उत्तरकाण्ड · भाग ४

नमामीशमीशान निर्वाणरूपं। विभुं व्यापकं ब्रह्म वेदस्वरूपं। निजं निर्गुणं निर्विकल्पं निरीहं। चिदाकाशमाकाशवासं भजेऽहं॥1॥

निराकारमोंकारमूलं तुरीयं। गिरा ग्यान गोतीतमीशं गिरीशं। करालं महाकाल कालं कृपालं। गुणागार संसारपारं नतोऽहं॥2॥

तुषाराद्रि संकाश गौरं गभीरं। मनोभूत कोटि प्रभा श्री शरीरं। स्फुरन्मौलि कल्लोलिनी चारु गंगा। लसद्भालबालेन्दु कंठे भुजंगा॥3॥

चलत्कुंडलं भ्रू सुनेत्रं विशालं। प्रसन्नाननं नीलकंठं दयालं। मृगाधीशचर्माम्बरं मुण्डमालं। प्रियं शंकरं सर्वनाथं भजामि॥4॥

प्रचंडं प्रकृष्टं प्रगल्भं परेशं। अखंडं अजं भानुकोटिप्रकाशं। त्रयः शूल निर्मूलनं शूलपाणिं। भजेऽहं भवानीपतिं भावगम्यं॥5॥

कलातीत कल्याण कल्पान्तकारी। सदा सज्जनानन्ददाता पुरारि। चिदानन्द संदोह मोहापहारि। प्रसीद प्रसीद प्रभो मन्मथारि॥6॥

न यावद् उमानाथ पादारविन्दं। भजंतीह लोके परे वा नराणां। न तावत्सुखं शान्ति सन्तापनाशं। प्रसीद प्रभो सर्वभूताधिवासं॥7॥

न जानामि योगं जपं नैव पूजां। नतोऽहं सदा सर्वदा शंभु तुभ्यं। जरा जन्म दुःखौघ तातप्यमानं। प्रभो पाहि आपन्नमामीश शंभो॥8॥

रुद्राष्टकमिदं प्रोक्तं विप्रेण हरतोषये। ये पठन्ति नरा भक्त्या तेषां शंभुः प्रसीदति॥9॥

हाहाकार कीन्ह गुर दारुन सुनि सिव साप। कंपित मोहि बिलोकि अति उर उपजा परिताप।।07क।।

करिं दंडवत सप्रेम द्विज सिव सन्मुख कर जोरि।। बिनय करत गदगद स्वर समुझि घोर गति मोरि।।407ख।।

सुनि बिनती सर्बग्य सिव देखि बिप्र अनुरागु। पुनि मंदिर नभबानी भइ द्विजबर बर मागु।। 08क।।

जौं प्रसन्न प्रभु मो पर नाथ दीन पर नेहू। निज पद भगति देइ प्रभु पुनि दूसर बर देह।।08ख।।

तव माया बस जीव जड़ संतत फिरइ भुलान।। तेहि पर क्रोध न करिअ प्रभु कृपा सिंधु भगवान।।08ग।।

संकर दीनदयाल अब एहि पर होह कृपाल। साप अनुग्रह होइ जेहिं नाथ थोरेहीं काल।। 08घ।। हे दीनों पर दया करने वाले (कल्याणकारी) शंकर ! अब इसपर कृपालु होइये (कृपा कीजिये), जिससे हे नाथ ! थोड़े ही समय में इसपर शापके बाद अनुग्रह (शाप से मुक्ति) हो जाय।। 08(घ)।। एहि कर होइ परम कल्याना। सोइ करह अब कृपानिधाना।। बिप्रगिरा सुनि परहित सानी। एवमस्तु इति भइ नभबानी।।

जदपि कीन्ह एहिं दारुन पापा। मैं पुनि दीन्हि कोप करि सापा।। तदपि तुम्हारि साधुता देखी। करिहउँ एहि पर कृपा बिसेषी।।2।।

छमासील जे पर उपकारी। ते द्विज मोहि प्रिय जथा खरारी।। मोर श्राप द्विज ब्यर्थ न जाइहि। जन्म सहस अवस्य यह पाइहि।। 3।।

जनमत मरत दुसह दुख होई। एहि स्वल्पउ नहिं ब्यपिहि सोई।। कवनेउ जन्म मिटिहि नहिं ग्याना। सुनहि सूद्र मम बचन प्रवाना।।4।।

रघुपति पुरी जन्म तव भयऊ। पुनि तैं मम सेवाँ मन दयऊ।। पुरी प्रभाव अनुग्रह मोरें। राम भगति उपजिहि उर तोरें।।5।।

सुतु मम बचन सत्य अब भाई। हरितोषन ब्रत द्विज सेवकाई।। अब जनि करहि बिप्र अपमाना। जानेसु संत अनंत समाना।। 6।।

इंद्र कुलिस मम सूल बिसाला। कालदंड हरि चक्र कराला॥ जो इन्ह कर मारा नहिं मरई। बिप्रद्रोह पावक सो जरई।।7॥।

अस बिबेक राखेह मन माहीं। तुम्ह कहँ जग दुर्लभ कछु नाहीं।। औरउ एक आसिषा मोरी। अप्रतिहत गति होइहि तोरी।।8।।

सुनि सिव बचन हरघि गुर एवमस्तु इति भाषि॥। मोहि प्रबोधि गयउ गृह संभु चरन उर राखि।।09क।।

प्रेरित काल बिंधि गिरि जाइ भयउँ मैं ब्याल। पुनि प्रयास बिनु सो तनु तजेउँ गएँ कछू काल।।09ख।।

जोइ तनु धउँ तजउँ पुनि अनायास हरिजान।। जिमि नूतन पट पहिरइ नर परिहरइ पुरान।।09ग।।

409(ग)। सिउँ राखी श्रुति नीति अरु मैं नहिं पावा क्लेस। एहि बिधि धरेउँ बिबिधि तनु ग्यान न गयउ खगेस।।09घ।।

त्रिजग देव नर जोइ तनु धरऊँ। तहैँ तहँ राम भजन अनुसरऊँ।।

चरम देह द्विज कै मैं पाई। सुर दुर्लभ पुरान श्रुति गाई।। खेलऊँ तहूँ बालकन्ह मीला। करउँ सकल रघुनायक लीला।।2।

प्रौह भएँ मोहि पिता पढ़ावा। समझरऊँ सुनऊँ गुनउँ नहिं भावा।। मन ते सकल बासना भागी। केवल राम चरन लय लागी।।3।।

कह खगेस अस कवन अभागी। खरी सेव सुरधेनुहि त्यागी।। प्रेम मगन मोहि कछ्ध न सोहाई। हारेउ पिता पढ़ाइ पढ़ाई।।4।।

भए कालबस जब पितु माता। मैं बन गयरउँ भजन जनत्राता॥ जहूँ तहँ बिपिन मुनीस्वर पावउँ। आश्रम जाइ जाइ सिरु नावउँ।।5।।

बूझउँ तिन्हहि राम गुन गाहा। कहहिं सुनऊउँ हरषित खगनाहा।। सुनत फिरउँ हरि गुन अनुबादा। अब्याहत गति संभु प्रसादा।।6।।

छूटी त्रिबिधि ईषना गाढ़ी। एक लालसा उर अति बाढ़ी। राम चरन बारिज जब देखौं। तब निज जन्म सफल करि लेखौं।।7।।

जेहि पूँछउँ सोइ मुनि अस कहई। ईस्वर सर्ब भूतमय अहई।। निर्गुन मत नहिं मोहि सोहाई। सगुन ब्रह्म रति उर अधिकाई।।8।

गुर के बचन सुरति करि राम चरन मनु लाग। रघुपति जस गावत फिउँ छन छन नव अनुराग।।40क।।

मेरु सिखर बट छायाँ मुनि लोमस आसीन। देखि चरन सिरु नायऊउँ बचन कहेउऊँ अति दीन।।0ख।।

सुनि मम बचन बिनीत मृदु मुनि कृपाल खगराज। मोहि सादर पूँछत भए द्विज आयहु केहि काज।।40ग।।

तब मैं कहा कृपानिधि तुम्ह सर्बग्य सुजान।। सगुन ब्रह्म अवराधन मोहि कहटह् भगवान।। घ।।

तब मुनीस रघुपति गुन गाथा। कहे कछुक सादर खगनाथा।। ब्रह्मग्यान रत मुनि बिग्यानी। मोहि परम अधिकारी जानी।। ।

अकल अनीह अनाम अरूपा। अनुभव गम्य अखंड अनूपा।।2।।

मन गोतीत अमल अबिनासी। निर्बिकार निरवधि सुख रासी।। सो तैं ताहि तोहि नहिं भेदा। बारि बीचि इव गावहिं बेदा।।3।

बिबिधि भाँति मोहि मुनि समुझावा। निर्गुन मत मम ह्ृदयँ न आवा॥ पुनि मैं कहेउँ नाइ पद सीसा। सगुन उपासन कहह् मुनीसा।।4।।

राम भगति जन मम मन मीना। किमि बिलगाइ मुनीस प्रबीना।। सोइ उपदेस कहट्ट करि दाया। निज नयनन््हि देखौं रघुराया।।5।।

भरि लोचन बिलोकि अवधेसा। तब सुनिहर्उँ निर्गुन उपदेसा।। मुनि पुनि कहि हरिकथा अनूपा। खंडि सगुन मत अगुन निरूपा।।6।।

तब मैं निर्गुन मत कर दूरी। सगुन निरूपऊँ करि हठ भूरी।। उत्तर प्रतिउत्तर मैं कीन्हा। मुनि तन भए क्रोध के चीन्‍्हा।।7॥।

सुनु प्रभु बहुत अवग्या किएँ। उपज क्रोध ग्यानिन्ह के हिएँ।। अति संघरषन जौं कर कोई। अनल प्रगट चंदन ते होई।।8।।

बारंबार सकोप मुनि करइ निरुपन ग्यान। मैं अपनें मन बैठ तब कउँ बिबिधि अनुमान।। 4क।।

क्रोध कि ट्रैतबुद्धि बिनु ट्रैत कि बिनु अग्यान। मायाबस परिछिन्न जड़ जीव कि ईस समान।।4ख।।

कबहूँ कि दुख सब कर हित ताकें। तेहि कि दरिद्र परस मनि जाकें।। परद्रोही की होहिं निसंका। कामी पुनि कि रहहिं अकलंका।। ।।

बंस कि रह द्विज अनहित कीन्हें। कर्म कि होहिं स्वरुपहिं चीन्हें।। काह् सुमति कि खल सँग जामी। सुभ गति पाव कि परत्रिय गामी।।2।

भव कि परहिं परमात्मा बिंदक। सुखी कि होहिं कबहूँ हरिनिंदक।। राजु कि रहइ नीति बिनु जानें। अघ कि रहहिं हरिचरित बखानें।।3।।

पावन जस कि पुन्य होई। बिनु अघ अजस कि पावइ कोई।। लाभु कि किछि हरि भगति समाना। जेहि गावहिं श्रुति संत पुराना।।4।।

हानि कि जग एहि सम किछु भाई। भजिअ न रामहि नर तनु पाई।। अघ कि पिसुनता सम कछ्ध आना। धर्म कि दया सरिस हरिजाना।।5।।

एहि बिधि अमिति जुगुति मन गुनरऊँ। मुनि उपदेस न सादर सुनऊँ॥। पुनि पुनि सगुन पच्छ मैं रोपा। तब मुनि बोलेउ बचन सकोपा।। 6।।

मूढ परम सिख देउँ न मानसि। उत्तर प्रतिउत्तर बहू आनसि।। सत्य बचन बिस्वास न करही। बायस इव सबही ते डरही।।7॥

सठ स्वपच्छ तव ह्ृदयँ बिसाला। सपदि होहि पच्छी चंडाला।। लीन्ह श्राप मैं सीस चढ़ाई। नहिं कछू भय न दीनता आई।।8।।

तुरत भयउँ मैं काग तब पुनि मुनि पद सिरु नाइ।। सुमिरि राम रघुबंस मनि हरघित चलेउँ उड़ाइ।।2क।।

उमा जे राम चरन रत बिगत काम मद क्रोध। निज प्रभुमय देखहिं जगत केहि सन करहिं बिरोध।।42ख।।

सुनु खगेस नहिं कछु रिषि दूषन। उर प्रेरक रघुबंस बिभूषन।। कृपासिंधु मुनि मति करि भोरी। लीन्ही प्रेम परिच्छा मोरी।। ।।

मन बच क्रम मोहि जन जाना। मुनि मति पुनि फेरी भगवाना।। रिषि मम महत सीलता देखी। राम चरन बिस्वास बिसेषी।।2।।

अति बिसमय पुनि पुनि पद्धिताई। सादर मुनि मोहि लीन्ह बोलाई।। मम परितोष बिबिधि बिधि कीन्हा। हरघषित राममंत्र तब दीन्हा।।3।।

बालकरूप राम कर ध्याना। कहेउ मोहि मुनि कृपानिधाना।। सुंदर सुखद मोहि अति भावा। सो प्रथमहिं मैं तुम्हहि सुनावा।।4।।

मुनि मोहि कछुक काल तहैँ राखा। रामचरितमानस तब भाषा।। सादर मोहि यह कथा सुनाई। पुनि बोले मुनि गिरा सुहाई।।5।।

रामचरित सर गुप्त सुहावा। संभु प्रसाद तात मैं पावा।। तोहि निज भगत राम कर जानी। ताते मैं सब कहेउँ बखानी।। 6।।

राम भगति जिन्ह कें उर नाहीं। कबहूँ न तात कहिअ तिन्ह पाहीं।। मुनि मोहि बिबिधि भाँति समुझावा। मैं सप्रेम मुनि पद सिरु नावा।।7॥।

निज कर कमल परसि मम सीसा। हषित आसिष दीन्ह मुनीसा।। राम भगति अबिरल उर तोरें। बसिहि सदा प्रसाद अब मोरें।।8।।

सदा राम प्रिय होह तुम्ह सुभ गुन भवन अमान। कामरूप इच्छामरन ग्यान बिराग निधान।।3क।।

जेहिं आश्रम तुम्ह बसब पुनि सुमिरत श्रीभगवंत। ब्यापिह्धि तहँ न अबिद्या जोजन एक प्रजंत।। 443ख।। इतना ही नहीं, श्रीभगवान्‌ को स्मरण करते हुए तुम जिस आश्रम में निवास करोगे वहाँ एक योजन (चार कोस) तक अविद्या (माया-मोह) नहीं व्यापेगी।। 3(ख)।। काल कर्म गुन दोष सुभाऊ। कछु दुख तुम्हहि न ब्यापिहिस काऊ।। राम रहस्य ललित बिधि नाना। गुप्त प्रगट इतिहास पुराना।।4।।

बिनु श्रम तुम्ह जानब सब सोऊ। नित नव नेह राम पद होऊ।। जो इच्छा करिहह मन माहीं। हरि प्रसाद कछु दुर्लभ नाहीं।।2।।

सुनि मुनि आसिष सुनु मतिधीरा। ब्रह्मगिरा भइ गगन गँभीरा।। एवमस्तु तव बच मुनि ग्यानी। यह मम भगत कर्म मन बानी।।3।।

सुनि नभगिरा हरष मोहि भयऊ। प्रेम मगन सब संसय गयऊ।। करि बिनती मुनि आयसु पाई। पद सरोज पुनि पुनि सिर नाई।।4।।

हरष सहित एहिं आश्रम आयर। प्रभु प्रसाद दुर्लभ बर पायँ।। इहाँ बसत मोहि सुनु खग ईसा। बीते कलप सात अरु बीसा।।5।।

करऊउँ सदा रघुपति गुन गाना। सादर सुनहिं बिहंग सुजाना।। जब जब अवधपुरी रघुबीरा। धरहिं भगत हित मनुज सरीरा।। 6।।

तब तब जाइ राम पुर रहउँ। सिसुलीला बिलोकि सुख लहऊँ।। पुनि उर राखि राम सिसुरूपा। निज आश्रम आवउँ खगभूपा।। 7।।

कथा सकल मैं तुम्हहि सुनाई। काग देह जेहिं कारन पाई।। कह्ठिउँ तात सब प्रस्र तुम्हारी। राम भगति महिमा अति भारी।।8।।

ताते यह प्रन मोहि प्रिय भयउ राम पद नेह। निज प्रभु दरसन पायउँ गए सकल संदेह।। 4क।।

मासपारायण, उन्तीसवाँ विश्राम

भगति पच्छ हठ करि रहेउँ दीन्हि महारिषि साप।मुनि दुर्लभ बर पायउँ देखहु भजन प्रताप।।4ख।।

जे असि भगति जानि परिहरहीं। केवल ग्यान हेतु श्रम करहीं।।

सुतु खगेस हरि भगति बिहाई। जे सुख चाहहिं आन उपाई।। ते सठ महासिंधु बिनु तरनी। पैरि पार चाहृहिं जड़ करनी।।2।

सुनि भसुंडि के बचन भवानी। बोलेउ गरुड़ हरषि मृदु बानी।। तव प्रसाद प्रभु मम उर माहीं। संसय सोक मोह भ्रम नाहीं।।3।

सुनेउँ पुनीत राम गुन ग्रामा। तुम्हरी कृपाँ लहेउँ बिश्रामा।। एक बात प्रभु पूँछउँ तोही। कहह बुझाइ कृपानिधि मोही।।4।।

कहहिं संत मुनि बेद पुराना। नहिं कछु दुर्लभ ग्यान समाना।। सोइ मुनि तुम्ह सन कहेउ गोसाईं। नहिं आदरेह भगति की नाईं।।5।।

ग्यानहि भगतिहि अंतर केता। सकल कहह्ट प्रभु कृपा निकेता।। सुनि उरगारि बचन सुख माना। सादर बोलेउ काग सुजाना।।6।।

भगतिहि ग्यानहिं नहिं कछ भेदा। उभय हरहिं भव संभव खेदा।। नाथ मुनीस कहहिं कछू अंतर। सावधान सोउ सुनु बिहंगब।।7॥।

ग्यान बिराग जोग बिग्याना। ए सब पुरुष सुनह हरिजाना।। पुरुष प्रताप प्रबल सब भाँती। अबला अबल सहज जड़ जाती।।8।।

पुरुष त्यागि सक नारिहि जो बिरक्त मति धीर।। न तु कामी बिषयाबस बिमुख जो पद रघुबीर।।775क।।

सोउ मुनि ग्याननिधान मृगनयनी बिधु मुख निरखि। बिबस होइ हरिजान नारि बिष्तु माया प्रगट।। 5ख।।

इहाँ न पच्छपात कछु राखउँ। बेद पुरान संत मत भाषउँ।। मोह न नारि नारि कें रूपा। पन्नगारि यह रीति अनूपा।। ५॥।

पुनि रघुबीरहि भगति पिआरी। माया खलु नर्तकी बिचारी।।2।।

भगतहि सानुकूल रघुराया। ताते तेहि डरपति अति माया। राम भगति निरुपम निरुपाधी। बसइ जासु उर सदा अबाधी।।3।

तेहि बिलोकि माया सकुचाई। करि न सकइ कछु निज प्रभुताई।। अस बिचारि जे मुनि बिग्यानी। जाचहिं भगति सकल सुख खानी।।4।।

यह रहस्य रघुनाथ कर बेगि न जानइ कोइ॥ जो जानइ रघुपति कृपाँ सपनेहूँ मोह न होइ।।46क।।

और, ग्यान भगति कर भेद सुनहु सुप्रबीन। जो सुनि होइ राम पद प्रीति सदा अबिछीन।। 46ख।।

सुनहु तात यह अकथ कहानी। समुझत बनइ न जाइ बखानी।।

सो मायावश भयउ गोसाईं। बँध्यो कीर मरकट की नाईं।। जड़ चेतनहि ग्रंथि परि गई। जदपि मृषा छूटत कठिनई।।2।।

तब ते जीव भयउ संसारी। छूट न ग्रंथि न होइ सुखारी।। श्रुति पुरान बहु कहेउ उपाई। छूट न अधिक अधिक अरुझाई।।3॥।

जीव ह्वृदयँ तम मोह बिसेषी। ग्रंथि छूट किमि परइ न देखी।। अस संजोग ईस जब करई। तबहूँ कदाचित सो निरुअरई।।4।।

सात््विक श्रद्धा धेनु सुहाई। जौं हरि कृपाँ हृदय बस आई।। जप तप ब्रत जम नियम अपारा। जे श्रुति कह सुभ धर्म अचारा।।5।।

तेइ तृन हरित चरै जब गाई। भाव बच्छ सिसु पाइ पेन्हाई॥ नोइ निबृत्ति पात्र बिस्वासा। निर्मल मन अहीर निज दासा।। 6।।

परम धर्ममय पय दुहि भाई। अवटै अनल अकाम बनाई॥ तोष मरुत तब छमाँ जुड़ावै। धृति सम जावनु देइ जमावै।।7।।

मुदिताँ मथै बिचार मथानी। दम अधार रजु सत्य सुबानी॥। तब मथि काढ़ि लेइ नवनीता। बिमल बिराग सुभग सुपुनीता।।8।।

जोग अगिनि करि प्रगट तब कर्म सुभासुभ लाइ। बुद्धि सिरावै ग्यान घृत ममता मल जरि जाइ।।47क।।

तीनि अवस्था तीनि गुन तेहि कपास तें काह़ि। तूल तुरीय सैँवारि पुनि बाती करै सुगाढ़ि।। 7ग।।

एहि बिधि लेसै दीप तेज रासि बिग्यानमय। जातहिं जासु समीप जरहिं मदादिक सलभ सब।।47घ।।

सोहमस्मि इति बृत्ति अखंडा। दीप सिखा सोइ परम प्रचंडा।। आतम अनुभव सुख सुप्रकासा। तब भव मूल भेद भ्रम नासा।।।।

तब सोइ बुद्धि पाइ उँजिआरा। उर गूँह बैठि ग्रंथि निरुआरा।।2।।

छोरन ग्रंथि पाव जौं सोई। तब यह जीव कृतारथ होई।। छोरत ग्रंथि जानि खगराया। बिघ्र अनेक करइ तब माया।।3।।

रिद्धि सिद्धि प्रेरइ बहु भाई। बुद्धिहि लोभ दिखावहिं आई।। कल बल छल करि जाहिं समीपा। अंचल बात बुन्ावहिं दीपा।।4।।

होइ बुद्धि जौं परम सयानी। तिन्ह तन चितव न अनहित जानी।। जौं तेहि बिघ्र बुद्धि नहिं बाधी। तौ बहोरि सुर करहिं उपाधी।।5।।

इंद्री द्वार झरोखा नाना। तहैँ तहैँ सुर बैठे करि थाना।। आवत देखहिं बिषय बयारी। ते हठि देहिं कपाट उघारी।।6।।

जब सो प्रभंजन उर गृहँ जाई। तबहिं दीप बिग्यान बुझाई।। ग्रंथि न छूटि मिटा सो प्रकासा। बुद्धि बिकल भइ बिषय बतासा।। 7॥।

इंद्रिन्ह सुरन्ह न ग्यान सोहाई। बिषय भोग पर प्रीति सदाई।। विषय समीर बुद्धि कृत भोरी। तेहि बिधि दीप को बार बहोरी।।8।।

तब फिरि जीव बिबिधि बिधि पावइ संसृति क्लेस। हरि माया अति दुस्तर तरि न जाइ बिहगेस।।8क।।

कहत कठिन समुझत कठिन साधत कठिन बिबेक। होइ घुनाच्छर न्याय जौं पुनि प्रत्यूह अनेक।। 48ख।।

ग्यान पंथ कृपान कै धारा। परत खगेस होइ नहिं बारा।।

अति दुर्लभ कैवल्य परम पद। संत पुरान निगम आगम बद।। राम भगत सोइ मुकुति गोसाईं। अनइच्छित आवइ बरिआईं।।2।।

जिमि थल बिनु जल रहि न सकाई। कोटि भाँति कोउ करै उपाई।। तथा मोच्छ सुख सुनु खगराई। रहि न सकइ भगति बिहाई।।3।

अस बिचारि हरि भगत सयाने। मुक्ति निरादर भगति लुभाने।। भगति करत बिनु जतन प्रयासा। संसृति मूल अबिद्या नासा।।4।।

भोजन करिअ तृपिति हित लागी। जिमि सो असन पचत्रै जठरागी।। असि हरि भगति सुगम सुखदाई। को अस मूढ़ न जाहि सोहाई।।5।।

सेवक सेब्य भाव बिनु भव न तरिअ उरगारि। भजहु राम पद पंकज अस सिद्धांत बिचारि।।9क।।

जो चेतन कहँ जड़ करइ जड़हि करइ चैतन्य। अस समर्थ रघुनायकहि भजहिं जीव ते धन्य।। 9ख।।

कहेउँ ग्यान सिद्धातं बुझाई। सुनह भगति मनि कै प्रभुताई।। राम भगति चिंतामनि सुंदर। बसइ गरुड़ जाके उर अंतर॥ मैंने ज्ञानका सिद्धान्त समझाकर कहा। अब भक्तिरूपी प्रभुता (महिमा) सुनिये। श्रीरामजीकी भक्ति सुन्दर चिन्तामणि है। हे गरुड़जी ! यह किसके ह्ृदयके अंदर बसती है॥ परम प्रकास रूप दिन राती। नहिं कछु चहिअ दिआ घृत बाती॥ मोह दरिद्र निकट नहिं आवा। लोभ बात नहिं ताहि बुझावा।।2।।

प्रबल अबिद्या तम मिटि जाई। हारहिं सकल सलभ समुदाई।। खल कामदि निकट नहिं जाहीं। बसइ भगति जाके उर माहीं।।3।।

गरल सुधासम अरि हित होई। तेहि मनि बिनु सुख पाव न कोई।। ब्यापहिं मानस रोग न भारी। जिन्ह के बस जीव दुखारी।।4।।

राम भगति मनि उर बस जाकें। दुख लवलेस न सपनेहूँ ताकें।। चतुर सिरेमनि तेइ जग माहीं। जे मनि लागि सुजतन कराहीं।। 5।।

सो मनि जदपि प्रगच जग अहई। राम कृपा बिनु नहिं कोउ लहई।। सुगम उपाय पाइबे केरे। नर हतभाग्य देहिं भटभेरे।।6।।

पावन पर्बत बेद पुराना। राम कथा रुचिराकर नाना।। मर्मी सज्जन सुमति कुदारी। ग्यान बिराग नयन उरगारी।।7॥

भाव सहित खोजइ जो प्रानी। पाव भगति मान सब सुख खानी।। मोरें मन प्रभु अस बिस्वासा। राम ते अधिक राम कर दासा।। 8।।

राम सिंधु घन सज्जन धीरा। चंदन तरु हरि संत समीरा।। सब कर फलर हरिस भगति सुहाई। सो बिनु संत न काहूँ पाई।।9॥।

अस बिचारि जोइ कर सतसंगा। राम भगति तेहिं सुलभ बिहंगा।।0।

ब्रह्म पयोनिधि मंदर ग्यान संत सुर आहििं।। कथा सुधा मथि काढ़हिं भगति मधुरता जाहिं।।20क।।

बिरति चर्म असि ग्यान मद लोभ मोह रिपु मारि॥ जय पाइअ सो हरि भगति देखु खगेस बिचारि।।20ख।।

20(ख)।। पुनि सप्रेम बोलेउ खगराऊ। जौं कृपाल मोहि ऊपर भाऊ।। नाथ मोहि निज सेवक जानी। सस्त प्रस्र मम कहह बिचारी।।2।।

प्रथमहिं कहह नाथ मतिधारा। सब ते दुर्लभ कवन सरीरा।। बड़ दुख कवन सुख भारी। सोउ संछेपहिं कहह बिचारी।। 2।।

संत असंत मरम तुम्ह जानह। तिन्ह कर सहज सुभाव बखानहू॥ कवन पुन्य श्रुति बिदित बिसाला। कहह कवन अघ परम कराला।।3।।

मानस रोग कहट् समुझाई। तुम्ह सर्बग्य कृपा अधिकाई।। तात सुनह सादर अति प्रीती। मैं संछेप कहउँ यह नीती।।4।।

नर तन सम नहिं कवनिउ देही। जीव चराचर जाचत तेही। नरक स्वर्ग अपबर्ग निसेनी। ग्यान बिराग भगति सुभ देनी।।5।।

सो तनु धरि हरि भजहिं न जे नर। होहिं बिषय रत मंद मंद तर॥ काँच किरिच बदलें ते लेहीं। कर ते डारि परस मनि देहीं।।6।।

नहिं दरिद्र सम दुख जग माहीं। संत मिलन सम सुख जग नाहीं।। पर उपकार बचन मन काया। संत सहज सुभाउ खगराया।। 7॥।

संत सहहिं दुख पर हित लागी। पर दुख हेतु असंत अभागी।। भूर्ज तरू सम संत कृपाला। पर हित निति सह बिपति बिसाला।।8।।

सन इव खल पर बंधन करई। खाल कढ़ाइ बिपति सहि मरई।। खल बिनु स्वारथ पर अपकारी। अह्ि मूषक इव सुनु उरगारी।।9।।

पर संमपदा बिनासि नाहीं। जिमि ससि हति उपल बिलाहीं।। दुष्ट उदय जग आरति हेतू। जथा प्रसिद्ध अधम ग्रह केतू। १0।

संत उदय संतत सुखकारी। बिस्व सुखद जिमि इंदु तमारी।।

द्विज निंदक बहु नरक भोग करि। जग जनमइ बायस सरीर धरि।।2।।

सुर श्रुति निंदक जे अभिमानी। रौरव नरक परहिं ते प्रानी।। होहिं उलूक संत निंदा रत। मोह निसा प्रिय ग्यान भानु गत।।3।।

सब कै निंदा जे जड़ करहीं। ते चमगादुर होइ अवतरहीं॥। सुनह तात अब मानस रोगा। जिन्ह ते दुख पावहिं सब लोगा।। 4।।

मोह सकल ब्याधिन्ह कर मूला। तिन्हे ते पुनि उपजहिं बहु सूला।। काम बात कफ लोभ अपारा। क्रोध पित्त नित छाती जारा।।5।।

प्रीति करहिं जौं तीनउ भाई। उपजई सन्यपात दुखदाई।। बिषय मनोरथ दुर्गम नाना। ते सब सूल नाम को जाना।। 6।।

ममता दादु कंड इरषाई। हरष बिषाद गरह बहुताई।। पर सुख देखि जरनि सोइ छई। कुष्ट दुष्टता मन कुटिलई।।7।।

अहंकार अति दुखद डमरुआ। दंभ कपट मद मान नेहरुआ।। तृस्णा उदरबुद्धि अति भारी। त्रिबिधि ईषना तरुन तिजारी।8।।

जुग बिधि ज्वर मत्सर अबिबेका। कहँ लगि कहाँ कुरोग अनेका।।9।

एक ब्याधि बस नर मरहिं ए साधि बहु ब्याधि। पीड़हिं संतत जीव कहूँ सो किमि लहै समाधि।।27 क।।

नेम धर्म आचार तप ग्यान जग्य जप दान।। भेषज पुनि कोटिन्ह नहिं रोग जाहिं हरिजान।।2ख।।

एहि बिधि सकल जीव जग रोगी। सोक हरष भय प्रीति बियोगी।। मानस रोग कछुक मैं गाए। हृहिं सब कें लखि बिरलेन्ह पाए।।4।।

विषय कुपथ्य पाइ अंकुरे। मुनिह हृदयँ का नर बापुरे।।2।।

राम कृपाँ नासहिं सब रोगा। जौं एहि भाँति बनै संजोगा।। सदगुर बैद बचन बिस्वासा। संजम यह न बिषय कै आसा।।3।

रघुपति भगति सजीवन मूरी। अनूपान श्रद्धा मति पूरी।। एहि बिधि भलेहिं सो रोग नासाहीं। नाहिं त जतन कोटि नहिं जाहीं।।4।।

जानिअ तब मन बिरुज गोसाँई। जब उर बत बिराग अधिकाई।। सुमति छुधा बाढ़इ नित नई। बिषय आस दुर्बलता गई।।5।।

बिल ग्यान जल जब सो नहाई। तब रह राम भगति उर छाई।। सिव अज सुक सनकादिक नारद। जे मुनि ब्रह्म बिचार बिसारद।।6।।

सब कर मत खगनायक एहा। करिअ राम पद पंकज नेहा।। श्रुति पुरान सब ग्रंथ कहाहीं। रघुपति भगति बिना सुख नाहीं।।7॥।

कमठ पीठ जामहिं बरु बारा। बंध्या सुत बरु काहुहि मारा॥। फूलहिं नभ बरु बहुबिधि फूला। जीव न लह सुख हरि प्रतिकूला।।8।।

तृषा जाइ बरु मृगजल पाना। बरु जामहिं सस सीस बिषाना।। अंधकारु बरु रबिहि नसावै। राम बिमुख न जीव सुख पावै।। 9॥।

हिम ते अनल प्रगट बरु होई। बिमुख राम सुख पाव न कोई।।0।। बर्फ से भले ही अग्ि प्रकट हो जाय (ये सब अनहोनी बातें चाहे हो जायेँ), परंतु श्रीरामसे विमुख होकर कोई भी सुख नहीं पा सकता।।0। बारि मथें घृत बरु सिकता ते बरु तेल। बिनु हरि भजन न भव तरिअ यह सिद्धांत अपेल।।422क।।

मसकहि करइ बिरंचि प्रभु अजहि मसक ते हीन। अस बिचारि तजि संसय रामहि भजहिं प्रबीन।। 22ख।।

श्लोक-विनिश्चितं वदामि ते न अन्यथा वचांसि मे। हरि नरा भजन्ति येऽतिदुस्तरं तरन्ति ते।।422ग।।

422(ग)।कहेउँ नाथ हरि चरित अनूपा। ब्यास समास स्वमति अनुरूपा।। श्रुति सिद्धांत इहइ उरगारी। राम भजिअ सब काज बिसारी।।4।।

प्रभु रघुपति तजि सेइअ काही। मोहि से सठ पर ममता जाही॥। तुम्ह बिग्यानरूप नहिं मोहा। नाथ कीन्टि मो पर अति छोहा।।2।

पूँछिह राम कथा अति पावनि। सुक सनकादि संभु मन भावनि।। सत संगति दुर्लभ संसारा। निमिष दंड भरि एकउ बारा।।3॥।

देखु गरुड़ निज ह्ृदयँ बिचारी। मैं रघुबीर भजन अधिकारी।। सकुनाधम सब भाँति अपावन। प्रभु मोहि कीन्ह बिदित जग पावन।।4।।