अयोध्याकाण्ड · भाग २

होत प्रात मुनिबेष धरि जौं न रामु बन जाहिं। मोर मरनु राउर अजस नृप समुझिअ मन माहिं॥33॥

अस कहि कुटिल भई उठि ठाढ़ी। मानहूँ रोष तरंगिनि बाढ़ी॥ पाप पहार प्रगट भइ सोई। भरी क्रोध जल जाइ न जोई॥॥

दोउ बर कूल कठिन हठ धारा। भवँर कूबरी बचन प्रचारा॥ ढाहत भूपरूप तरु मूला। चली बिपति बारिधि अनूकूला॥2॥

लखी नरेस बात फुरि साँची। तिय मिस मीचु सीस पर नाची॥ गहि पद बिनय कीन्ह बैठारी। जनि दिनकर कुल होसि कुठारी॥3॥।

मागु माथ अबहीं देउँ तोही। राम बिरहँ जनि मारसि मोही॥ राखु राम कहूँ जेहि तेहि भाँती। नाहिं त जरिहि जनम भरि छाती॥4॥

देखी ब्याधि असाध नृपु परेउ धरनि धुनि माथ। कहत परम आरत बचन राम राम रघुनाथ॥34॥

ब्याकुल राउ सिथिल सब गाता। करिनि कलपतरु मनहूँ निपाता॥ कंठ सूख मुख आव न बानी। जनु पाठीनु दीन बिनु पानी॥॥

पुनि कह कठु कठोर कैकेई। मनहूँ घाय महूँ माहुर देई॥ जौं अंतहूँ अस करतबु रहेऊ। मागु मागु तुम्ह केहिं बल कहेऊ॥2॥

दुद्द कि होइ एक समय भुआला। हँसब ठठाइ फुलाउब गाला॥ दानि कहाउब अरु कृपनाई। होइ कि खेम कुसल रौताई॥3॥।

छाड़हू बचनु कि धीरजु धरहू। जनि अबला जिमि करुना करहू॥ तनु तिय तनय धामु धनु धरनी। सत्यसंध कहूँ तूृत सम बरनी॥4॥

मरम बचन सुनि राउ कह कह कछु दोषु न तोर। लागेउ तोहि पिसाच जिमि कालु कहावत मोर॥35॥

चहत न भरत भूपतहि भोरें। बिधि बस कुमति बसी जिय तोरें॥ सो सबु मोर पाप परिनामू। भयउ कुठाहर जेहिं बिधि बामू॥

सुबस बसिहि फिरि अवध सुहाई। सब गुन धाम राम प्रभुताई॥ करिहृहिं भाइ सकल सेवकाई। होइहि तिहूँ पुर राम बड़ाई॥2॥

तोर कलंकु मोर पछद्धिताऊ। मुएहूँ न मिटिहि न जाइहि काऊ।॥ अब तोहि नीक लाग करु सोई। लोचन ओट बैठ मुह गोई॥3॥

जब लगि जिओऔं कहरउँ कर जोरी। तब लगि जनि कछ कहसि बहोरी॥ फिरि पछ्ितैहसि अंत अभागी। मारसि गाइ नहारू लागी॥4॥

परेउ राउ कहि कोटि बिधि काहे करसि निदानु। कपट सयानि न कहति कछ जागति मनहूँ मसानु॥36॥।

राम राम रट बिकल भुआलू। जनु बिनु पंख बिहंग बेहालू॥ हृदयेँ मनाव भोरु जनि होई। रामहि जाइ कह जनि कोई॥॥

उदउ करह जनि रबि रघुकुल गुर। अवध बिलोकि सूल होइहि उर॥ भूप प्रीति कैकदइ कठिनाई। उभय अवधि बिधि रची बनाई॥2॥

बिलपत नृपहि भयउ भिनुसारा। बीना बेनु संख धुनि द्वारा॥ पढ़हिं भाट गुन गावहिं गायक। सुनत नृपहि जनु लागहिं सायक॥3॥।

मंगल सकल सोहाहिं न कैसें। सहगामिनिहि बिभूषन जैसें॥ तेहि निसि नीद परी नहिं काहू। राम दरस लालसा उछाहू॥4॥।

द्वार भीर सेवक सचिव कहहिं उदित रबि देखि। जागेउ अजहूँ न अवधपति कारनु कवनु बिसेषि॥37॥

पछद्िले पहर भूपु नित जागा। आजु हमहि बड़ अचरजु लागा॥ जाह सुमंत्र जगावह जाई। कीजिअ काजु रजायसु पाई॥

गए सुमंत्रु तब राउर माहीं। देखि भयावन जात डेराहीं॥ धाइ खाई जनु जाइ न हेरा। मानहूँ बिपति बिषाद बसेरा॥2॥

पूछें कोउ न ऊतरु देई। गए जेहिं भवन भूप कैकेई॥ कहि जयजीव बैठ सिरु नाई। देखि भूप गति गयउ सुखाई॥3॥।

सोच बिकल बिबरन महि परेऊ। मानहू कमल मूलु परिहरेऊ॥ सचिउ सभीत सकइ नहिं पूँछ़ी। बोली असुभ भरी सुभ छूँछी॥4॥

परी न राजहि नीद निसि हेतु जान जगदीसु। रामु रामु रटि भोरु किय कहइ ना मरसु महीसु॥38॥।

आनह रामहि बेगि बोलाई। समाचार तब पूँछेह आई॥ चलेउ सुमंत्रु राय रुख जानी। लखी कुचालि कीन्हि कछ रानी॥॥

सोच बिकल मग परइ न पाऊ। रामहि बोलि कहिहिि का राऊ॥ उर धरि धीरजु गयउ दुआरें। पूँछहिं सकल देखि मनु मारें॥2॥

समाधानु करि सो सबही का। गयउ जहाँ दिनकर कुल टीका॥ राम सुमंत्रहि आवत देखा। आदरु कीन्ह पिता सम लेखा॥3॥

निरखि बदनु कहि भूप रजाई। रघुकुलदीपहिि चलेउ लेवाई॥ रामु कुभाँति सचिव सँग जाहीं। देखि लोग जहूँ तहूँ बिलखाहीं॥4॥

जाइ दीख रघुबंसमनि नरपति निपट कुसाजु। सहमि परेउ लखि सिंघिनिहि मनहैँ बृद्ध गजराजु॥39॥

सूखहिं अधर जरइ सबु अंगू। मनहूँ दीन मनिहीन भुअंगू॥ सरुष समीप दीखि कैकेई। मानहूँ मीचु घरीं गनि लेई॥॥

करुनामय मृदु राम सुभाऊ। प्रथम दीख दुखु सुना न काऊ।॥ तदपि धीर धरि समउ बिचारी। पूँछी मधुर बचन महतारी॥2॥

मोहि कह मातु तात दुख कारन। करिअ जतन जेहिं होइ निवारन॥ सुनह राम सबु कारनु एह। राजहि तुम्ह पर बहुत सनेहू॥3॥

देन कहेन्हि मोहि दुइ बरदाना। मागेउँ जो कछ मोहि सोहाना॥ सो सुनि भयउ भूप उर सोचू। छाड़ि न सकहिं तुम्हार सँकोचू॥4॥

सुत सनेहु इत बचनु उत संकट परेउ नरेसु। सकह त आयसु धरह सिर मेटह कठिन कलेसु॥40॥

निधरक बैठि कहइ कट बानी। सुनत कठिनता अति अकुलानी॥ जीभ कमान बचन सर नाना। मनहूँ महिप मृदु लच्छ समाना॥॥

जनु कठोरपतनु धरें सरीरू। सिखइ धनुषबिद्या बर बीरू॥ सबु प्रसंगु रघुपतिहि सुनाई। बैठि मनहूँ तनु धरि निठुराई॥2॥

मन मुसुकाइ भानुकुल भानू। रामु सहज आनंद निधानू॥ बोले बचन बिगत सब दूषन। मृदु मंजुल जनु बाग बिभूषन॥3॥

सुनु जननी सोइ सुतु बड़भागी। जो पितु मातु बचन अनुरागी॥ तनय मातु पितु तोषनिहारा। दुर्लभ जननि सकल संसारा॥4॥

मुनिगन मिलनु बिसेषि बन सबहि भाँति हित मोर। तेहि महँ पितु आयसु बहुरि संमत जननी तोर॥4॥।

भरतु प्रानप्रिय पावहिं राजू। बिधि सब बिधि मोहि सनमुख आजुू॥ जौं न जाउँ बन ऐसेह काजा। प्रथम गनिअ मोहि मूढ़ समाजा॥॥

सेवहिं अरंड कलपतरु त्यागी। परिहरि अमृत लेहिं बिषु मागी॥ तेउ न पाइ अस समउ चुकाहीं। देखु बिचारि मातु मन माहीं॥2॥

अंब एक दुखु मोहि बिसेषी। निपट बिकल नरनायकु देखी॥ थोरिहिं बात पितहि दुख भारी। होति प्रतीति न मोहि महतारी॥3॥।

राउ धीर गुन उदघधि अगाधू। भा मोहि तें कछ बड़ अपराधू॥ जातें मोहि न कहत कछु राऊ। मोरि सपथ तोहि कह सतिभाऊ॥4॥

सहज सकल रघुबर बचन कुमति कुटिल करि जान। चलइ जोंक जल बक्रगति जद्यपि सलिलु समान॥42॥।

रहसी रानि राम रुख पाई। बोली कपट सनेहू जनाई॥ सपथ तुम्हार भरत कै आना। हेतु न दूसर मैं कछू जाना॥॥

तुम्ह अपराध जोगु नहिं ताता। जननी जनक बंधु सुखदाता॥ राम सत्य सबु जो कछू कहह। तुम्ह पितु मातु बचन रत अहहू॥2॥

पितहि बुझाइ कहह बलि सोई। चौथेंपन जेहिं अजसु न होई॥ तुम्ह सम सुअन सुकृत जेहिं दीन्हे। उचित न तासु निरादरु कीनहे॥3॥

लागहिं कुमुख बचन सुभ कैसे। मगहँ गयादिक तीरथ जैसे॥ रामहि मातु बचन सब भाए। जिमि सुरसरि गत सलिल सुहाए॥4॥

गइ मुरुछ्धा रामहि सुमिरि नृप फिरि करवट लीन्ह। सचिव राम आगमन कहि बिनय समय सम कीन्ह॥43॥

अवनिप अकनि रामु पगु धारे। धरि धीरजु तब नयन उचघारे॥ सचियँ सँभारि राउ बैठारे। चरन परत नृप रामु निहारे॥॥

लिए सनेह बिकल उर लाई। गै मनि मनहूँ फनिक फिरि पाई॥ रामहि चितइ रहेउ नरनाहू। चला बिलोचन बारि प्रबाहू॥2॥।

सोक बिबस कछु कहै न पारा। हृदयँ लगावत बारहिं बारा॥ बिधिहि मनाव राउ मन माहीं। जेहिं रघुनाथ न कानन जाहीं॥3॥

सुमिरि महेसहि कहइ निहोरी। बिनती सुनह सदासिव मोरी॥ आसुतोष तुम्ह अवढर दानी। आरति हरह दीन जनु जानी॥4॥

तुम्ह प्रेरक सब के ह्ृदयँ सो मति रामह देह। बचनु मोर तजि रहहिं घर परिहरि सीलु सनेहु॥44॥

अजसु होउ जग सुजसु नसाऊ। नरक परौं बरु सुरपुरु जाऊ॥ सब दुख दुसह सहावह मोही। लोचन ओट रामु जनि होंही॥॥

अस मन गुनइ राउ नहिं बोला। पीपर पात सरिस मनु डोला॥ रघुपति पितहि प्रेमबस जानी। पुनि कछ कहिहि मातु अनुमानी॥2॥

देस काल अवसर अनुसारी। बोले बचन बिनीत बिचारी॥ तात कहरउँ कछ करउँ ढिठाई। अनुचितु छमब जानि लरिकाई॥3॥

अति लघु बात लागि दुखु पावा। काहूँ न मोहि कहि प्रथम जनावा॥ देखि गोसाइंहि पूँछिउँ माता। सुनि प्रसंगु भए सीतल गाता॥4॥

मंगल समय सनेह बस सोच परिहरिअ तात। आयसु देइअ हरि हियँ कहि पुलके प्रभु गात॥45॥।

धन्य जनमु जगतीतल तासू। पितहि प्रमोदु चरित सुनि जासू॥ चारि पदारथ करतल ताकें। प्रिय पितु मातु प्रान सम जाकें॥॥

आयसु पालि जनम फलु पाई। ऐहउँ बेगिहिं होउ रजाई॥ बिदा मातु सन आवउँ मागी। चलिहउँ बनहि बहुरि पग लागी॥2॥

अऊस कहि राम गवनु तब कीन्हा। भूप सोक बस उतरु न दीन्हा॥ नगर ब्यापि गइ बात सुतीछी। छुअत चढ़ी जनु सब तन बीछी॥ 3॥।

सुनि भए बिकल सकल नर नारी। बेलि बिटप जिमि देखि दवारी॥ जो जहँ सुनइ धुनइ सिरु सोई। बड़ बिषादु नहिं धीरजु होई॥4॥

मुख सुखाहिं लोचन ख्रवहिं सोकु न ह्ृदयँ समाइ। मनहूँ करुन रस कटकई उतरी अवध बजाइ॥46॥।

मिलेहि माझ बिधि बात बेगारी। जहूँ तहैँ देहिं कैकइहि गारी॥ एहि पापिनिहि बूझि का परेऊ। छाइ भवन पर पावकु धरेऊ॥॥

निज कर नयन काढ़ि चह दीखा। डारि सुधा बिषु चाहत चीखा॥ कुटिल कठोर कुबुद्धि अभागी। भइ रघुबंस बेनु बन आगी॥2॥

पालव बैठि पेड़ एहििं काटा। सुख महूँ सोक ठाठु धरि ठाटा॥ सदा रामु एहि प्रान समाना। कारन कवन कुटिलपनु ठाना॥3॥

सत्य कहहिं कबि नारि सुभाऊ। सब बिधि अगह अगाध दुराऊ॥ निज प्रतिबिंबु बरुकु गहि जाई। जानि न जाइ नारि गति भाई॥4॥।

काह न पावकु जारि सक का न समुद्र समाइ। का न करै अबला प्रबल केहि जग कालु न खाइ॥47॥

का सुनाइ बिधि काह सुनावा। का देखाइ चह काह देखावा॥ एक कहहिं भल भूप न कीन्हा। बरु बिचारि नहिं कुमतिहि दीन्हा॥॥

जो हठि भयउ सकल दुख भाजनु। अबला बिबस ग्यानु गुनु गा जनु॥ एक धरम परमिति पह्िचाने। नृपहि दोसु नहिं देहिं सयाने॥2॥।

सिबि दधीचि हरिचंद कहानी। एक एक सन कहहिं बखानी॥ एक भरत कर संमत कहहीं। एक उदास भायेँ सुनि रहहीं॥3॥

कान मूदि कर रद गहि जीहा। एक कहह्ं यह बात अलीहा॥ सुकृत जाहिं अस कहत तुम्हारे। रामु भरत कहूँ प्रानपिआरे॥4॥

चंदु चवै बरु अनल कन सुधा होइ बिषतूल। सपनेहँ कबहूँ न करहिं किछु भरतु राम प्रतिकूल॥48॥

एक बिधातहि दूषनु देहीं। सुधा देखाइ दीन्ह बिषु जेहीं॥ खरभरु नगर सोचु सब काह। दुसह दाह उर मिटा उछाहू॥॥

बिप्रबंधू कुलमान्य जठेरी। जे प्रिय परम कैकई केरी॥ लगीं देन सिख सीलु सराही। बचन बानसम लागहििं ताहीं॥2॥

भरतु न मोहि प्रिय राम समाना। सदा कहट्ठ यह सबु जगु जाना॥ करह राम पर सहज सनेहू। केहिं अपराध आजु बनु देहु॥3॥

कबहूँ न कियहू सवति आरेसू। प्रीति प्रतीति जान सबु देसू॥ कौसल्याँ अब काह बिगारा। तुम्ह जेहि लागि बज पुर पारा॥4॥

सीय कि पिय संगु परिहरिहि लखनु करहिहहिं धाम। राजु कि भूँजब भरत पुर नृपु कि जिइहि बिनु राम॥49॥

अस बिचारि उर छाड़ह् कोह। सोक कलंक कोठि जनि होहू॥ भरतहि अवसि देह जुबराजू। कानन काह राम कर काजू॥॥

नाहिन रामु राज के भूखे। धरम धुरीन बिषय रस रूखे॥ गुर गृह बसहूँ रामु तजि गेहू। नृप सन अस बरु दूसर लेहू॥2॥

जौं नहिं लगिहह् कहें हमारे। नहिं लागिहि कछु हाथ तुम्हारे॥ जौं परिहास कीन्हि कछ होई। तौ कहि प्रगट जनावह सोई॥3॥।

राम सरिस सुत कानन जोगू। काह कहिहि सुनि तुम्ह कहूँ लोगू॥ उठह बेगि सोइ करह उपाई। जेहि बिधि सोकु कलंकु नसाई॥4॥

जेहि भाँति सोकु कलंकु जाइ उपाय करि कुल पालही। हठि फेरु रामहि जात बन जनि बात दूसरि चालही॥ जिमि भानु बिनु दिनु प्रान बिनु तनु चंद बिनु जिमि जामिनी। तिमि अवध तुलसीदास प्रभु बिन समुझि धौं जियँ भामनी॥

सखिन्ह सिखावनु दीन्ह सुनत मधुर परिनाम हित। तेईँ कछ कान न कीन्ह कुटिल प्रबोधी कूबरी॥50॥।

उतरु न देइ दुसह रिस रूखी। मृगिन्ह चितव जनु बाघिनि भूखी॥। ब्याधि असाधि जानि तिन्‍्ह त्यागी। चलीं कहत मतिमंद अभागी॥॥

राजु करत यह दैअँ बिगोई। कीन्हेसि अस जस करइ न कोई॥ एहि बिधि बिलपह्िं पुर नर नारीं। देहिं कुचालिहि कोटिक गारीं॥2॥

जरहिं बिषम जर लेहिं उसासा। कवनि राम बिनु जीवन आसा॥ बिपुल बियोग प्रजा अकुलानी। जनु जलचर गन सूखत पानी॥3॥

अति बिषाद बस लोग लोगाईं। गए मातु पहिं रामु गोसाईं॥ मुख प्रसन्न चित चौगुन चाऊ। मिटा सोचु जनि राखै राऊ॥4॥

नव गयंदु रघुबीर मनु राजु अलान समान। छूट जानि बन गवनु सुनि उर अनंदु अधिकान॥54॥।

रघुकुलतिलक जोरि दोउ हाथा। मुदित मातु पद नायउ माथा॥ दीन्हि असीस लाइ उर लीन्हे। भूषन बसन निछावरि कीन्हे॥॥

बार-बार मुख चुंबति माता। नयन नेह जलु पुलकित गाता॥ गोद राखि पुनि ह्ृदयँ लगाए। स्रवत प्रेमरस पयद सुहाए॥2॥

प्रेमु प्रमोद न कद कहि जाई। रंक धनद पदबी जनु पाई॥ सादर सुंदर बदनु निहारी। बोली मधुर बचन महतारी॥3॥

कहह तात जननी बलिहारी। कबहिं लगन मुद मंगलकारी॥ सुकृत सील सुख सीवँ सुहाई। जनम लाभ कइ अवधि अघाई॥4॥

जेहि चाहत नर नारि सब अति आरत एहि भाँति। जिमि चातक चातकि तृषित बृष्टि सरद रितु स्वाति॥52॥

तात जाऊँ बलि बेगि नाहाह। जो मन भाव मधुर कछु खाहू॥ पितु समीप तब जाएट्ठ भैआ। भइई बड़ि बार जाइ बलि मैआ॥

मातु बचन सुनि अति अनुकूला। जनु सनेह सुरतरु के फूला॥ सुख मकरंद भरे श्रियमूला। निरखि राम मनु भवँरु न भूला॥2॥

धरम धुरीन धरम गति जानी। कहेउ मातु सन अति मृदु बानी॥ पिताँ दीन्ह मोहि कानन राजू। जहँ सब भाँति मोर बड़ काजू॥3॥।

आयसु देहि मुदित मन माता। जेहिं मुद मंगल कानन जाता॥ जनि सनेह बस डरपसि भोरें। आनँदु अंब अनुग्रह तोरें॥4॥।

बरष चारिदस बिपिन बसि करि पितु बचन प्रमान। आइ पाय पुनि देखिह्ठउँ मनु जनि करसि मलान॥53॥

बचन बिनीत मधुर रघुबर के। सर सम लगे मातु उर करके॥ सहमि सूखि सुनि सीतलि बानी। जिमि जवास परें पावस पानी॥॥

कहि न जाइ कछु हृदय बिषादू। मनहैँ मृगी सुनि केहरि नादू॥ नयन सजल तन थर थर काँपी। माजहि खाइ मीन जतु मापी॥2॥

धरि धीरजु सुत्त बदनु निहारी। गदगद बचन कहति महतारी॥ तात पितहि तुम्ह प्रानपिआरे। देखि मुदित नित चरित तुम्हारे॥3॥

राजु देन कहूँ सुभ दिन साधा। कहेउ जान बन केहिं अपराधा॥ तात सुनावह मोहि निदानू। को दिनकर कुल भयउ कृसानू॥4॥

निरखि राम रुख सचिवसुत कारनु कहेउ बुझाइ। सुनि प्रसंगु रहि मूक जिमि दसा बरनि नहिं जाइ॥54॥।

राखि न सकइ न कहि सक जाहू। दुहूँ भाँति उर दारुन दाहू॥ लिखत सुधाकर गा लिखि राह बिधि गति बाम सदा सब काहू॥॥

धरम सनेह उभयँ मति घेरी। भइ गति साँप छुछुंदरि केरी॥ राखउँ सुतहि करउँ अनुरोधू। धरमु जाइ अरु बंधु बिरोधू॥2॥

कहउँ जान बन तौ बड़ि हानी। संकट सोच बिबस भइ रानी॥ बहुरि समुझि तिय धरमु सयानी। रामु भरतु दोउ सुत सम जानी॥3।॥

सरल सुभाउ राम महतारी। बोली बचन धीर धरि भारी॥ तात जाउँ बलि कीन्हेह नीका। पितु आयसु सब धरमक टीका॥4॥

राजु देन कहिदीन्ह बनु मोहि न सो दुख लेसु। तुम्ह बिनु भरतहि भूपतिहि प्रजहि प्रचंड कलेसु॥55॥

जौं केवल पितु आयसु ताता। तौ जनि जाह जानि बड़ि माता॥ जौं पितु मातु कहेउ बन जाना। तौ कानन सत अवध समाना॥॥

पितु बनदेव मातु बनदेवी। खग मृग चरन सरोरुह सेवी॥ अंतहूँ उचित नृपहि बनबासू। बय बिलोकि हियँ होइ हराँसू॥2॥।

बड़भागी बनु अवध अभागी। जो रघुबंसतिलक तुम्ह त्यागी॥ जौं सुत कहाँ संग मोहि लेह। तुम्हरे हृदयँ होइ संदेह॥3॥

पूत परम प्रिय तुम्ह सबही के। प्रान प्रान के जीवन जी के॥ ते तुम्ह कहह मातु बन जाऊँ। मैं सुनि बचन बैठि पद्धिताऊँ॥4॥

यह बिचारि नहिं करउँ हठ झूठ सनेह बढ़ाइ। मानि मातु कर नात बलि सुरति बिसरि जनि जाइ॥56॥

देव पितर सब तुम्हहि गोसाईं। राखहूँ पलक नयन की नाईं॥ अवधि अंबु प्रिय परिजन मीना। तुम्ह करुनाकर धरम धुरीना॥१॥

अस बिचारि सोइ करह्ठ उपाई। सबहि जिअत जेहिं भेंटह आई॥ जाहू सुखेन बनहि बलि जाऊँ। करि अनाथ जन परिजन गाऊँ॥2॥

सब कर आजु सुकृत फल बीता। भयउ कराल कालु बिपरीता॥ बहुबिधि बिलपि चरन लपटानी। परम अभागिनि आपुहि जानी॥3॥

दारुन दुसह दाह उर ब्यापा। बरनि न जाहिं बिलाप कलापा॥ राम उठाइ मातु उर लाई। कहि मृदु बचन बहुरि समुझाई॥4॥

समाचार तेहि समय सुनि सीय उठी अकुलाइ। जाइ सासु पद कमल जुग बंदि बैठि सिरु नाइ॥57॥

दीन्लहि असीस सासु मृदु बानी। अति सुकुमारि देखि अकुलानी॥ बैठि नमित मुख सोचति सीता। रूप रासि पति प्रेम पुनीता॥

चलन चहत बन जीवननाथू। केहि सुकृती सन होइहि साथू॥ की तनु प्रान कि केवल प्राना। बिधि करतबु कछ जाइ न जाना॥2॥

चारु चरन नख लेखति धरनी। नूपुर मुखर मधुर कबि बरनी॥ मनहैं प्रेम बस बिनती करहीं। हमहि सीय पद जनि परिहरहीं॥3॥

मंजु बिलोचन मोचति बारी। बोली देखि राम महतारी॥ तात सुनह सिय अति सुकुमारी। सास ससुर परिजनहि पिआरी॥4॥

पिता जनक भूपाल मनि ससुर भानुकुल भानु। पति रबिकुल कैरव बिपिन बिधु गुन रूप निधानु॥58॥

मैं पुनि पुत्रबंधू प्रिय पाई। रूप रासि गुन सील सुहाई॥ नयन पुतरि करि प्रीति बढ़ाई। राखेउँ प्रान जानकिहिं लाई॥॥

कलपबेलि जिमि बहुबिधि लाली। सींचि सनेह सलिल प्रतिपाली॥ फूलत फलत भयउ बिधि बामा। जानि न जाइ काह परिनामा॥2॥।

पलैँग पीठ तजि गोद हिंडोरा। सियँ न दीन्ह पगु अवनि कठोरा॥ जिअनमूरि जिमि जोगवत रहउँ। दीप बाति नहिं टारन कहऊँ॥3॥

सोइ सिय चलन चहति बन साथा। आयसु काह होइ रघुनाथा॥ चंद किरन रस रसिक चकोरी। रबि रुखनयन सकइई किमि जोरी॥4॥।

करि केहरि निसिचर चरहिं दुष्ट जंतु बन भूरि। बिष बाटिकाँ कि सोह सुत सुभग सजीवनि मूरि॥59॥

बन हित कोल किरात किसोरी। रचीं बिरंचि बिषय सुख भोरी॥ पाहन कृमि जिमि कठिन सुभाऊ। तिन्हहि कलेसु न कानन काऊ॥॥

कै तापस तिय कानन जोगू। जिन्ह तप हेतु तजा सब भोगू॥ सिय बन बसिह्ि तात केहि भाँती। चित्रलिखित कपि देखि डेराती॥2॥

सुरसर सुभग बनज बन चारी। डाबर जोगु कि हंसकुमारी॥ अस बिचारि जस आयसु होई। मैं सिख देउँ जानकिहि सोई॥3॥।

जौं सिय भवन रहै कह अंबा। मोहि कहँ होइ बहुत अवलंबा॥ सुनि रघुबीर मातु प्रिय बानी। सील सनेह सुधाँ जनु सानी॥4॥

कह प्रिय बचन बिबेकमय कीन्हि मातु परितोष। लगे प्रबोधन जानकिहि प्रगटि बिपिन गुन दोष॥60॥

मासपारायण, चौदहवाँ विश्राम

श्री सीता-राम संवाद

मातु समीप कहत सकुचाहीं। बोले समउ समुझि मन माहीं॥ राजकुमारि सिखावनु सुनह। आन भाँति जियँ जनि कछ गुनहू॥

आपन मोर नीक जौं चहह। बचनु हमार मानि गृह रहहू॥ आयसु मोर सासु सेवकाई। सब बिधि भामिनि भवन भलाई॥2॥

एहि ते अधिक धरमु नहिं दूजा। सादर सासु ससुर पद पूजा॥ जब जब मातु करिहि सुधि मोरी। होइहि प्रेम बिकल मति भोरी॥3॥

तब तब तुम्ह कहि कथा पुरानी। सुंदरि समुझाएह मृदु बानी॥ कहउँ सुभायँ सपथ सत मोही। सुमुखि मातु हित राखऊँ तोही॥4॥।

गुर श्रुति संमत धरम फलु पाइअ बिनहिं कलेस। हठ बस सब संकट सहे गालव नहष नरेस॥64॥।

मैं पुनि करि प्रवान पितु बानी। बेगि फिरब सुनु सुमुखि सयानी॥ दिवस जात नहिं लागिहि बारा। सुंदरि सिखवतु सुनह हमारा॥॥

जौं हठ करह् प्रेम बस बामा। तौ तुम्ह दुखु पाउब परिनामा॥ काननु कठिन भयंकरु भारी। घोर घामु हिम बारि बयारी॥2॥

कुस कंटक मग काँकर नाना। चलब पयादेहिं बिनु पदत्राना॥ चरन कमल मृदु मंजु तुम्हारे। मारग अगम भूमिधर भारे॥3॥

कंदर खोह नदीं नद नारे। अगम अगाध न जाहिं निहारे॥ भालु बाघ बृक केहरि नागा। करहिं नाद सुनि धीरजु भागा॥4॥

भूमि सयन बलकल बसन असनु कंद फल मूल। ते कि सदा सब दिन मिलहिं सबुइ समय अनुकूल॥62॥।

तर अहार रजनीचर चरहीं। कपट बेष बिधि कोटिक करहीं॥ लागइ अति पहार कर पानी। बिपिन बिपति नहिं जाइ बखानी॥॥

ब्याल कराल बिहग बन घोरा। निसिचर निकर नारि नर चोरा॥ डरपहिं धीर गहन सुधि आएँ। मृगलोचनि तुम्ह भीरु सुभाएँ॥2॥

हुंसगवनि तुम्ह नहिं बन जोगू। सुनि अपजसु मोहि देइहि लोगू॥ मानस सलिल सुधाँ प्रतिपाली। जिअइ कि लवन पयोधि मराली॥3॥।

नव रसाल बन बिहरनसीला। सोह कि कोकिल बिपिन करीला॥ रहह भवन अस ह्ृदयँ बिचारी। चंदबदनि दुखु कानन भारी॥4॥

सहज सुह्नद गुर स्वामि सिख जो न करइ सिर मानि। सो पछ्धिताइ अघाइ उर अवसि होइ हित हानि॥63॥

सुनि मृद बचन मनोहर पिय के। लोचन ललित भरे जल सिय के॥। सीतल सिख दाहक भई कैसें। चकइहि सरद चंद निसि जैसें॥

उतरु न आव बिकल बैदेही। तजन चहत सुचि स्वामि सनेही॥ बरबस रोकि बिलोचन बारी। धरि धीरजु उर अवनिकुमारी॥2॥।

लागि सासु पग कह कर जोरी। छमबि देबि बड़ि अबिनय मोरी। दीन्टि प्रानपति मोहि सिख सोई। जेहि बिधि मोर परम हित होई॥3॥

मैं पुनि समुन्नि दीखि मन माहीं। पिय बियोग सम दुखु जग नाहीं॥4॥

प्राननाथ करुनायतन सुंदर सुखद सुजान। तुम्ह बिनु रघुकुल कुमुद बिधु सुरपुर नरक समान॥64॥।

मातु पिता भगिनी प्रिय भाई। प्रिय परिवारु सुह्दय समुदाई॥ सासु ससुर गुर सजन सहाई। सुत सुंदर सुसील सुखदाई॥

जहँ लगिनाथ नेह अरु नाते। पिय बिनु तियहि तरनिह्ठ ते ताते॥ तनु धनु धामु धरनि पुर राजू। पति बिहीन सबु सोक समाजू॥2॥।

भोग रोगसम भूषन भारू। जम जातना सरिस संसारू॥ प्राननाथ तुम्ह बिनु जग माहीं। मो कहूँ सुखद कतहूँ कछ नाहीं॥3॥

जिय बिनु देह नदी बिनु बारी। तैसिअ नाथ पुरुष बिनु नारी॥ नाथ सकल सुख साथ तुम्हारें। सरद बिमल बिधु बदनु निहारें॥4॥

खग मृग परिजन नगरु बतु बलकल बिमल दुकूल। नाथ साथ सुरसदन सम परनसाल सुख मूल॥65॥

बनदेबीं बनदेव उदारा। करिहृहिं सासु ससुर सम सारा॥ कुस किसलय साथरी सुहाई। प्रभु सँग मंजु मनोज तुराई॥॥

कंद मूल फल अमिअ अहारू। अवध सौध सत सरिस पहारू॥ छिनु-छिनु प्रभु पद कमल बिलोकी। रहिहउँ मुदित दिवस जिमि कोकी॥2॥।

बन दुख नाथ कहे बहुतेरे। भय बिषाद परिताप घनेरे॥ प्रभु बियोग लवलेस समाना। सब मिलि होहिं न कृपानिधाना॥3॥

अस जियेँ जानि सुजान सिरोमनि। लेइअ संग मोहि छाड़िअ जनि॥ बिनती बहुत करों का स्वामी। करुनामय उर अंतरजामी॥4॥

राखिअ अवध जो अवधि लगि रहत न जनिअहिं प्रान। दीनबंधु सुंदर सुखद सील सनेह निधान॥66॥

मोहि मग चलत न होइहि हारी। छिनु छितु चरन सरोज निहारी॥ सबहि भाँति पिय सेवा करिहाँ। मारग जनित सकल श्रम हरिहाँ॥॥

पाय पखारि बैठि तरु छाहीं। करिह्उँ बाउ मुदित मन माहीं॥ श्रम कन सहित स्याम तनु देखें। कहँ दुख समउ प्रानपति पेखें॥2॥

सम महि तृन तरुपल्लव डासी। पाय पलोटिहि सब निसि दासी॥ बार बार मृदु मूरति जोही। लागिहि तात बयारि न मोही॥3॥

को प्रभु सँग मोहि चितवनिहारा। सिंघबधुहि जिमि ससक सिआरा॥ मैं सुकुमारि नाथ बन जोगू। तुम्हहि उचित तप मो कहूँ भोगू॥4॥