उत्तरकाण्ड · भाग ३

कलबल बचन अधर अरुनारे। दुइ दुई दसन बिसद बर बारे।। ललित कपोल मनोहर नासा। सकल सुखद ससि कर सम हासा।।2।

नील कंज लोचन भव मोचन। भ्राजत भाल तिलक गोरोचन॥ बिकट भृकुटि सम श्रवन सुहाए। कुंचित कच मेचक छबि छाए।।3।।

पीत झीनि झगुली तन सोही। किलकनि चितवनि भावति मोही।। रूप रासि नृप अजिर बिहारी। नाचहिं निज प्रति बिंब निहारी।।4।।

मोहि सन करहिं बिबिधि बिधि क्रीड़ा। बरनत मोहि होति अति ब्रीड़ा।। किलकत मोहि धरन जब धावहिं। चलउँ भागि तब पूप देखावहिं।।5।।

आवत निकट हँसहिं प्रभु भाजत रुदन कराहिं।। जाउँ समीप गहन पद फिरि फिरि चितइ पराहिं।।77क।।

प्राकृत सिसु इव लीला देखि भयउ मोहि मोह। कवन चरित्र करत प्रभु चिदानंद संदोह।।77ख।।

एतना मन आनत खगराया। रघुपति प्रेरित ब्यापी माया।। सो माया न दुखद मोहि काहीं। आन जीव इव संसृत नाहीं।। 4।।

जौं सब कें रह ग्यान एकरस। ईस्वर जीवहि भेद कहह कस।। माया बस्य जीव अभिमानी। ईस बस्य माया गुन खानी।।3।।

परबस जीव स्वबस भगवंता। जीव अनेक एक श्रीकंता।। मुधा भेद जद्यपि कृत माया। बिनु हरि जाइ न कोटि उपाया।।4।।

रामचंद्र के भजन बिनु जो चह पद निर्बान।। ग्यानवंत अपि सो नर पसु बिनु पूँछ बिषान।। 78क।।

राकापति षोड़स उअहिं तारागन समुदाइ। सकल गिरिन्ह दव लाइअ बिनु रबि राति न जाइ।।78ख।।

ऐसेहिं हरि बितु भजन खगेसा। मिटइ न जीवन्ह केर कलेसा।। हरि सेवकहि न ब्याप अबिद्या। प्रभु प्रेरित ब्यापइ तेहि बिद्या।। ।

ताते नास न होइ दास कर। भेद भगति बाढ़इ बिहंगबर।। भ्रम तें चकित राम मोहि देखा। बिहँसे सो सुनु चरित बिसेषा।।2।।

तेहि कौतुक कर मरमु न काहूँ। जाना अनुज न मातु पिताहूँ।। जानु पानि धाए मोहि धरना। स्यामल गात अरुन कर चरना।।3।

तब मैं भागि चलेउँ उरगारी। राम गहन कहँ भुजा पसारी।। जिमि जिमि दूरि उड़ाउँ अकासा। तहैँ भुज हरि देखउँ निज पासा।।4।।

ब्रह्मलोक लगि गयउँ मैं चितयउँ पाछ उड़ात। जुग अंगुल कर बीच सब राम भुजहि मोहि तात।।79क।।

79(क)॥ सप्ताबरन भेद करि जहाँ लगें गति मोरि। गयउँ तहाँ प्रभु भुज निरखि ब्याकुल भयरउँ बहोरि।। 79ख।।

मूदेउँ नयन त्रसित जब भयऊँ। पुनि चितवत कोसलपुर गयऊँ।। मोहि बिलोकि राम मुसुकाहीं। बिहँसत तुरत गयँ मुख माहीं।।।।

अति बिचित्र तहँ लोक अनेका। रचना अधिक एक ते एका।।2।

कोटिन्ह चतुरानन गौरीसा। अगनित उडगन रबि रजनीसा।। अगनित लोकपाल मन काला। अगनित भूधर भूमि बिसाला।।3॥।

सागर सरि सर बिपिन अपारा। नाना भाँति सृष्टि बिस्तारा॥ सुर मुनि सिद्ध नाग नर किंनर। चारि प्रकार जीव सचराचर।।4।।

जो नहिं देखा नहिं सुना जो मनहूँ न समाइ। सो सब अद्भुत देखेउँ बरनि कवनि बिधि जाइ।।80क।।

एक एक ब्रह्मांड महूँ रहउँ बरष सत एक। एहि बिधि देखत फिउँ मैं अंड कटाह अनेक।।80ख।। मैं एक-एक ब्रह्माड में एक-एक सौ वर्षतक रहता। इस प्रकार मैं अनेकों ब्रह्माण्ड देखता फिरा।। 80(ख)।।

देव दनुज गन नाना जाती। सकल जीव तहूँ आनहि भाँती।। महि सरि सागर सर गिरि नाना। सब पंच तहँ आनइ आना।।2।।

अंडकोस प्रति प्रति निज रूपा। देखेउँ जिनस अनेक अनूपा।। अवधपुरी प्रति भुवन निनारी। सरजू भिन्न भिन्न नर नारी।।3।।

दसरथ कौसल्या सुनु ताता। बिबिध रूप भरतादिक भ्राता।। प्रति ब्रह्मांड राम अवतारा। देखऊँ बालबिनोद अपारा।।4।।

भिन्न भिन्न मैं दीख सबु अति बिचित्र हरिजान।। अगनित भुवन फिरेउँ प्रभु राम न देखेउँ आन।।8 क।।

सोइ सिसुपन सोइ सोभा सोइ कृपाल रघुबीर। भुवन भुवन देखत फिर प्रेरित मोह समीर।।8ख।।

84(ख)।। भ्रमत मोहि ब्रह्मांड अनेका। बीते मनहूँ कल्प सत एका।। फिरत फिरत निज आश्रम आयउँ। तहैँ पुनि रहि कछ्ध काल गवाँयउँ।।।।

निज प्रभु जन्म अवध सुनि पायउँ। निर्भर प्रेम हरषि उठि धायउँ।। देखऊँ जन्म महोत्सव जाई। जेहि बिधि प्रथम कहा मैं गाई।।2।

राम उदर देखेउँ जग नाना। देखत बनइ न जाइ बखाना।। तहैँ पुनि देखेउँ राम सुजाना। माया पति कृपाल भगवाना।।3।

करउँ बिचार बहोरि बहोरी। मोह कलिल ब्यापित मति मोरी॥। उभय घरी महँ मैं सब देखा। भयउँ भ्रमित मन मोह बिसेषा।।4।।

देखि कृपाल बिकल मोहि बिहँसे तब रघुबीर। बिहँसतहीं मुख बाहेर आयउँ सुतु मतिधीर।।82क।।

सोइ लरिकाई मो सन करन लगे पुनि राम।। कोटि भाँति समुझावउँ मनु न लहइ बिश्राम।।82ख।।

देखि चरित यह सो प्रभुताई। समुझत देह दसा बिसराई।। धरनि परेउँ मुख आव न बाता। त्राहि त्राहि आरत जन त्राता।। ।

प्रेमाकुल प्रभु मोहि बिलोकी। निज माया प्रभुता तब रोकी।। कर सरोज प्रभु मम सिर धरेऊ। दीनदयाल सकल दुख हरेऊ।।2।।

कीन्ह राम मोहि बिगत बिमोहा। सेवक सुखद कृपा संदोहा।। प्रभुता प्रथम बिचारि बिचारी। मन महँ होइ हरष अति भारी।।3।।

भगत बछलता प्रभु कै देखी। उपजी मम उर प्रीति बिसेषी।। सजल नयन पुलकित कर जोरी। कीन्हिउँ बहु बिधि बिनय बिहोरी।।4।।

सुनि सप्रेम मम बानी देखि दीन निज दास। बचन सुखद गंभीर मृदु बोले रमानिवास।।83क।।

काकभुसुंडि मागु बर अति प्रसन्न मोहि जानि। अनिमादिक सिधि अपर रिधि मोच्छ सकल सुख खानि।।83ख।।

ग्यान बिबेक बिरति बिग्याना। मुनि दुर्लभ गुन जे जग नाना।। आजु देउँ सब संसय नाहीं। मागु जो तोहि भाव मन माहीं।। ।।

सुनि प्रभु बचन अधिक अनुरागेउऊँ। मन अनुमान करन तब लागेउँ।। प्रभु कह देनसकल सुख सही। भगति आपनी देन न कही।।2।।

भगति हीन गुन सब सुख ऐसे। लवन बिना बहु बिंजन जैसे।। भजन हीन सुख कवने काजा। अस बिचारि बोलेउँ खगराजा।। 3।।

जौ प्रभु होइ प्रसन्न बर देह। मो पर करह्ठ कृपा अरु नेहू॥। मन भावत बर मागउँ स्वामी। तुम्ह उदार उर अंतरजामी।।4।।

अबिरल भगति बिसुद्ध तव श्रुति पुरान जो गाव। जेहि खोजत जोगीस मुनि प्रभु प्रसाद कोउ पाव।।84क।।

भगत कल्पतरु प्रनत हित कृपा सिंधु सुख धाम। सोइ निज भगति मोहि प्रभु देह दया करि राम।।84ख।।

एवमस्तु कहि रघुकुलनायक। बोले बचन परम सुखदायाक।। सुनु बायस तैं सहज सयाना। काहे न मागसि अस बरदाना॥ "एवमस्तु' (ऐसा ही हो) कहकर रघुकुल के स्वामी परम सुख देनेवाले वचन बोले-हे काक ! सुन, तू स्वाभव से ही बुद्धिमान्‌ है। ऐसा वरदान कैसे न माँगता ?॥ सब सुख खानि भगति तैं मागी। नहिं जग कोउ तोहि सम बड़भागी।। जो मुनि कोटि जतन नहिं लहहीं। जे जप जोग अनल तन दहहीं।।2।।

रीझेउँ देखि तोरि चतुराई। मागेह भगति मोहि अति भाई॥ सुतु बिहंग प्रसाद अब मोरें।। सब सुभ गुन बसिहहिं उर तोरें।।3।

भगति ग्यान बिग्यान बिरागा। जोग चरित्र रहस्य बिभागा।। जानब तैं सबही कर भेदा। मम प्रसाद नहिं साधन खेदा।।4।।

माया संभव भ्रम सब अब न ब्यापिहहिं तोहि।। जानेसु ब्रह्म अनादि अज अगुन गुनाकर मोहि।।85क।।

मोहि भगति प्रिय संतत अस बिचारि सुनु काग। कार्य बचन मन मम पद करेसु अचल अनुराग।।85ख।।

अब सुनु परम बिमल मम बानी। सत्य सुगम निगमादि बखानी।।

सब मम प्रिय सब मम उपजाए। सब ते अधिक मनुज मोहि भाए।।2।।

तिन्ह महँ द्विज द्विज महँ श्रुतिधारी। तिन्ह महूँ निगम धरम अनुसारी।। तिन्ह महँ प्रिय बिरक्त पुनि ग्यानी। ग्यानिह ते अति प्रिय बिग्यानी।। 3।।

तिन्ह ते पुनि मोहि प्रिय निज दासा। जेहि गति मोरि न दूसरि आसा।। पुनि पुनि सत्य कहउँ तोहि पाहीं। मोहि सेवक सम प्रिय कोउ नाहीं।।4।।

भगति हीन बिरंचि किन होई। सब जीवह सम प्रिय मोहि सोई।। भगतिवंत अति नीचउ प्रानी। मोहि प्रानप्रिय असि मम बानी।।5।।

सुचि सुसील सेवक सुमति प्रिय कह काहि न लाग। श्रुति पुरान कह नीति असि सावधान सुनु काग।।86।।

एक पिता के बिपुल कुमारा। होहिं पृथक गुन सील अचारा॥ कोउ पंडित कोउ तापस ग्याता। कोउ धनवंत सूर कोउ दाता॥ एक पिता के बहुत-से पुत्र पृथक्‌-पृथक्‌ गुण, स्वभाव और आचरण वाले होते हैं। कोई पण्डित होता है, कोई तपस्वी, कोई ज्ञानी, कोई धनी, कोई शूरवीर, कोई दानी।। 4।। कोउ सर्बग्य धर्मरत कोई। सब पर पितह प्रीति सम होई।। कोउ पितु भगत बचन मन कर्मा। सपनेहूँ जान न दूसर धर्मा।।2।।

सो सुत प्रिय पितु प्रान समाना। जद्यपि सो सब भाँति अयाना। एहि बिधि जीव चराचर जेते। त्रिजग देव नर असुर समेते।।3।।

अखिल बिस्व यह मोर उपाया। सब पर मोहिं बराबरि दाया।। तिन्ह महँ जो परिहरि मद माया। भजै मोहि मन बच अरु काया।।4।।

पुरुष नपुसंक नारि वा जीव चराचर कोइ॥ सर्ब भाव भज कपट तजि मोहि परम प्रिय सोइ।।87क।।

सौ.-सत्य कहउँ खग तोहि सुचि सेवक मम प्रानप्रिय।। अस बिचारि भजु मोहि परिहरि आस भरोस सब।।87ख।।

कबहूँ काल न ब्यापिहि तोही। सुमिरेसु भजेसु निरंतर मोही।। प्रभु बचनामृत सुनि न अघाऊँ। तनु पुलकित मन अति हरघषाऊँ।। ।।

सो सुख जानइ मन अरु काना। नहिं रसना पहिं जाइ बखाना।। प्रभु सोभा सुख जानहिं नयना। कहि किमि सकहिं तिन्हहिं नहिं बयना।।2।।

बहु बिधि मोहि प्रबोधि सुख देई। लगे करन सिसु कौतुक तेई।। सजल नयन कछु मुख करि रूखा। चितइ मातु लागी अति भूखा।।3।

देखि मातु आतुर उठि धाई। कह्ठि मृदु बचन लिए उर लाई।। गोद राखि कराव पय पाना। रघुपति चरित ललित कर गाना।।4।।

जेहि सुख लागि पुरारि असुभ बेष कृत सिव सुखद। अवधपुरी नर नारि तेहि सुख महूँ संतत मगन।।88क।।

सोई सुख लवलेस जिन्ह बारक सपनेहूँ लहेउ। ते नहिं गनहिं खगेस ब्रह्मसुखहि सज्जन सुमति।।88ख।। उस सुख का लवलेशमात्र जिन्होंने एक बार स्वप्रमें भी प्राप्त कर लिया, हे पक्षिराज ! वे सुन्दर बुद्धि वाले सज्जन पुरुष उसके सामने ब्रह्मसुखको भी कुछ नहीं गिनते।। 88(ख)।। मैं पुनि अवध रहेउँ कछ काला। देखेउँ बालबिनोद रसाला।। राम प्रसाद भगति बर पायउँ। प्रभु पद बंदि निजाश्रम आयउँ।।।।

यब सब गुप्त चरित मैं गावा। हरि मायाँ जिमि मोहि नचावा।।2।।

निज अनुभव अब कहरउँ खगेसा। बिनु हरि भजन न जाहिं कलेसा।। राम कृपा बिनु सुनु खगराई। जानि न जाइ राम प्रभुताई।। 3।।

जानें बिनु न होइ परतीती। बिनु परतीति होइ नहिं प्रीति।। प्रीति बिना नहिं भगति दिढ़ाई। जिमि खगपति जल कै चिकनाई।।4।।

बिनु गुर होइ कि ग्यान ग्यान कि होइ बिराग बिनु॥। हावहिं बेद पुरान सुख कि लहिअ हरि भगति बिनु।।89क।।

कोउ बिश्राम कि पाव तात सहज संतोष बिनु। चलै कि जल बिनु नाव कोटि जतन पचि पचि मरिअ।।89ख।।

बिनु संतोष न काम नसाहीं। काम अछत सुख सपनेहूँ नाहीं।।

बिनु बिग्यान कि समता आवइ। कोउ अवकास कि नभ बिनु पावइ।। श्रद्धा बिना धर्म नहिं होई। बिनु महि गंध कि पावइ कोई।।2।।

बिनु तप तेज कि कर बिस्तारा। जल बिनु रस कि होइ संसारा॥। सील कि मिल बिनु बुध सेवकाई। जिमि बिनु तेज न रूप गोसाँईं।।3।

निज सुख बिनु मन होइ कि थीरा। परस कि होइ बिहीन समीरा।। कवनिउयझ सिद्धि कि बिनु बिस्वासा। बिनुहरि भजन न भव भय नासा।।4।।

बिनु बिस्वास भगति नहिं तेहि बिनु द्रवहिं न रामु। राम कृपा बिनु सपनेहूँ जीव न लह बिश्रामु।।90क।।

अस बिचारि मतिधीर तजि कुतर्क संसय सकल। भजहु राम रघुबीर करुनाकर सुंदर सुखद।। 90ख।।

निज मति सरिस नाथ मैं गाई। प्रभु प्रताप महिमा खगराई।। कहरउँ न कछु करि जुगुति बिसेषी। यह सब मैं निज नयनन्हि देखी।।।।

महिमा नाम रुप गुन गाथा। सकल अमित अनंत रघुनाथा।। निज निज मति मुनि हरि गुन गावहिं। निगम सेष सिव पार न पावहिं।।2।।

तुम्हहि आदि खग मसक प्रजंता। नभ उड़ाहिं नहिं पावहिं अंता।। तिमि रघुपति महिमा अवगाहा। तात कबहूँ कोउ पाव कि थाहा।।3।।

रामु काम सत कोटि सुभग तन। दुर्गा कोटि अमित अरि मर्दन।। सक्र कोटि सत सरिस बिलासा। नभ सत कोटि अमित अवकासा।।4।।

मरुत कोटि सत बिपुल बल रबि सत कोटि प्रकास। ससि सत कोटि सुसीतल समन सकल भव त्रास।।94क।।

काल कोटि सत सरिस अति दुस्तर दुर्ग दुरंत। धूमकेतु सत कोटि सम दुराधरष भगवंत।।9ख।।

कामधेनु सत कोटि समाना। सकल काम दायक भगवाना।।2।

सारद कोटि अमित चतुराई। बिधि सत कोटि सृष्टि निपुनाई।। बिष्नु कोटि सम पालन कर्ता। रुद्र कोटि सत सम संहर्ता।।3।।

धनद कोटि सत सम धनवाना। माया कोटि प्रपंच निधाना।। भार धरन सत कोटि अहीसा। निरवधि निरुपम प्रभु जगदीसा।।4।।

निरुपम न उपमा आन राम समान रामु निगम कहै। जिमि कोटि सत खद्योत सम रबि कहत अति लघुता लहीै।। एहि भाँति निज निज मति बिलास मुनीस हरिहि बखानहीं। प्रभु भाव गाहक अति कृपाल सप्रेम सुनि सुख मानहीं।।

भाव बस्य भगवान सुख निधान करुना भवन। तजि ममता मद मान भजिअ सदा सीता रवन।।92ख।।

सुनि भुसुंडि के बचन सुहाए। हरषित खगपति पंख फुलाए।। नयन नीर मन अती हरषाना। श्रीरघुपति प्रताप उर आना।। 4।।

पाछ्धिल मोह समुझि पछ्िताना। ब्रह्म अनादि मनुज करि माना।। पुनि पुनि काग चस सिरु नावा। जानि राम सम प्रेम बढ़ावा।।2।।

गुर बिनु भव निधि तरइ न कोई। जौं बिरंचि संकर सम होई॥ संसय सर्प ग्रसेउ मोहि ताता। दुखद लहरि कुतर्क बहु ब्राता।।3।।

तव सरूप गारुड़ि रघुनायक। मोहि जिआयउ जन सुखदायक।। तव प्रसाद मम मोह नसाना। राम रहस्य अनूपम जाना।।4।।

ताहि प्रसंसि बिबिधि बिधि सीस नाइ कर जोरि॥ बचन बिनीत सप्रेम मृदु बोलेउ गरुड़ बहोरि।।93क।।

प्रभु अपने अबिबेक ते बूझँ स्वामी तोहि। कृपार्सिंधु सादर कहह जानि दास निज मोहि।।93ख।।

तुम्ह सर्बग्य तग्य तम पारा। सुमति सुसील सरल आचारा।। ग्यान बिरति बिग्यान निवासा। रघुनायकके तुम्ह प्रिय दासा।। १।।

कारन कवन देह यह पाई। तात सकल मोहि कहह बुझाई। राम चरित सर सुंदर स्वामी। पायह कहाँ कहह नभगामी।।2।

नाथ सुना मैं अस सिव पाहीं। महा प्रलयहूँ नास तव नाहीं।। मुधा बचन नहिं ईश्वर कहई। सोउ मोरें मन संसय अहई।।3। हे नाथ ! मैंने शिवजीसे ऐसा सुना है कि महाप्रलयमें आपका नाश नहीं होता और ईश्वर (शिवजी) कभी मिथ्या वचन कहते नहीं। वह भी मेरे मन में संदेह है।।3॥। अग जग जीव नाग नर देवा। नाथ सकल जगु काल कलेवा।। अंड कटाह अमित लय कारी। कालु सदा दुरतिक्रम भारी।।4।।

तुम्हहि न ब्यापत काल अति कराल कारन कवन। मोहि सो कहह् कृपाल ग्यान प्रभाव कि जोग बल।। 94क।।

प्रभु तव आश्रम आएँ मोर मोह भ्रम भाग।। कारन कवन सो नाथ सब कहह सहित अनुराग।।94ख।।

गरुड़ गिरा सुनि हरषेउ कागा। बोलेउ उमा परम अनुरागा।। धन्य धन्य तव मति उरगारी। प्रस्र तुम्हारि मोहि अति प्यारी॥ हे उमा ! गरुड़जी की वाणी सुनकर काकभुशुण्डिजी हर्षित हुए और परम प्रेम से बोले-हे सर्पों के शत्रु ! आपकी बुद्धि धन्य है ! धन्य है ! आपके प्रश्न मुझे बहुत ही प्यारे लगे॥ सुनि तव प्रस्र सप्रेम सुहाई। बहुत जनम कै सुधि मोहि आई।। सब निज कथा कहरउँ मैं गाई। तात सुनह् सादर मन लाई।।20।

जप तप मख सम दम ब्रत दाना। बिरति बिबेक जोग बिग्याना।। सब कर फल रघुपति पद प्रेमा। तेहि बितु कोउ न पावइ छेमा।। 3।।

एहिं तन राम भगति मैं पाई। ताते मोहि ममता अधिकाई।। जेहि तें कछ निज स्वारथ होई। तेहि पर ममता कर सब कोई।।4।।

सौ.-पन्नगारि असि नीति श्रुति संमत सज्जन कहहिं।। अति नीचह सन प्रीति करिअ जानि निज परम हित।।95क।।

पाट कीट तें होइ तेहि तें पाटंबर रुचिर। कृमि पालइ सबु कोइ परम अपावन प्रान सम।।95ख।।

स्वारथ साँच जीव कहूँ एहा। मन क्रम बचन राम पद नेहा।। सोइ पावन सोइ सुभग सरीरा। जो तनु पाइ भजिअ रघुबीरा।। १।।

राम बिमुख लह् बिधि सम देही। कबि कोबिद न प्रसंसहिं तेही।। राम भगति एहिं तन उर जामी। ताते मोहि परम प्रिय स्वामी।।2।।

तजउँ न तन निज इच्छा मरना। तन बिनु बेद भजन नहिं बरना।। प्रथम मोहँ मोहि बहुत बिगोवा। राम बिमुख सुख कबहूँ न सोवा।।3।

नाना जनम कर्म पुनि नाना। किए जोग जप तप मख दाना।। कवन जोनि जनमेउँ जहैँ नाहीं। मैं खगेस भ्रमि भ्रमि जग माहीं।।4।।

देखउँ करि सब करम गोसाईं। सुखी न भयउँ अबहिं की नाईं।। सुधि मोहि नाथ जनम बहु केरी। सिव प्रसाद मति मोहैँ न घेरी।।5।।

प्रथम जन्म के चरित अब कहउँ सुनह बिहगेस। सुनि प्रभु पद रति उपज जातें मिटहिं कलेस।।96क।।

पूरुब कल्प एक प्रभु जुग कलियुग मल मूल। नर अरु नारि अधर्म रत सकल निगम प्रतिकूल।।96ख।।

तेहिं कलिजुग कोलसपुर जाई। जमन्त भयउँ सूद्र तनु पाई।। सिव सेवक मन क्रम अरु बानी। आन देव निदंक अभिमानी।। ।।

धन मद मत्त परम बाचाला। उग्रबुद्धि उर दंभ बिसाला।। जदपि रहेउँ रघुपति रजधानी। तदपि न कछु महिमा तब जानी।।2।

अब जाना मैं अवध प्रभावा। निगमागम पुरान अस गावा॥ कवनेहूँ जन्म अवध बस जोई। राम परायन सो परि होई।।3॥।

अवध प्रभाव जान तब प्रानी। जब उर बसहिं रामु धनुपानी।। सो कलिकाल कठिन उरगारी। पाप परायन सब नर नारी।।4।।

दंभिन्‍्ह निज गति कल्पि करि प्रगट किए बहु पंथ।।97क।।

97(क)॥ भए लोग सब मोहबस लोभ ग्रसे सुभ कर्म।। सुनु हरिजान ग्यान निधि कहरउँ कछूुक कलिधर्म।।97ख।।

बरन धर्म नहिं आश्रम चारी। श्रुति बिरोध रत सब नर नारी॥। द्विज श्रुति बेचक भूपप्रजालन कोउ नहिं मान निगम अनुसासन।। ।।

मारग सोइ जा कहूँ जोइ भावा। पंडित सोइ जो गाल बजावा॥। मिथ्यारंभ दंभ रत जोई। ता कह संत कहइ सब कोई।।2।।

सोइ सयान जो परधन हारी। जो कर दंभ सो बड़ आचारी।। जो कह झूँठ मसखरी जाना। कलियुजु सोई गुनवंत बखाना।। 3।

निराचार जो श्रुति पथ त्यागी। कलिजुग सोइ ग्यानी सो बिरागी॥ जाकें नख अरु जटा बिसाला। सोइ तापस प्रसिद्ध कलिकाला।।4।।

असुभ बेष भूषन धरें भच्छाभच्छ जे खाहिं।। तेइ जोगी तेइ सिद्ध नर पूज्य ते कलिजुग माहिं।।98क।।

जे अपकारी चार तिन्ह कर गौरव मान्य तेइ। मन क्रम बचन लबार तेइ बकता कलिकाल महूँ।।98ख।।

नारि बिबस नर सकल गोसाईं। नाचहिं नट सर्कट की नाईं।। सूद्र द्विजन्ह उपदेसहिं ग्याना। मेलि जनेऊँ लेहिं कुदाना।। 4।।

सब नर काम लोभ रत क्रोधी। देव बिप्र श्रुति संत बिरोधी।। गुन मंदिर सुंदर पति त्यागी। भजहिं नारि पर पुरुष अभागी।।2।।

गुर सिष बधिर अंध का लेखा। एक न सुनइ एक नहिं देखा।।3।।

हरइ सिष्य धन सोक न हरई। सो गुर घोर नरक महूँ परई।। मातु पिता बालकन्टि बोलावहिं। उदर भरै सोइ धर्म सिखावहिं।।4।।

ब्रह्म ग्यान बिनु नारि नर कहहि न दूसरि बात। कौड़ी लागि लोभ बस करहिं बिप्र गुर घात।।99क।।

बादहिं सूद्र द्विजन्ह सन हम तुम्ह ते कछू घाटि।। जानइ ब्रह्म सो बिप्रबर आँखि देखावहिं डाटि।।99ख।।

पर त्रिय लंपट कपट सयाने। मोह द्रोह ममता लपटाने।। तेइ अभेदबादी ग्यानी नर। देखा मैं चरित्र कलिजुग कर।।

कल्प कल्प भरि एक एक नरका। परहिं जे दूषहिं श्रुति करि तरका।।2।।

जे बरनाधम तेलि कुम्हारा। स्वपच किरात कोल कलवारा।। नारि मुई गृह संपति नासी। मूड मुड़ाइ होहिं संन्यासी।।3।।

ते बिप्रन्ह सन आपु पुजावहिं। उभय लोक निज हाथ नसावहिं।। बिप्र निरच्छर लोलुप कामी। निराचार सठ बुषली स्वामी।।4।।

सूद्र करहिं जप तप ब्रत नाना। बैठि बरासन कहहिं पुराना।। सब नर कल्पित करहिं अचारा। जाइ न बरनि अनीति अपारा।।5।।

भए बरन संकर कलि भिन्नसेतु सब लोग।। करहिं पाप पावहिं दुख भय रुज सोक बियोग।।00क।।

श्रुति संमत हरि भक्ति पथ संजुत बिरति बिबेक। तेहिं न चलहिं नर मोह बस कल्पहिं पंथ अनेक।।00ख।।

बहु दाम सँवारहिं धाम जती। बिषया हरि लीन्टि न रहि बिरती।। तपसी धनवंत दरिद्र गृही। कलि कौतुक तात न जात कही।।१।

सुत मानहिं मातु पिता तब लौं। अबलानन दीख नहीं जब लौं।।2।।

ससुरारि पिआरि लगी जब तें। रिपुरूप कुटुंब भए तब तें।। नृप पाप परायन धर्म नहीं। करि दंड बिडंब प्रजा नितहीं।।3॥।

धनवंत कुलीन मलीन अपी। द्विज चिन्ह जनेउ उघार तपी।। नहिं मान पुरान न बेदहि जो। हरि सेवक संत सही कलि सो।।4।।

कबि बूंद उदार दुनी न सुनी। गुन दूषक ब्रात न कोपि गुनी।। कलि बारहिं बार दुकाल परै। बिनु अन्न दुखी सब लोग मरै।।5।।

सुतु खगेस कलि कपट हठ दंभ द्रेष पाषंड। मान मोह मारादि मद ब्यापि रहे ब्रह्मंड।।0क।।

तामस धर्म करहिं नर जप तप ब्रत मख दान। देव न बरषहिं धरनीं बए न जामहिं धान।।0ख।।

अबला कच भूषन भूरि छुधा। धनहीन दुखी ममता बहुधा।। सुख चाहहिं मूढ़ न धर्म रता। मति थोरि कठोरि न कोमलता। 4।।

नर पीड़ित रोग न भोग कहीं। अभिमान बिरोध अकारनहीं।। लघु जीवन संबतु पंच दसा। कलपांत न नास गुमानु असा।।2।

कलिकाल बिहाल किए मनुजा। नहिं मानत क्लौ अनुजा तनुजा।। नहिं तोष बिचार न सीतलता। सब जाति कुजाति भए मगता।।3।

इरिषा परुषाच्छर लोलुपता। भरि पूरि रही समता बिगता।। सब लोग बियोग बिसोक हए। बरनाश्रम धर्म अचार गए।।4।।

दम दान दया नहिं जानपनी। जड़ता परबंचनताति घनी।। तनु पोषक नारि नरा सगरे। परनिंदक जे जग मो बगरे।।5।।

सुनु ब्यालारि काल कलि मल अवगुन आगार। गुनउ बहुत कलिजुग कर बिनु प्रयास निस्तार।।02क।।

कृतजुग त्रेताँ द्वापर पूजा मख अरु जोग। जो गति होइ सो कलि हरि नाम ते पावहिं लोग।।02ख।।

कृतजुग सब जोगी बिग्यानी। करि हरि ध्यान तरहिं भव प्रानी।। त्रेताँ बिबिध जग्य नर करहीं। प्रभुहिं समर्पि कर्म भव तरहीं।।।।

द्वापर करि रघुपति पद पूजा। नर भव तरहिं उपाय न दूजा।। कलिजुग केवल हरि गुन गाहा। गावत नर पावहिं भव थाहा।।2।।

कलिजुग जोग न जग्य न ग्याना। एक अधार राम गुन गाना॥ सब भरोस तजि जो भज रामहि। प्रेम समेत गाव गुन ग्रामहि।।3।

सोइ भव तर कछु संसय नाहीं। नाम प्रताप प्रगट कलि माहीं।। कलि कर एक पुनीत प्रतापा। मानस पुन्य होहिं नहिं पापा।।4।।

कलिजुग सम जुग आन नहिं जौं नर कर बिस्वास। गाइ राम गुन गन बिमल भव तर बिनहिं प्रयास।।03क।।

प्रगट चारि पद धर्म के कलि महूँ एक प्रधान। जेन केन बिधि दीन्हें दान करइ कल्यान।।03ख।।

सुद्ध सत्व समता बिग्याना। कृत प्रभाव प्रसन्न मन जाना।। ।

सत्व बहुत रज कछु रति कर्मा। सब बिधि सुख त्रेता कर धर्मा।। बह रज स्वल्प सत्व कछु तामस। द्वापर धर्म हरष भय मानस।।2।।

तामस बहुत रजोगुन थोरा। कलि प्रभाव बिरोध चहूँ ओरा।। बुध जुग धर्म जानि मन माहीं। तजि अधर्म रति धर्म कराहीं।।3।।

काल धर्म नहिं व्यापहिं ताही। रघुपति चरन प्रीति अति जाही।। नट कृत बिकट कपट खगराया। नट सेवकहि न ब्यापइ माया।।4।।

हरि माया कृत दोष गुन बिनु हरि भजन न जाहें। भजिअ राम तजि काम सब अस बिचारि मन माहिं।।404क।।

तेहिं कलिकाल बरस बहु बसेउँ अवध बिहगेस। परेउ दुकाल बिपति बस तब मैं गयऊँ बिदेस।। 04ख।।

गयउँ उजेनी सुतु उरगारी। दीन मलीन दरिद्र दुखारी।। गएँ काल कछु संपति पाई। तहैँ पुनि करउँ संभु सेवकाई।। ।।

परम साधु परमारथ बिंदक। संभु उपासक नहिं हरि निंदक।।2।।

तेहि सेवउँ मैं कपट समेता। द्विज दयाल अति नीति निकेता॥। बाहिज नम्र देखि मोहि साईं। बिप्र पढ़ाव पुत्र की नाईं।।3।।

संभु मंत्र मोहि द्विजबर दीन्हा। सुभ उपदेस बिबिध बिधि कीनन्‍्हा॥ जपउँ मंत्र सिव मंदिर जाई। ह्ृदयेँ दंभ अहमिति अधिकाई।।4।।

मैं खल मल संकुल मति नीच जाति बस मोह। हरि जन द्विज देखें जरउँ करउँ बिष्तु कर द्रोह।।405क।।

गुर नित मोहि प्रबोध दुखित देखि आचरन मम॥ मोहि उपज अति क्रोध दंभिहि नीति की भावई।।05ख।।

एक बार गुर लीन्ह बोलाई। मोहि नीति बहु भाँति सिखाई।।

रामहि भजहिं तात सिव धाता। नर पावर कै केतिक बाता।। जासु चरन अज सिव अनुरागी। तासु द्रोहँ सुख चहसि अभागी।।2।।

हर कहूँ हरि सेवक गुर कहेऊ। सुनि खगनाथ हृदय मम दहेऊ।। अधम जाति मैं बिद्या पाएँ। भयउँ जथा अह्टि दूध पिआएँ।। 3।।

मानी कुटिल कुभाग्य कुजाती। गुर कर द्रोह करउँ दिनु राती।। अति दयाल गुर स्वल्प न क्रोधा। पुनि पुनि मोहि सिखाव सुबोधा।।4।।

जेहि ते नीच बड़ाई पावा। सो प्रथमहिं हृति ताहि नसावा।। धूम अनल संभव सुनु भाई। तेहि बुझाव घन पदवी पाई।।5।।

रज मग परी निरादर रहई। सब कर पद प्रहार नित सहई।। मरुत उड़ाव प्रथम तेहि भरई। पुनि नृप नयन किरीटन्हि परई।।6।।

सुनु खगपति अस समुझि प्रसंगा। बुध नहिं करहिंअधम कर संगा।। कबि कोबिद गावहिं असि नीति। खल सन कलह न भल नहेिं प्रीती।। 7॥।

मैं खल ह्ृदयँ कपट कुटिलाई। गुर हित कहइ न मोहि सोहाई।।8।।

एक बार हर मंदिर जपत रहेउँ सिव नाम। गुर आयउ अभिमान तें उठि नहिं कीन्ह प्रनाम।।06क।।

सो दयाल नहिं कहेउ कछ्ध उर न रोष लवलेस।। अति अघ गुर अपमानता सहि नहिं सके महेस।। 06ख।।

मंदिर माझ भई नभ बानी। रे हतभाग्य अग्य अभिमानी।। जद्यपि तव गुर कें नहिं क्रोधा। अति कृपाल चित सम्यक बोधा।।१।।

जौं नहिं दंड करौं खल तोरा। भ्रष्ट होइ श्रुतिमारग मोरा।।2।।

जे सठ गुर सन इरिषा करहीं। रौरव नरक कोटि जुग परहीं।। त्रिजग जोनि पुनि धरहिं सरीरा। अयुत जन्म भरि पावहिं पीरा।।3।।

बैठ रहेसि अजगर इव पापी। सर्प होहि खल मल मति ब्यापी॥। महा बिटप कोटर महूँ जाई। रह अधमाधम अधगति पाई।।4।।