अयोध्याकाण्ड · भाग ३

ऐसेउ बचन कठोर सुनि जौं न हृदउ बिलगान। तौ प्रभु बिषम बियोग दुख सहिहहिं पावर प्रान॥67॥

अस कहि सीय बिकल भइई भारी। बचन बियोगु न सकी सँभारी॥ देखि दसा रघुपति जियेँ जाना। हठि राखें नहिं राखिहि प्राना॥

कहेउ कृपाल भानुकुलनाथा। परिहरि सोचु चलह बन साथा॥ नहिं बिषाद कर अवसरु आजू। बेगि करहू बन गवन समाजू॥2॥।

कहि प्रिय बचन प्रिया समुझाई। लगे मातु पद आसिष पाई॥ बेगि प्रजा दुख मेटब आई। जननी निठुर बिसरि जनि जाई॥3॥।

फिरिहि दसा बिधि बहुरि कि मोरी। देखिहउँ नयन मनोहर जोरी। सुदिन सुघरी तात कब होइहि। जननी जिअत बदन बिधु जोइहि॥4॥।

बहुरि बच्छ कहि लालु कहि रघुपति रघुबर तात। कबहिं बोलाइ लगाइ हियेँ हरघषि निरखिहउँ गात॥68॥

लखि सनेह कातरि महतारी। बचनु न आव बिकल भइई भारी॥ राम प्रबोधु कीन्ह बिधि नाना। समउ सनेहू न जाइ बखाना॥॥

तब जानकी सासु पग लागी। सुनिअ माय मैं परम अभागी॥ सेवा समय दैअँ बनु दीन्हा। मोर मनोरथु सफल न कीन्हा॥2॥

तजब छोभु जनि छाड़िअ छोह। करमु कठिन कछ दोसु न मोहू॥ सुनिसिय बचन सासु अकुलानी। दसा कवनि बिधि कहाँ बखानी॥3॥।

बारहिं बार लाइ उर लीन्ही। धरि धीरजु सिख आसिष दीन्‍्ही॥ अचल होउ अह्िवातु तुम्हारा। जब लगि गंग जमुन जल धारा॥4॥

सीतहि सासु आसीस सिख दीन्हि अनेक प्रकार। चली नाइ पद पदुम सिरु अति हित बारहिं बार॥69॥

समाचार जब लछ्िमन पाए। ब्याकुल बिलख बदन उठि धाए।॥ कंप पुलक तन नयन सनीरा। गहे चरन अति प्रेम अधीरा॥॥

कहि न सकत कछ चितवत ठाढ़े। मीनु दीन जनु जल तें काड़े॥ सोचु हृदयेँ बिधि का होनिहारा। सबु सुखु सुकृतु सिरान हमारा॥2॥

मो कहूँ काह कहब रघुनाथा। रखिहहिं भवन कि लेहहिं साथा॥। राम बिलोकि बंधु कर जोरें। देह गेहसब सन तनु तोरें॥3॥

बोले बचनु राम नय नागर। सील सनेह सरल सुख सागर॥ तात प्रेम बस जनि कदराह। समुझि ह्ृदयँ परिनाम उदाहू॥4॥

मातु पिता गुरु स्वामि सिख सिर धरि करहिं सुभायेँ। लहेउ लाभु तिन्ह जनम कर नतरु जनमु जग जायँ॥70॥

अस जियँ जानि सुनह सिख भाई। करह्ठ मातु पितु पद सेवकाई॥ भवन भरतु रिपुसूदनु नाहीं। राउ बृद्ध मम दुखु मन माहीं॥

मैं बन जाउँ तुम्हहि लेइ साथा। होइ सबहि बिधि अवध अनाथा॥ गुरु पितु मातु प्रजा परिवारू। सब कहूँ परइ दुसह दुख भारू॥2॥।

रहह करहू सब कर परितोषू। नतरु तात होइहि बड़ दोषू॥ जासु राज प्रिय प्रजा दुखारी। सो नृपु अवसि नरक अधिकारी॥3॥

रहह तात असि नीति बिचारी। सुनत लखनु भए ब्याकुल भारी॥ सिअरें बचन सूखि गए कैसें। परसत तुहिन तामरसु जैसें॥4॥

उतरु न आवत प्रेम बस गहे चरन अकुलाइ। नाथ दासु मैं स्वामि तुम्ह तजह त काह बसाइ॥7॥

दीन्हि मोहि सिख नीकि गोसाई। लागि अगम अपनी कदराईं॥ नरबर धीर धरम धुर धारी। निगम नीति कहूँ ते अधिकारी॥॥

मैं सिसु प्रभु सनेहँ प्रतिपाला। मंदरु मेरु कि लेहिं मराला॥ गुर पितु मातु न जानउँ काह। कहऊउँ सुभाउ नाथ पतिआहू॥2॥

जहँ लगि जगत सनेह सगाई। प्रीति प्रतीति निगम निजु गाई॥ मोरें सबइ एक तुम्ह स्वामी। दीनबंधु उर अंतरजामी॥3॥

धरम नीति उपदेसिअ ताही। कीरति भूति सुगति प्रिय जाही॥ मन क्रम बचन चरन रत होई। कृपासिंधु परिहरिअ कि सोई॥4॥

करुनासिंधु सुबंधु के सुनि मृदु बचन बिनीत। समुझाए उर लाइ प्रभु जानि सनेहँ सभीत॥72॥

मागह बिदा मातु सन जाई। आवह् बेगि चलह् बन भाई॥ मुदित भए सुनि रघुबर बानी। भयउ लाभ बड़ गइ बड़ि हानी॥

हरषित हृदयेँ मातु पहिं आए। मनहूँ अंध फिरि लोचन पाए।॥ जाइ जननि पग नायउ माथा। मनु रघुनंदन जानकि साथा॥2॥।

पूँछे मातु मलिन मन देखी। लखन कही सब कथा बिसेषी। गई सहमि सुनि बचन कठोरा। मृगी देखि दव जनु चहूँ ओरा॥3॥।

लखन लखेउ भा अनरथ आजू। एहिं सनेह सब करब अकाजू॥ मागत बिदा सभय सकुचाहीं। जाइ संग बिधि कहिहि कि नाहीं॥4॥।

समुझि सुमित्राँ राम सिय रूपु सुसीलु सुभाउ। नृूप सनेहू लखि धुनेउ सिरु पापिनि दीन्ह कुदाउ॥73॥।

धीरजु धरेउ कुअवसर जानी। सहज सुह्नद बोली मृदु बानी॥ तात तुम्हारि मातु बैदेही। पिता रामु सब भाँति सनेही॥

अवध तहाँ जहँ राम निवासू। तहँईँ दिवसु जहँ भानु प्रकासू॥ जौं पै सीय रामु बन जाहीं। अवध तुम्हार काजु कछु नाहीं॥2॥

गुर पितु मातु बंधु सुर साईं। सेइअहिं सकल प्रान की नाईं॥ रामु प्रानप्रिय जीवन जी के। स्वारथ रहित सखा सबही के॥3॥

पूजनीय प्रिय परम जहाँ तें। सब मानिअहिं राम के नातें॥ अस जियँ जानि संग बन जाहू। लेहू तात जग जीवन लाहू॥4॥

भूरि भाग भाजनु भयह मोहि समेत बलि जाएउँ। जौं तुम्हरें मन छाड़ि छलु कीन्ह राम पद ठाउँ॥74॥

पुत्रवती जुबती जग सोई। रघुपति भगतु जासु सुतु होई॥ नतरु बाँझ भलि बादि बिआनी। राम बिमुख सुत तें हित जानी॥॥

तुम्हरेहिं भाग रामु बन जाहीं। दूसर हेतु तात कछ नाहीं॥ सकल सुकृत कर बड़ फलु एह। राम सीय पद सहज सनेहू॥2॥

रागु रोषु इरिषा मदु मोह। जनि सपनेहूँ इन्ह के बस होहू॥ सकल प्रकार बिकार बिहाई। मन क्रम बचन करेहू सेवकाई॥3॥।

तुम्ह कहूँ बन सब भाँति सुपासू। सँग पितु मातु रामु सिय जासू॥ जेहिं न रामु बन लहहिं कलेसू। सुत सोइ करेह इहडइ उपदेसू॥4॥

उपदेसु यह जेहिं तात तुम्हरे राम सिय सुख पावहीं। पितु मातु प्रिय परिवार पुर सुख सुरति बन बिसरावहीं॥ तुलसी प्रभुहि सिख देइ आयसु दीन्ह पुनि आसिष दई। रति होउ अबिरल अमल सिय रघुबीर पद नित-नित नई॥

मातु चरन सिरु नाइ चले तुरत संकित ह्ृदयेँ। बागुर बिषम तोराइ मनहूँ भाग मृगु भाग बस॥75॥

गए लखनु जहँ जानकिनाथू। भे मन मुदित पाइ प्रिय साथू॥ बंदि राम सिय चरन सुहाए। चले संग नृपमंदिर आए॥॥

कहह्ं परसपर पुर नर नारी। भलि बनाइ बिधि बात बिगारी॥ तन कस मन दुखु बदन मलीने। बिकल मनहूँ माखी मधु छीने॥ 2॥।

कर मीजहिं सिरु धुनि पद्धिताहीं। जनु बिनु पंख बिहग अकुलाहीं॥ भइ बड़ि भीर भूप दरबारा। बरनि न जाइ बिषादु अपारा॥3॥।

सचिवँ उठाइ राउ बैठारे। कहि प्रिय बचन रामु पगु धारे॥ सिय समेत दोउ तनय निहारी। ब्याकुल भयउ भूमिपति भारी॥4॥

सीय सहित सुत सुभग दोउ देखि देखि अकुलाइ। बारहिं बार सनेह बस राउ लेइ उर लाइ॥76॥

सकइ न बोलि बिकल नरनाह। सोक जनित उर दारुन दाहू॥ नाइ सीसु पद अति अनुरागा। उठि रघुबीर बिदा तब मागा॥+॥

पितु असीस आयसु मोहि दीजै। हरष समय बिसमउ कत कीजै॥ तात किएँ प्रिय प्रेम प्रमादू। जसु जग जाइ होइ अपबादू॥2॥।

सुनि सनेह बस उठि नरनाहाँ। बैठारे रघुपति गहि बाहाँ॥ सुनह तात तुम्ह कहूँ मुनि कहह्ीं। रामु चराचर नायक अहहीं॥3॥

सुभ अरु असुभ करम अनुहारी। ईसु देइ फलु ह्ृदयँ बिचारी॥ करइ जो करम पाव फल सोई। निगम नीति असि कह सबु कोई॥4॥

औरु करै अपराधु कोउ और पाव फल भोग। अति बिचित्र भगवंत गति को जग जानै जोगु॥77॥

रायँ राम राखन हित लागी। बहुत उपाय किए छलु त्यागी॥ लखी राम रुख रहत न जाने। धरम धुरंधर धीर सयाने॥॥

तब नृप सीय लाइ उर लीन्ही। अति हित बहुत भाँति सिख दीन्‍्ही॥ कहि बन के दुख दुसह सुनाए। सासु ससुर पितु सुख समुझाए॥2॥

सिय मनु राम चरन अनुरागा। घरुन सुगमु बनु बिषमु न लागा॥ औरउ सबहिं सीय समुझाई। कहि कहि बिपिन बिपति अधिकाई॥3॥।

सचिव नारि गुर नारि सयानी। सहित सनेह कहहिं मृद बानी॥ तुम्ह कहूँ तौ न दीन्ह बनबासू। करह जो कहह्िं ससुर गुर सासू॥4॥।

सिख सीतलि हित मधुर मृदु सुनि सीतहि न सोहानि। सरद चंद चंदिनि लगत जनु चकई अकुलानि॥78॥

सीय सकुच बस उतरु न देई। सो सुनि तमकि उठी कैकेई॥ मुनि पट भूषन भाजन आनी। आगें धरि बोली मृदु बानी॥॥

नृपहि प्रानप्रिय तुम्ह रघुबीरा। सील सनेह न छाड़िहि भीरा॥ सुकृतु सुजसु परलोकु नसाऊ। तुम्हहि जान बन कह्िहि न काऊ॥2॥।

अस बिचारि सोइ करह् जो भावा। राम जननि सिख सुनि सुखु पावा॥ भूपहि बचन बानसम लागे। करहिं न प्रान पयान अभागे॥3॥

लोग बिकल मुरुछ्ित नरनाहू। काह करिअ कछु सूझ न काहू॥ रामु तुरत मुनि बेषु बनाई। चले जनक जननिह्ि सिरु नाई॥4॥

सजि बन साजु समाजु सबु बनिता बंधु समेत। बंदि बिप्र गुर चरन प्रभु चले करि सबहि अचेत॥79॥

निकसि बसिष्ठ द्वार भए ठाढ़े। देखे लोग बिरह दव दाढ़े॥ कहि प्रिय बचन सकल समुझाए। बिप्र बुंद रघुबीर बोलाए॥॥

गुर सन कहि बरषासन दीन्हे। आदर दान बिनय बस कीन्हे॥ जाचक दान मान संतोषे। मीत पुनीत प्रेम परितोषे॥2॥

दासीं दास बोलाइ बहोरी। गुरहि सौंपि बोले कर जोरी॥ सब कै सार सँभार गोसाई। करबि जनक जननी की नाई॥3॥

बारहिं बार जोरि जुग पानी। कहत रामु सब सन मृदु बानी॥ सोइ सब भाँति मोर हितकारी। जेहि तें रहै भुआल सुखारी॥4॥

मातु सकल मोरे बिरहेँ जेहिं न होहिं दुख दीन। सोइ उपाउ तुम्ह करेह सब पुर जन परम प्रबीन॥80॥।

एहि बिधि राम सबहि समुझावा। गुर पद पदुम हरघषि सिर नावा॥ गनपति गौरि गिरीसु मनाई। चले असीस पाइ रघुराई॥॥

राम चलत अति भयउ बिषादू। सुनि न जाइ पुर आरत नादू॥ कुसगुन लंक अवध अति सोकू। हरष बिषाद बिबस सुरलोकू॥2॥।

गइ मुरुछा तब भूपति जागे। बोलि सुमंत्रु कहन अस लागे॥ रामु चले बन प्रान न जाहीं। केहि सुख लागि रहत तन माहीं॥3॥

एह्ठि तें कवन ब्यथा बलवाना। जो दुखु पाइ तजहिं तनु प्राना॥ पुनि धरि धीर कहइ नरनाह। लै रथु संग सखा तुम्ह जाहू॥4॥

सुठि सुकुमार कुमार दोउ जनकसुता सुकुमारि। रथ चढ़ाइ देखराइ बनु फिरेह गएँ दिन चारि॥84॥।

जौं नहिं फिरहिं धीर दोउ भाई। सत्यसंध दृढ़ब्रत रघुराई॥ तौ तुम्ह बिनय करेहू कर जोरी। फेरिअ प्रभु मिथिलेसकिसोरी॥ ॥

जब सिय कानन देखि डेराई। कहेहू मोरि सिख अवसरु पाई॥ सासु ससुर अस कहेउ सँदेसू। पुत्रि फिरिअ बन बहुत कलेसू॥2॥

पितुगृह कबहूँ कबहूँ ससुरारी। रहेह जहाँ रुचि होइ तुम्हारी॥ एहि बिधि करेह उपाय कदंबा। फिरइ त होइ प्रान अवलंबा॥3॥

नाहिं त मोर मरनु परिनामा। कद न बसाइ भरएँ बिधि बामा॥ अस कह्टि मुरुद्धि परा महि राऊ। रामु लखनु सिय आनि देखाऊ॥4॥

पाइ रजायसु नाइ सिरु रथु अति बेग बनाइ। गयउ जहाँ बाहेर नगर सीय सहित दोउ भाइ॥82॥

तब सुमंत्र नृूप बचन सुनाए। करि बिनती रथ रामु चढ़ाए॥ चढ़ि रथ सीय सहित दोउ भाई। चले हृदयेँ अवधहि सिरु नाई॥॥

चलत रामु लखि अवध अनाथा। बिकल लोग सब लागे साथा॥ कृपासिंधु बहुबिधि समुझावहिं। फिरहिं प्रेम बस पुनि फिरि आवहिहिं॥2॥।

लागति अवध भयावनि भारी। मानहूँ कालराति अँधिआरी॥ घोर जंतु सम पुर नर नारी। डरपहिं एकहि एक निहारी॥3॥

घर मसान परिजन जनु भूता। सुत हित मीत मनहूँ जमदूता॥ बागन्ह बिटप बेलि कुम्हिलाहीं। सरित सरोवर देखि न जाहीं॥4॥

हय गय कोटिन्ह केलिमृग पुरपसु चातक मोर। पिक रथांग सुक सारिका सारस हंस चकोर॥83॥।

राम बियोग बिकल सब ठाढ़े। जहँ तहँ मनहूँ चित्र लिखि काड़े॥ नगरु सफल बनतु गहबर भारी। खग मृग बिपुल सकल नर नारी॥॥

बिधि कैकई किरातिनि कीन्ही। जेहिं दव दुसह दसहूँ दिसि दीन्‍्ही॥ सहि न सके रघुबर बिरहागी। चले लोग सब ब्याकुल भागी॥2॥

सबहिं बिचारु कीन्ह मन माहीं। राम लखन सिय बिनु सुखु नाहीं॥ जहाँ रामु तहँ सबुइ समाजू। बिनु रघुबीर अवध नहिं काजू॥3॥।

चले साथ अस मंत्र दूढ़ाई। सुर दुर्लभ सुख सदन बिहाई॥ राम चरन पंकज प्रिय जिन्हहीं। बिषय भोग बस करहिं कि तिन्हही॥4॥

बालक बृद्ध बिहाइ गृहँ लगे लोग सब साथ। तमसा तीर निवासु किय प्रथम दिवस रघुनाथ॥84॥।

रघुपति प्रजा प्रेमबस देखी। सदय ह्वृदयँ दुखु भयउ बिसेषी॥ करुनामय रघुनाथ गोसाँई। बेगि पाइअहिं पीर पराई॥॥

कहि सप्रेम मृदु बचन सुहाए। बहुबिधि राम लोग समुझाए॥ किए धरम उपदेस घनेरे। लोग प्रेम बस फिरहिं न फेरे॥2॥

सीलु सनेह छाड़ि नहिं जाई। असमंजस बस भे रघुराई॥ लोग सोग श्रम बस गए सोई। कछुक देवमायाँ मति मोई॥3॥

जबहिं जाम जुग जामिनि बीती। राम सचिव सन कहेउ सप्रीती॥ खोज मारि रथु हाँकह ताता। आन उपायेँ बनिहि नहिं बाता॥4॥

राम लखन सिय जान चढ़ि संभु चरन सिरु नाइ। सचियँ चलायउ तुरत रथु इत उत खोज दुराइ॥85॥

जागे सकल लोग भरएँ भोरू। गे रघुनाथ भयउ अति सोरू॥ रथ कर खोज कतहूँ नहिं पावहिं। राम राम कहि चहूँ दिसि धावहिं॥॥

मनहैँ बारिनिधि बूड जहाजू। भयउ बिकल बड़ बनिक समाजुू॥ एकहि एक देहिं उपदेसू। तजे राम हम जानि कलेसू॥2॥

निंदहिं आपु सराहहिं मीना। घधिग जीवनु रघुबीर बिहीना॥ जौं पै प्रिय बियोगु बिधि कीन्हा। तौ कस मरनु न मागें दीन्हा॥3॥

एहि बिधि करत प्रलाप कलापा। आए अवध भरे परितापा॥ बिषम बियोगु न जाइ बखाना। अवधि आस सब राखहिं प्राना॥4॥

राम दरस हित नेम ब्रत लगे करन नर नारि। मनहूँ कोक कोकी कमल दीन बिहीन तमारि॥86॥

सीता सचिव सहित दोउ भाई। सृंगबेरपुर पहुँचे जाई॥ उतरे राम देवसरि देखी। कीन्ह दंडवत हरषु बिसेषी॥॥

लखन सचिव सियँ किए प्रनामा। सबहि सहित सुखु पायउ रामा॥ गंग सकल मुद मंगल मूला। सब सुख करनि हरनि सब सूला॥2॥

कहि कहि कोटिक कथा प्रसंगा। रामु बिलोकहिं गंग तरंगा॥ सचिवहि अनुजहि प्रियहि सुनाई। बिबुध नदी महिमा अधिकाई॥3।॥

मज्जनु कीन्ह पंथ श्रम गयऊ। सुचि जलु पिअत मुदित मन भयऊ॥ सुमिरत जाहि मिटइ श्रम भारू। तेहि श्रम यह लौकिक ब्यवहारू॥4॥

सुद्ध सच्चिदानंदमय कंद भानुकुल केतु। चरितकरत नर अनुहरत संसृति सागर सेतु॥87॥

यह सुधि गुहँ निषाद जब पाई। मुदित लिए प्रिय बंधु बोलाई॥ लिए फल मूल भेंट भरि भारा। मिलन चलेउ हियँ हरषु अपारा॥॥

करि दंडवत भेंट धरि आगें। प्रभुह्ठि बिलोकत अति अनुरागें॥ सहज सनेह बिबस रघुराई। पूँछी कुसल निकट बैठाई॥2॥।

नाथ कुसल पद पंकज देखें। भयऊउँ भागभाजन जन लेखें॥ देव धरनि धनु धामु तुम्हारा। मैं जनु नीचु सहित परिवारा॥3॥

कृपा करिअ पुर धारिअ पाऊ। थापिय जनु सबु लोगु सिहाऊ॥ कहेहू सत्य सबु सखा सुजाना। मोहि दीन्ह पितु आयसु आना॥4॥

बरष चारिदस बासु बन मुनि ब्रत बेषु अहारु। ग्राम बासु नहिं उचित सुनि गुहहि भयउ दुखु भारु॥88॥

राम लखन सिय रूप निहारी। कहहिं सप्रेम ग्राम नर नारी॥ ते पितु मातु कहह सखि कैसे। जिन्ह पठए बन बालक ऐसे॥१॥

एक कहहिं भल भूपति कीन्हा। लोयन लाह हमहि बिधि दीन्हा॥ तब निषादपति उर अनुमाना। तरु सिंसुपा मनोहर जाना॥2॥

लै रघुनाथहिं ठाउऊँ देखावा। कहेउ राम सब भाँति सुहावा॥ पुरजन करि जोहारु घर आए। रघुबर संध्या करन सिधाए॥3॥

गुहँ सँवारि साँधरी डसाई। कुस किसलयमय मृदुल सुहाई॥ सुचि फल मूल मधुर मृद जानी। दोना भरि भरि राखेसि पानी॥4॥

सिय सुमंत्र भ्राता सहित कंद मूल फल खाइ। सयन कीन्ह रघुबंसमनि पाय पलोटत भाइ॥89॥

उठे लखनु प्रभु सोवत जानी। कहि सचिवहि सोवन मृदु बानी॥ कछुक दूरि सजि बान सरासन। जागन लगे बैठि बीरासन॥॥

गुहँ बोलाइ पाहरू प्रतीती। ठावँ ठावँ राखे अति प्रीती॥ आपु लखन पहिहिं बैठठ जाई। कटि भाथी सर चाप चढ़ाई॥2॥

सोवत प्रभुह्ि निहारि निषादू। भयउ प्रेम बस ह्ृदयँ बिषादू॥ तनु पुलकित जलु लोचन बहई। बचन सप्रेम लखन सन कहई॥3।॥

भूपति भवन सुभायँ सुहावा। सुरपति सदनु न पटतर पावा॥ मनिमय रचित चारु चौबारे। जनु रतिपति निज हाथ सँवारे॥4॥

सुचि सुबिचित्र सुभोगमय सुमन सुगंध सुबास। पलैँग मंजु मनि दीप जहँ सब बिधि सकल सुपास॥90॥

बिबिध बसन उपधान तुराई। छीर फेन मृदु बिसद सुहाईं॥ तहँ सिय रामु सयन निसि करहीं। निज छवि रति मनोज मदु हरहीं॥॥

ते सिय रामु साथरीं सोए। श्रमित बसन बिनु जाहिं न जोए।॥ मातु पिता परिजन पुरबासी। सखा सुसील दास अरु दासी॥2॥

जोगवह्ठिं जिन्हहि प्रान की नाई। महि सोवत तेइ राम गोसाईं॥ पिता जनक जग बिदित प्रभाऊ। ससुर सुरेस सखा रघुराऊ॥3॥

रामचंदु पति सो बैदेही। सोवत महि बिधि बाम न केही॥ सिय रघुबीर कि कानन जोगू। करम प्रधान सत्य कह लोगू॥4॥

कैकयनंदिनि मंदमति कठिन कुटिलपन कीन्ह। जेहिं रघुनंदन जानकिहि सुख अवसर दुखु दीन्ह॥94॥

भइ दिनकर कुल बिटप कुठारी। कुमति कीन्ह सब बिस्व दुखारी॥ भयउ बिषादु निषादहि भारी। राम सीय महि सयन निहारी॥

बोले लखन मधुर मृदु बानी। ग्यान बिराग भगति रस सानी॥ काहू न कोउ सुख दुख कर दाता। निज कृत करम भोग सबु भ्राता॥2॥

जोग बियोग भोग भल मंदा। हित अनहित मध्यम भ्रम फंदा॥ जनमु मरनु जहँ लगि जग जालू। संपति बिपति करमु अर कालू॥3॥।

दरनि धामु धनु पुर परिवारू। सरगु नरकु जहँ लगि ब्यवहारू॥ देखिअ सुनिअ गुनिअ मन माहीं। मोह मूल परमारथु नाहीं॥4॥

सपनें होइ भिखारि नृपु रंकु नाकपति होइ। जागें लाभु न हानि कछ तिमि प्रपंच जियँ जोइ॥92॥

अस बिचारि नहिं कीजिअ रोसू। काहहि बादि न देइअ दोसू॥ मोह निसाँ सबु सोवनिहारा। देखिअ सपन अनेक प्रकारा॥॥

एहिं जग जामिनि जागहिं जोगी। परमारथी प्रपंच बियोगी॥ जानिअ तबहिं जीव जग जागा। जब सब बिषय बिलास बिरागा॥2॥

होइ बिबेकु मोह भ्रम भागा। तब रघुनाथ चरन अनुरागा॥ सखा परम परमारथु एह। मन क्रम बचन राम पद नेहू॥3॥

राम ब्रह्म परमारथ रूपा। अबिगत अलख अनादि अनूपा॥ सकल बिकार रहित गतभेदा। कहि नित नेति निरूपहिं बेदा॥4॥

भगत भूमि भूसुर सुरभि सुर हित लागि कृपाल। करत चरित धरि मनुज तनु सुनत मिटहिं जग जाल॥93॥

मासपारायण, पंद्रहवाँ विश्राम

सखा समुझि अस परिहरि मोहू। सिय रघुबीर चरन रत होह॥ कहत राम गुन भा भिनुसारा। जागे जग मंगल सुखदारा॥॥

सकल सौच करि राम नहावा। सुचि सुजान बट छीर मगावा॥ अनुज सहित सिर जटा बनाए। देखि सुमंत्र नयन जल छाए।॥

ह्दयँ दाहु अति बदन मलीना। कह कर जोर बचन अति दीना॥ नाथ कहेउ अस कोसलनाथा। लै रथु जाह राम के साथा॥3॥

बनु देखाइ सुरसरि अन्हवाई। आनेह फेरि बेगि दोउ भाई॥ लखनु रामु सिय आनेह फेरी। संसय सकल सँकोच निबेरी॥4॥

नृप अस कहेउ गोसाईं जस कहइ करों बलि सोइ। करि बिनती पायन्ह परेउ दीन्ह बाल जिमि रोइ॥94॥

तात कृपा करि कीजिअ सोई। जातें अवध अनाथ न होई॥ मंत्रिहि राम उठाइ प्रबोधा। तात धरम मतु तुम्ह सबु सोधा॥॥

सिबि दधीच हरिचंद नरेसा। सहे धरम हित कोटि कलेसा॥ रंतिदेव बलि भूप सुजाना। धरमु धरेउ सहि संकट नाना॥2॥

धरमु न दूसर सत्य समाना। आगम निगम पुरान बखाना॥ मैं सोइ धरमु सुलभ करि पावा। तजें तिहूँ पुर अपजसु छावा॥3॥।

संभावित कहूँ अपजस लाह। मरन कोटि सम दारुन दाहू॥ तुम्ह सन तात बहुत का कहउँ। दिएँ उतरु फिरि पातकु लहऊँ॥4॥।

पितु पद गहि कहि कोटि नति बिनय करब कर जोरि। चिंता कवनिह बात कै तात करिअ जनि मोरि॥95॥

तुम्ह पुनि पितु सम अति हित मोरें। बिनती करउँ तात कर जोरें॥ सब बिधि सोइ करतब्य तुम्हारें। दुख न पाव पितु सोच हमारें॥॥

सुनि रघुनाथ सचिव संबादू। भयउ सपरिजन बिकल निषादू॥ पुनि कछू लखन कही कट बानी। प्रभु बरजे बड़ अनुचित जानी॥2॥

सकुचि राम निज सपथ देवाई। लखन सँदेसु कहिअ जनि जाई॥ कह सुमंत्र पुनि भूप सँदेसू। सहि न सकिहि सिय बिपिन कलेसू॥3॥

जेहि बिधि अवध आव फिरि सीया। होइ रघुबरहि तुम्हहि करनीया॥ नतरु निपट अवलंब बिहीना। मैं न जिअब जिमि जल बिनु मीना॥4॥

मइकें ससुरें सकल सुख जबहिं जहाँ मनु मान। तहँ तब रहिहि सुखेन सिय जब लगि बिपति बिहान॥96॥

बिनती भूप कीन्ह जेहि भाँती। आरति प्रीति न सो कहि जाती॥ पितु सँदेसु सुनि कृपानिधाना। सियहि दीन्ह सिख कोटि बिधाना॥॥

सासु ससुर गुर प्रिय परिवारू। फिरह त सब कर मिटै खभारू॥ सुनि पति बचन कहति बैदेही। सुनह प्रानपति परम सनेही॥2॥।

प्रभु करुनामय परम बिबेकी। तनु तजि रहति छाँह किमि छेंकी॥ प्रभा जाइ कहूँ भानु बिहाई। कहूँ चंद्रिका चंद तजि जाई॥3॥

पत्हि प्रेममय बिनय सुनाई। कहति सचिव सन गिरा सुहाई॥ तुम्ह पितु ससुर सरिस हितकारी। उतरु देउँ फिरि अनुचित भारी॥4॥।

आरति बस सनमुख भईउँ बिलगु न मानब तात। आरजसुत पद कमल बिनु बादि जहाँ लगि नात॥97॥

पितु बैभव बिलास मैं डीठा। नृप मनि मुकुट मिलित पद पीठा॥ सुखनिधान अस पितु गृह मोरें। पिय बिहीन मन भाव न भोरें॥॥

ससुर चक्कवइ कोसल राऊ। भुवन चारिदस प्रगट प्रभाऊ॥ आगें होइ जेहि सुरपति लेई। अरध सिंघासन आसनु देई॥2॥

ससुरु एतादूस अवध निवासू। प्रिय परिवारु मातु सम सासू॥ बिनु रघुपति पद पदुम परागा। मोहि केउ सपनेहूँ सुखद न लागा॥3॥

अगम पंथ बनभूमि पहारा। करि केहरि सर सरित अपारा॥ कोल किरात कुरंग बिहंगा। मोहि सब सुखद प्रानपति संगा॥4॥

सासु ससुर सन मोरि हूँति बिनय करबि परि पायेँ। मोर सोचु जनि करिअ कछु मैं बन सुखी सुभायेँ॥98॥

प्राननाथ प्रिय देवर साथा। बीर धुरीन धरें धनु भाथा॥ नहिं मग श्रमु भ्रमु दुख मन मोरें। मोहि लगि सोचु करिअ जनि भोरें॥

सुनि सुमंत्रु सिय सीतलि बानी। भयउ बिकल जनतु फनि मनि हानी॥ नयन सूझ नहिं सुनइ न काना। कहि न सकइ कछ अति अकुलाना॥2॥।

राम प्रबोधु कीन्ह बहु भाँती। तदपि होति नहिं सीतलि छाती॥ जतन अनेक साथ हित कीन्हे। उचित उतर रघुनंदन दीन्हे॥3॥

मेटि जाइ नहिं राम रजाई। कठिन करम गति कछ न बसाई॥ राम लखन सिय पद सिरु नाई। फिरेउ बनिक जिमि मूर गवाँई॥4॥।

रथु हाकेउ हय राम तन हेरि हेरि हिहिनाहिं। देखि निषाद बिषाद बस धुनहिं सीस पछ्धिताहिं॥99॥

जासु बियोग बिकल पसु ऐसें। प्रजा मातु पितु जिइहृहिं कैसें॥ बरबस राम सुमंत्रु पठाए। सुरसरि तीर आपु तब आए॥॥

मागी नाव न केवटु आना। कहइ तुम्हार मरमु मैं जाना॥ चरन कमल रज कहूँ सबु कहई। मातुष करनि मूरि कछ अहई॥2॥

छुअत सिला भइ नारि सुहाई। पाहन तें न काठ कठिनाई।॥ तरनिउ मुनि घरिनी होइ जाई। बाट परइ मोरि नाव उड़ाई॥3॥

एहिं प्रतिपालऊउँ सबु परिवारू। नहिं जानउँ कछू अउर कबारू॥ जौं प्रभु पार अवसि गा चहह। मोहि पद पदुम पखारन कहहू॥4॥

पद कमल धोइ चढ़ाइ नाव न नाथ उतराई चहाीँ। मोहि राम राउरि आन दसरथसपथ सब साची कहाँ॥ बरु तीर मारहूँ लखनु पै जब लगि न पाय पणखारिहाँ। तब लगि न तुलसीदास नाथ कृपाल पारु उतारिहाँ॥

सुनि केवट के बैन प्रेम लपेटे अटपटे। बिहसे करुनाऐन चितइ जानकी लखन तन॥00॥

कृपार्सिंधु बोले मुसुकाई। सोइ करु जेहिं तव नाव न जाई॥ बेगि आनु जलपाय प0खारू। होत बिलंबु उतारहि पारू॥॥

जासु नाम सुमिरत एक बारा। उतरहिं नर भवसिंधु अपारा॥ सोइ कृपालु केवटहि निहोरा। जेहिं जगु किय तिह्ठ पगह् ते थोरा॥2॥।

पद नख निरखि देवसरि हरषी। सुनि प्रभु बचन मोहँ मति करषी॥ केवट राम रजायसु पावा। पानि कठवता भरि लेइ आवा॥3॥

अति आनंद उमगि अनुरागा। चरन सरोज पखारन लागा॥ बरषि सुमन सुर सकल सिहाहीं। एहि सम पुन्यपुंज कोउ नाहीं॥4॥।