित लद्िमन पहिराए। लंकापति रघुपति मन भाए॥ अंगद बैठ रहा नहिं डोला। प्रीति देखि प्रभु ताहि न बोला।।4।।

जामवंत नीलादि सब पहिराए रघुनाथ। हियँ धरि राम रूप सब चले नाइ पद माथ।। 47क।।

तब अंगद उठि नाइ सिरु सजल नयन कर जोरि। अति बिनीत बोलेउ बचन मनहूँ प्रेम रस बोरि।। 7ख।।

सुनु सर्बग्य कृपा सुख सिंधो। दीन दयाकर आरत बंधो। मरती बेर नाथ मोहि बाली। गयउ तुम्हारेहि कोछें घाली।।।।

असरन सरन बिरदु संभारी। मोहि जनि तजह भगत हितकारी।। मोरें तुम्ह प्रभु गुर पितु माता। जाउँ कहाँ तजि पद जलजाता।।2।।

तुम्हहि बिचारि कहटह्ट नरनाहा। प्रभु तजि भवन काज मम काहा॥। बालक ग्यान बुद्धि बल हीना। राखह सरन नाथ जन दीना।।3।।

नीचि टहल गृह कै सब करिहउँ। पद पंकज बिलोकि भव तरिहउँ।। अस कहि चरन परेउ प्रभु पाहीं। अब जनि नाथ कहह् गृह जाही।।4।।

अंगद बचन बिनीत सुनि रघुपति करुना सींव॥ प्रभु उठाइ उर लायउ सजल नयन राजीव।। 8क।।

निज उर माल बसन मनि बालितनय पहिराइ॥ बिदा कीन्हि भगवान तब बह प्रकार समुझाइ।। 8ख।।

भरत अनुज सौमित्रि समेता। पठवन चले भगत कृत चेता।। अंगद हृदयेँ प्रेम नहिं थोरा। फिरि फिरि चितव राम कीं ओरा।।॥।

बार बार कर दंड प्रनामा। मन अस रहन कहहिं मोहि रामा।। राम बिलोकनि बोलनि चलनी। सुमिरि सुमिरि सोचत हँसि मिलनी।।2।।

प्रभु रुख देखि बिनय बहु भाषी। चलेउ ह्ृदयेँ पद पंकज राखी।। अति आदर सब कपि पहुँचाए। भाइन्ह सहित भरत पुनि आए॥3॥

तब सुग्रीव चरन गहि नाना। भाँति बिनय कीन्हे हनुमाना।। दिन दस करि रघुपति पद सेवा। पुनि तव चरन देखिहउँ देवा।।4।।

पुन्य पुंज तुम्ह पवनकुमारा। सेवहु जाइ कृपा आगारा।। अस कहि कपिसब चले तुरंता। अंगद कहइ सुनह हनुमंता।।5।।

कहेह दंडवत प्रभु सैं तुम्हहि कहउँ कर जोरि। बार बार रघुनायकह्ि सुरति कराएह मोरि।।9क।।

अस कह चलेउ बालिसुत फिरि आयउ हनुमंत। तासु प्रीति प्रभु सन कही मगन भए भगवंत।। 9ख।।

कुलिसह चाहि कठोर अति कोमल कुसुमह चाहि। चित्त खगेस राम कर समुझि परइ कह काहि।।9ग।।

पुनि कृपाल लियो बोलि निषादा। दीन्हे भूषन बसन प्रसादा।।

तुम्ह मम सखा भरत सम शभ्राता। सदा रहेह पुर आवत जाता।। बचन सुनत उपजा सुख भारी। परेउ चरन भरि लोचन बारी।।2।।

चरन नलिन उर धरि गृह आवा। प्रभु सुभाउ परिजनन््हि सुनावा।। रघुपति चरित देखि पुरबासी। पुनि पुनि कहहिं धन्य सुखरासी।।3।।

राम राज बैठें त्रैलोका। हरषित भए गए सब सोका।। बयरु न कर काहू सन कोई। राम प्रताप बिषमता सोई।।4।।

बरनाश्रम निज निज धरम निरत बेद पथ लोग। चलहिं सदा पावहिं सुखहि नहिं भय सोक न रोग।।20।।

दैहिक दैविक भौतिक तापा। राम राज नहिं काहुहि ब्यापा।। सब नर करहिं परस्पर प्रीति। चलहिं स्वधर्म निरत श्रुति नीति।। ।।

चारिउ चरन धर्म जग माहीं। पूरि रहा सपनेहूँ अघ नाहीं।। राम भगति रत नर अरु नारी। सकल परम गति के अधिकारी।।2।।

अल्पमृत्यु नहिं कवनिउ पीरा। सब सुंदर सब बिरुज सरीरा।। नहिं दरिद्र कोउ दुखी न दीना। नहिं कोउ अबुध न लच्छनहीना।।3।।

सब निर्दभ धर्मरत पुनी। नर अरु नारि चतुर सब गुनी।। सब गुनग्य पंडित सब ग्यानी। सब कृतग्य नहिं कपट सयानी।।4।।

राम राज नभगेस सुनु सचराचर जग माहिऊउं। काल कर्म सुभाव गुन कृत दुख काहुहि नाहिं।।2।

भूमि सप्त सागर मेखला। एक भूप रघुपति कोसला।। भुवन अनेक रोम प्रति जासू। यह प्रभुता कछु बहुत न तासू।। 4॥।

सो महिमा समुझत प्रभु केरी। यह बरनत हीनता घनेरी।। सोउ महिमा खगेस जिन्ह जानी। फिरि एहिं चरित तिन्हहैँ रति मानी।।2।।

सोउ जाने कर फल यह लीला। कहहिं महा मुनिबर दमसीला।। राम राज कर सुख संपदा। बरनि न सकइ फनीस सारदा।।3।।

सब उदार सब पर उपकारी। बिप्र चरन सेवक नर नारी॥। एकनारि ब्रत रत सब झारी। ते मन बच क्रम पति हितकारी।।4।।

दंड जतिन्ह कर भेद जहैँ नर्तक नृत्य समाज। जीतह मनहि सुनिअ अस रामचंद्र कें राज।।22।।

फूलहिं फरहिं सदा तरु कारन। रहृहिं एक सँग गज पंचानन।। खग मृग सहज बयरु बिसराई। सबन्हि परस्पर प्रीति बढ़ाई।।।।

कूजहिं खग मृग नाना बुंदा। अभय चरहिं बन करहिं अनंदा। सीतल सुरभि पवन बह मंदा। गुंजत अलि लै चलि मकरंदा।।2।।

लता बिटप मागें मधु चवहीं। मनभावतो धेनु पय ख्रवहीं।। ससि संपन्न सदा रह धरनी। त्रेताँ भइ कृतजुग कै करनी।।3।।

प्रगटी गिरिन्ह बिबिधि मनि खानी। जगदातमा भूप जग जानी।। सरिता सकल बहहिं बर बारी। सीतल अमल स्वाद सुखकारी।।4।।

सागर निज मरजादाँ रहहीं। डारहिं रत्न तटन्हि नर लहहीं।। सरसिज संकुल सकल तड़ागा। अति प्रसन्न दस दिसा बिभागा।। 5।।

बिधु महि पूर मयूखन्हि रबि तप जेतनेहि काज। मागें बारिद देहिं जल रामचंद्र कें राज।।23।।

कोटिन्ह बाजिमेध प्रभु कीन्हे। दान अनेक द्विजन्ह कहँ दीन्‍्हे।।

पति अनुकूल सदा रह सीता। सोभा खानि सुसील बिनीता।। जानति कृपासिंधु प्रभुताई। सेवति चरन कमल मन लाई।।2।।

जद्यपि गृहँ सेवक सेवकिनी। बिपुल सदा सेवा बिघधि गुनी।। निज कर गृह परिचरजा करई। रामचंद्र आयसु अनुसरई।।3।

जेहि बिधि कृपासिंधु सुख मानइ। सोइ कर श्री सेवा बिधि जानइ।। कौसल्यादि सासु गृह माहीं। सेवइ सबन्हि मान मद नाहीं।।4।।

उमा रमा ब्रह्मादि बंदिता। जगदंबा संततनिंदिता।।5।।

जासु कृपा कटाच्छ सुर चाहत चितव न सोई। राम पदारबिंद रति करति सुभावहि खोई।।24।।

सेवहिं सानुकूल सब भाई। राम चरन रति अति अधिकाई।। प्रभु सुख कमल बिलोकत रहहीं। कबहूँ कृपाल हमहि कछ कहहीं।। ।।

राम करहिं भ्रातन्ह पर प्रीती। नाना भाँति सिखावहिं नीती।। हरघित रहहिं नगर के लोगा। करहिं सकल सुर दुर्लभ भोगा।।2।।

अहनिसि बिधिहि मनावत रहहीं। श्रीरघुबीर चरन रति चहहीं॥ दुइ सुत सुंदर सीताँ जाए। लव कुस बेद पुरान्ह गाए।।3।।

दोउ बिजई बिनई गुन मंदिर। हरि प्रतिबिंब मनहूँ अति सुंदर।। दुइ दुइ सुत सब भ्रातन्ह केरे। भए रूप गुन सील घनेरे।।4।।

ग्यान गिरा गोतीत अज माया मन गुन पार। सोइ सच्चिदानंद घन कर नर चरित उदार।।25।।

प्रातकाल सरजू करि मज्जन। बैठहिं सभाँ संग द्विज सज्जन।। बेद पुरान बसिष्ट बखानहिं। सुनहिं राम जद्यपि जब जानहिं।।।।

अनुजन्ह संजुत भोजन करहीं। देखि सकल जननीं सुख भरहीं।। भरत सच्रुहन दोनउ भाई। सहित पवनसुत उपबन जाई।।2।।

बूझहिं बैठि राम गुन गाहा। कह हनुमान सुमति अवगाहा।। सुनत बिमल गुन अति सुख पावहिं। बहुरि बहुरि करि बिनय कहावहिहिं।।3।।

सब कें गृह गृह होहिं पुराना। राम चरित पावन बिधि नाना॥ नर अरु नारि राम गुन गानहिं। करहिं दिवस निसि जात न जानहिं।।4।।

अवधपुरी बासिन्ह कर सुख संपदा समाज। सहस सेष नहिं कहि सकहिं जहँ नृप राम बिराज।।26।।

नारदादि सनकादि मुनीसा। दरसन लागि कोसलाधीसा।।

जातरूप मनि रचित अटारीं। नाना रंग रुचिर गच ढारीं।। पुर चहूँ पास कोट अति सुंदर। रचे कँगूरा रंग रंग बर।।2।।

नव ग्रह निकर अनीक बनाई। जनु घेरी अमरावति आई।। महि बहु रंग रचित गच काँचा। जो बिलोकि मुनिबर मन नाचा।।3।

धवल धाम ऊपर नभ चुंबत। कलस मनहूँ रबि ससि दुति निंदत।। बह मनि रचित झरोखा शभ्राजहिं। गृह गृह प्रति मनि दीप बिराजहिं।।4।।

मनि दीप राजहिं भवन भ्राजहिं देहरीं बिद्रुम रची। मनि खंभ भीति बिरंचि बिरची कनक मनि मरकत खची।। सुंदर मनोहर मंदिरायत अजिर रुचिर फटिक रचे। प्रति द्वार द्वार कपाट पुरट बनाइ बहू बज्न्हि खचे।।

चारु चित्रसाला गृह गृह प्रति लिखे बनाइ। राम चरित जे निरख मुनि ते मन लेहिं चोराइ।।27।।

सुमन बाटिका सबहिं लगाईं। बिबिध भांति करि जतन बनाईं।। लता ललित बहु जाति सुहाईं। फूलहिं सदा बसंत कि नाईं।।।।

गुंजत मधुकर मुखर मनोहर। मारुत त्रिबिधि सदा बह सुंदर।। नाना खग बालकन्हि जिआए। बोलत मधुर उड़ात सुहाए।।2।।

मोर हंस सारस पारावत। भवननि पर शोभा अति पावत।। जहूँ तहैँ देखहिं निज परिछाहीं। बहु बिधि कूजहिं नृत्य कराहीं।। 3।।

सुक सारिका पढ़ावहिं बालक। कहह राम रघुपति जनपालक।। राज दुआर सकल बिधि चारु। बीथीं चौहट रुचिर बजारू।।4।।

बाजार रुचिर न बनइ बरनत बस्तु बिनु गथ पाइए। जहैँ भूप रमानिवास तहैँ की संपदा किमि गाइए।। बैठे बजाज सराफ बनिक अनेक मनहूँ कुबेर ते। सब सुखी सब सच्चरित सुंदर नारि नर सिसु जरठ जे॥।

दूरि फराक रुचिर सो घाटा। जहँ जल पिअहिं बाजि गज ठाटा॥। पनिघट परम मनोहर नाना। तहाँ न पुरुष करहिं अख्राना। 4॥।

राजघाट सब बिधि सुंदर बर। मज्जहिं तहाँ बरन चारिउ नर।।

कहूँ कहूँ सरिता तीर उदासी। बसहिं ग्यान रत मुनि सन्यासी॥। तीर तीर तुलसिका सुहाई। बूंद बूंद बहु मुनिन्‍्ह लगाई।।3।

पुर सोभा कछु बरनि न जाई। बाहेर नगर परम रुचिराई।। देखत पुरी अखिल अघ भागा। बन उपबन बापिका तड़ागा।।4।।

बापीं तड़ाग अनूप कूप मनोहरायत सोहहिं। सोपान सुंदर नीर निर्मल देखि सुर मुनि मोहहिं।। बह रंग कंज अनेक खग कूजहिं मधुप गुंजारहीं।। आराम रम्य पिकादि खग रव जनु पथिक हंकारहीं।।

रमानाथ जहैँ राजा सो पुर बरनि कि जाइ। अनिमादिक सुख संपदा रहीं अवध सब छाइ।।29।

जहैँ तहँ नर रघुपति गुन गावहिं। बैठि परस्पर इहइ सिखावहिं।।

धृत सर रुचिर चाप तूनीरहि। संत कंज बन रबि रनधीरहि।।2।।

काल कराल ब्याल खगराजहि। नमत राम अकाम ममता जहि। लोभ मोह मृगजूथ किरातहि। मनसिज करि हरि जन सुखदातहि।। 3।।

संसय सोक निबिड़ तम भानुहि। दतुज गहन घन दहन कूसानुहि।। जनकसुता समेत रघुबीरहि। कस न भजह भंजन भव भीरहि।।4।।

बह बासना मसक हिम रासिहि। सदा एकरस अजद अबिनासिहि।।

एहि बिधि नगर नारि नर करहिं राम गुन गान। सानुकूल सबह पर रहहिं संतत कृपानिधान।।30।

जब ते राम प्रताप खगेसा। उदित भयउ अति प्रबल दिनेसा।।

जिन्हहि सोक ते कहउँ बखानी। प्रथम अबिद्या निसा नसानी।। अघ उलूक जहैँ तहाँ लुकाने। काम क्रोध कैरव सकुचाने।।2।।

बिबिध कर्म गुन काल सुभाऊ। ए चकोर सुख लहहिं न काऊ।। मत्सर मान मोह मद चोरा। इन्ह कर हुनर न कवनिहूँ ओरा।।3।।

धरम तड़ाग ग्यान बिग्याना। ए पंकज बिकसे बिधि नाना।। सुख संतोष बिराग बिबेका। बिगत सोक ए कोक अनेका।।4।।

यह प्रताप रबि जाकें उर जब करइ प्रकास। पछिले बाढ़िहिं प्रथम जे कहे ते पावहिं नास।।34।

भ्रातन्ह सहित रामु एक बारा। संग परम प्रिय पवनकुमारा।। सुंदर उपबन देखन गए। सब तरु कुसुमित पल्लव नए।। ।।

जानि समय सनकादिक आए! तेज पुंज गुन सील सुहाए।। ब्रह्मानंद सदा लयलीना। देखत बालक बहुकालीना।।2।

रूप धरें जनु चारिउ बेदा। समदरसी मुनि बिगत बिभेदा।। आसा बसन ब्यसन यह तिन्‍्हहीं। रघुपति चरित होइ तहूँ सुनहीं।।3।

तहाँ रहे सनकादि भवानी। जहैँ घटसंभव मुनिबर ग्यानी।। राम कथा मुनिबर बह बरनी। ग्यान जोनि पावक जिमि अरनी।।4।।

देखि राम मुनि आवत हरि दंड़वत कीनन्‍्ह। स्वागत पूँछि पीत पट प्रभु बैठन कहैँ दीन्ह।।32।

कीन्ह दंडवत तीनिरउँ भाई। सहित पवनसुत सुख अधिकाई।। मुनि रघुपति छवबि अतुल बिलोकी। भए मगन मन सके न रोकी।।4।।

स्यामल गात सरोरुह लोचन। सुंदरता मंदिर भव मोचन।। एकटक रहे निमेष न लावहिं। प्रभु कर जोरें सीस नवावहिं।।2।।

तिन्ह कै दसा देखि रघुबीरा। स्रवत नयन जल पुलक सरीरा॥ कर गहि प्रभु मुनिबर बैठारे। परम मनोहर बचन उचारे।।3।।

आजु धन्य मैं सुनह मुनीसा। तुम्हरें दरस जाहिं अघ खीसा।। बड़े भाग पाइब सतसंगा। बिनहिं प्रयास होहिं भव भंगा।।4।।

संत संग अपबर्ग कर कामी भव कर पंथ। कहहिं संत कबि कोबिद श्रुत्रि पुरान पदग्रंथ।।33।।

सुनि प्रभु बचन हरि मुनि चारी। पुलकित तन अस्तुति अनुसारी।। जय भगवंत अनंत अनामय। अनघ अनेक एक करुनामय।। 4।।

जय इंदिरा रमन जय भूधर। अनुपम अज अनादि सोभाकर।।2।।

ग्यान निधान अमान मानप्रद। पावन सुजस पुरान बेद बद।। तग्य कृतम्य अग्यता भंजन। नाम अनेक अनाम निरंजन।।3।।

सर्ब सर्बगत सर्ब उरालय। बससि सदा हम कहूँ परिपालय।। ट्ूंद बिपति भव फंद बिभंजय। ट्लदि बसि राम काम मद गंजय।।4।।

परमानंद कृपायतन मन परिपूरन काम। प्रेम भगति अनपायनी देह हमहि श्रीराम।।34।।

भव बारिधि कुंभज रघुनायक। सेवत सुलभ सकल सुख दायक।। मन संभव दारुन दुख दारय। दीनबंधु समता बिस्तारय।।2।।

आस त्रास इरिषादि निवारक। बिनय बिबेक बिरति बिस्तारक।। भूप मौलि मनि मंडन धरनी। देहि भगति संसृति सरि तरनी।।3।।

मुनि मन मानस हंस निरंतर। चरन कमल बंदित संकर।। रघुकुल केतु सेतु श्रुति रच्छक। काल करम सुभाउ गुन भच्छक।।4।।

तारन तरन हरन सब दूषन। तुलसिदास प्रभु त्रिभुवन भूषन।।5।।

बार बार अस्तुति करि प्रेम सहित सिरु नाइ। ब्रह्म भवन सनकादिक गे अति अभीष्ट बर पाइ।।35।।

सनकादिक बिधि लोक सिधाए। शभ्रातन्ह राम चरन सिरु नाए।। पूछत प्रभुहि सकल सकुचाहीं। चितवहिं सब मारुतसुत पाहीं।। ।

सुनी चहृहिं प्रभु मुख कै बानी। जो सुनि होई सकल भ्रम हानी।। अंतरजामी प्रभु सभ जाना। बूझत कहह काह हनुमाना।।2।।

जोरि पानि कह तब हनुमंता। सुनहु दीनदयाल भगवंता।। नाथ भरत कछु पूँछन चहहीं। प्रस् करत मन सकुचत अहहीं।।3।। तब हनुमान जी हाथ जोड़कर बोले-हे दीनदयालु भगवान्‌ ! सुनिये। हे नाथ ! भरतजी कुछ पूछना चाहते हैं, पर प्रश्न करते मनमें सकुचा रहे हैं।।3।। तुम्ह जानह कपि मोर सुभाऊ। भरतहि मोहि कछु अंतर काऊ।। सुनि प्रभु बचन भरत गहे चरना। सुनह नाथ प्रनतारति हरना।।4।।

नाथ न मोहि संदेह कछु सपनेहूँ सोक न मोह। केवल कृपा तुम्हारिहि कृपानंद संदोह।। 36।।

करउँ कृपानिधि एक ढिठाई। मैं सेवक तुम्ह जन सुखदाई।।

सुना चहउँ प्रभु तिन्ह कर लच्छन। कृपासिंधु गुन ग्यान बिचच्छन।।2।।

संत असंत भेद बिलगाई। प्रनतपाल मोहि कहह बुझाई।। संतन्ह के लच्छन सुनु भ्राता। अगनित श्रुति पुरान बिख्याता।।3।।

संत असंतन्हि कै असि करनी। जिमि कुठार चंदन आचरनी।। काटइ परसु मलय सुनु भाई। निज गुन देई सुगंध बसाई।।4।।

ताते सुर सीसन्ह चढ़त जग बल्लभ श्रीखंड। अनल दाहि पीटत घनहिं परसु बदन यह दंड।।37।।

बिषय अलंपट सील गुनाकर। पर दुख दुख सुख सुख देखे पर।। सम अभूतरिपु बिमद बिरागी। लोभामरष हरष भय त्यागी।। १।

कोमलचित दीनन्ह पर दया। मन बच क्रम मम भगति अयामा।। सबहि मानप्रद आपु अमानी। भरत प्रान सम मम ते प्रानी।।2।।

बिगत काम मम नाम परायन। सांति बिरति बिनती मुदितायन।। सीतलता सरलता मयत्री। द्विज पद प्रीति धर्म जनयत्री।।3।

ए सब लच्छन बसहिं जासु उर। जानेह तात संत संतत फुर।। सम दम नियम नीति नहिं डोलहिं। परुष बचन कबहूँ नहिं बोलहिं।।4।।

निंदा अस्तुति उभय सम ममता मम पद कंज। ते सज्जन मम प्रानप्रिय गुन मंदिर सुख पुंज।।38।।

सुनहु असंतन्ह केर सुभाऊ। भूलेहूँ संगति करिअ न काऊ।।

जहूँ कहूँ निंदा सुनहिं पराई। हरषहिं मनहूँ परी निधि पाई।।2।।

काम क्रोध मद लोभ परायन। निर्दय कपटी कुटिल मलायन।। बयरु अकारन सब काह् सों। जो कर हित अनहित ताह् सों।।3॥।

झूठइ लेना झूठइ देना। झूठइ भोजन झूठ चबेना।। बोलहिं मधुर बचन जिमि मोरा। खाइ महा अह्ि हृदय कठोरा।।4।।

पर द्रोही पर दार रत पर धन पर अपबाद। ते नर पाँवर पापमय देह धरें मनुजाद।।39।।

लोभइ ओढ़न लोभइ डासन। सिख्रोदर पर जमपुर त्रास न।।

जब कह कै देखहिं बिपती। सुखी भए मानहूँ जग नृपती।। स्वारथ रत परिवार बिरोधी। लंपट काम लोभ अति क्रोधी।।2।।

मातु पिता गुर बिप्र मानहिं। आपु गए अरु धालहिं आनहिं।। करहिं मोह बस द्रोह परावा। संत संग हरि कथा न भावा।।

अवगुन सिंधु मंदमति कामी। बेद बिदूषक परधन स्वामी॥ बिप्र द्रोह पर द्रोह बिसेषा। दंभ कपट जियेँ धरें सुबेषा।।4।।

ऐसे अधम मनुज खल कृतजुग त्रेताँ नाहिं। द्वापर कछुक बूंद बहु होइहहिं कलिजुग माहिं।।40।।

पर हित सरिस धर्म नहिं भाई। पर पीड़ा सम नहिं अधमाई।।

करहिं मोह बस नर अघ नाना। स्वारथ रत परलोक नसाना।।2।।

कालरूप तिन्‍्ह कहैँ मैं भ्राता। सुभ अरु असुभ कर्म फल दाता।। अस बिचारि जे परम सयाने। भजहिं मोहि संसृत दुख जाने।।3।।

त्यागहिं कर्म सुभासुभ दायक। भजहिं मोहि सुर नर मुनि नायकू।। संत असंतन्ह के गुन भाषे। ते न परहिं भव जिन्ह लखि राखे।।4।।

सुनह तात माया कृत गुन अरु दोष अनेक।। गुन यह उभय न देखिअहिं देखिअ सो अबिबेक।।47।।

श्रीमुख बचन सुनत सब भाई। हरषे प्रेम न हृदयँ समाई।।

पुनि रघुपति निज मंदिर गए। एहि बिधि चरित करत नित नए॥

नित नव चरित देखि मुनि जाहीं। ब्रह्मनोक सब कथा कहाहीं।। सुनि बिरंचि अतिसय सुख मानहिं। पुनि पुनि तात करह्ट गुन गानहिं।।3।।

सनकादिक नारदह्ि सराहह्ं। जद्यपि ब्रह्म निरत मुनि आहृहिं।। सुनि गुन गान समाधि बिसारी। सादर सुनहिं परम अधिकारी।।4।।

जीवनमुक्त ब्रह्मपर चरित सुनहिं तजि ध्यान।। जे हरि कथाँ न करहिं रति तिन्ह के हिय पाघान।।42।।

सुनह सकल पुरजन मम बानी। कहउँ न कुछ ममता उर आनी॥ नहिं अनीति नहिं कछु प्रभुताई। सुनह करह जो तुम्हहि सोहाई।।2।।

सोइ सेवक प्रियतम मम सोई। मम अनुसासन मानै जोई।। जौं अनीति कछु भाषौं भाई। तौ मोहि बरजह भय बिसराई।।3।

बड़े भाग मानुष तनु पावा। सुर दुर्लभ सब ग्रंथहि गावा।। साधन धाम मोच्छ कर द्वारा। पाइ न जेहिं परलोक सँवारा।।4।।

सो परत्र दुख पावइ सिर धुनि धुनि पछिताइ। कालहि कर्महि ईस्वरहि मिथ्या दोस लगाइ।।43।।