अयोध्याकाण्ड · भाग ४

पद पखारि जलु पान करि आपु सहित परिवार। पितर पारु करि प्रभुहि पुनि मुदित गयउ लेइ पार॥04॥।

उतरि ठाढ़ भए सुरसरि रेता। सीय रामुगुह लखन समेता॥ केवट उतरि दंडवत कीन्हा। प्रभुहि सकुच एहि नहिं कछ दीन्‍्हा॥॥

पिय हिय की सिय जाननिहारी। मनि मुदरी मन मुदित उतारी॥ कहेउ कृपाल लेहि उतराई। केवट चरन गहे अकुलाई॥2॥

ताथ आजु मैं काह न पावा। मिटे दोष दुख दारिद दावा॥ बहुत काल मैं कीन्हि मजूरी। आजु दीन्ह बिधि बनि भलि भूरी॥3॥

अब कछु नाथ न चाहिअ मोरें। दीन दयाल अनुग्रह तोरें॥ फिरती बार मोहि जो देबा। सो प्रसादु मैं सिर धरि लेबा॥4॥।

बहुत कीन्ह प्रभु लखन सियँ नहिं कछू केवटु लेइ। बिदा कीन्ह करुनायतन भगति बिमल बरु देइ॥402॥

तब मज्जनु करि रघुकुलनाथा। पूजि पारथिव नायउ माथा॥ सियेँ सुरसरिहि कहेउ कर जोरी। मातु मनोरथ पुरउबि मोरी॥4॥

पति देवर सँग कुसल बहोरी। आइ करों जेहिं पूजा तोरी॥ सुनि सिय बिनय प्रेम रस सानी। भइ तब बिमल बारि बर बानी॥2॥।

सुनु रघुबीर प्रिया बैदेही। तब प्रभाउ जग बिदित न केही॥ लोकप होहिं बिलोकत तोरें। तोहि सेवहिं सब सिधि कर जोरें॥3॥।

तुम्ह जो हमहि बड़ि बिनय सुनाई। कृपा कीन्हि मोहि दीन्हि बड़ाई॥ तदपि देबि मैं देबि असीसा। सफल होन हित निज बागीसा॥4॥

प्राननाथ देवर सहित कुसल कोसला आइ। पूजिहि सब मनकामना सुजसु रहिहि जग छाइ॥03॥

गंग बचन सुनि मंगल मूला। मुदित सीय सुरसरि अनुकूला॥ तब प्रभु गुहहि कहेउ घर जाहू। सुनत सूख मुखु भा उर दाहू॥॥

दीन बचन गुह कह कर जोरी। बिनय सुनह रघुकुलमनि मोरी॥ नाथ साथ रहि पंथु देखाई। करि दिन चारि चरन सेवकाई॥2॥

जेहिं बन जाइ रहब रघुराई। परनकुटी मैं करबि सुहाई॥ तब मोहि कहँ जसि देव रजाई। सोइ करिहउँ रघुबीर दोहाई॥3॥

सहज सनेह राम लखि तासू। संग लीन्ह गुह ह्ृदयँ हुलासू॥ पुनि गुहँ ग्याति बोलि सब लीन्हे। करि परितोषु बिदा तब कीन्हे॥4॥

तब गनपति सिव सुमिरि प्रभु नाइ सुरसरिहि माथ। सखा अनुज सिय सहित बन गवनु कीन्ह रघुनाथ॥04॥।

तेहि दिन भयउ बिटप तर बासू। लखन सखाँ सब कीन्ह सुपासू॥ प्रात प्रातकृत करि रघुराई। तीरथराजु दीख प्रभु जाई॥॥

सचिव सत्य श्रद्धा प्रिय नारी। माधव सरिस मीतु हितकारी॥ चारि पदारथ भरा भैँडारू। पुन्य प्रदेस देस अति चारू॥2॥

छेत्रु अगम गढ़ गाढ़ सुहावा। सपनेहूँ नहिं प्रतिपच्छिन्ह पावा॥ सेन सकल तीरथ बर बीरा। कलुष अनीक दलन रनधीरा॥3॥

संगमु सिंहासनु सुठि सोहा। छत्रु अखयबटु मुनि मनु मोहा॥ चर जमुन अरु गंग तरंगा। देखि होहिं दुख दारिद भंगा॥4॥।

सेवहिं सुकृती साधु सुचि पावहिं सब मनकाम। बंदी बेद पुरान गन कहहिं बिमल गुन ग्राम॥05॥

को कहि सकडइ प्रयाग प्रभाऊ। कलुष पुंज कुंजर मृगराऊ॥ अस तीरथपति देखि सुहावा। सुख सागर रघुबर सुखु पावा॥१॥

कहि सिय लखनहि सखहि सुनाई। श्री मुख तीरथराज बड़ाई॥ करि प्रनामु देखत बन बागा। कहत महातम अति अनुरागा॥2॥

एहि बिधि आइ बिलोकी बेनी। सुमिरत सकल सुमंगल देनी॥ मुदित नहाइ कीन्हि सिव सेवा। पूजि जथाबिधि तीरथ देवा॥3॥

तब प्रभु भरद्वाज पहिं आए। करत दंडवत मुनि उर लाए।॥ मुनि मन मोद न कछ कहि जाई। ब्रह्मानंद रासि जनु पाई॥4॥

दीन्हि असीस मुनीस उर अति अनंदु अस जानि। लोचन गोचर सुकृत फल मनहूँ किए बिधि आनि॥06॥

कुसल प्रखर करि आसन दीनहे। पूजि प्रेम परिपूरन कीन्तहे॥ कंद मूल फल अंकुर नीके। दिए आनि मुनि मनहूँ अमी के॥॥

सीय लखन जन सहित सुहाए। अति रुचि राम मूल फल खाए॥ भए बिगतश्रम रामु सुखारे। भरद्वाज मृदु बचन उचारे॥2॥।

आजु सफल तपु तीरथ त्यागू। आजु सुफल जप जोग बिरागू॥ सफल सकल सुभ साधन साजू। राम तुम्हहि अवलोकत आजू॥3॥

लाभ अवधि सुख अवधि न दूजी। तुम्हरें दरस आस सब पूजी॥ अब करि कृपा देह बर एह। निज पद सरसिज सहज सनेहू॥4॥

करम बचन मन छाड़ि छलु जब लगि जनु न तुम्हार। तब लगि सुखु सपनेहूँ नहीं किएँ कोटि उपचार॥07॥

सुनि मुनि बचन रामु सकुचाने। भाव भगति आनंद अघाने॥ तब रघुबर मुनि सुजसु सुहावा। कोटि भाँति कहि सबहि सुनावा॥॥

सो बड़ सो सब गुन गन गेह। जेहि मुनीस तुम्ह आदर देहू॥ मुनि रघुबीर परसपर नवहीं। बचन अगोचर सुखु अनुभवहीं॥2॥

यह सुधि पाइ प्रयाग निवासी। बट तापस मुनि सिद्ध उदासी॥ भरद्वाज आश्रम सब आए। देखन दसरथ सुअन सुहाए॥3॥

राम प्रनाम कीन्ह सब काह। मुदित भए लहि लोयन लाहू॥ देहिं असीस परम सुखु पाई। फिरे सराहत सुंदरताई॥4॥

राम कीन्ह बिश्राम निसि प्रात प्रयाग नहाइ। चले सहितसिय लखन जन मुदित मुनिहि सिरु नाइ॥08॥

राम सप्रेम कहेउ मुनि पाहीं। नाथ कहिअ हम केहि मग जाहीं॥ मुनि मन बिहसि राम सन कहहीं। सुगम सकल मग तुम्ह कहूँ अहहीं॥॥

साथ लागि मुनि सिष्य बोलाए। सुनि मन मुदित पचासक आए सबन्हि राम पर प्रेम अपारा। सकल कहह्िं मगु दीख हमारा॥2॥

मुनि बट चारि संग तब दीन्हे। जिन्ह बहू जनम सुकृत सब कीन्हे॥ करि प्रनामु रिषि आयसु पाई। प्रमुदित ह्ृदयँ चले रघुराई॥3॥।

ग्राम निकट जब निकसहिं जाई। देखहिं दरसु नारि नर धाई॥ होहिं सनाथ जनम फलु पाई। फिरहिं दुखित मनु संग पठाई॥4॥

बिदा किए बट बिनय करि फिरे पाइ मन काम। उतरि नहाए जमुन जल जो सरीर सम स्याम॥09॥

सुनत तीरबासी नर नारी। धाए निज निज काज बिसारी॥ लखन राम सिय सुंदरताई। देखि करहिं निज भाग्य बड़ाई॥॥

अति लालसा बसहिं मन माहीं। नाउँ गाउँ बूझत सकुचाहीं॥ जे तिन्ह महँ बयबिरिध सयाने। तिन्ह करि जुगुति रामु पहिचाने॥2॥

सकल कथा तिन्ह सबहि सुनाई। बनहि चले पितु आयसु पाई॥ सुनि सबिषाद सकल पद्िताहीं। रानी रायेँ कीन्ह भल नाहीं॥3॥

तेहि अवसर एक तापसु आवा। तेजपुंज लघुबयस सुहावा॥ कबि अलखित गति बेषु बिरागी। मन क्रम बचन राम अनुरागी॥4॥

सजल नयन तन पुलकि निज इष्टदेउ पह्टिचानि। परेउ दंड जिमि धरनितल दसा न जाइ बखानि॥40॥

राम सप्रेम पुलकि उर लावा। परम रंक जनु पारसु पावा॥ मनहैं प्रेमु परमारथु दोऊ। मिलत धरें तन कह सबु कोऊ॥॥

बहुरि लखन पायन्ह सोइ लागा। लीन्ह उठाइ उमगि अनुरागा॥ पुनि सिय चरन धूरि धरि सीसा। जननि जानि सिसु दीन्हि असीसा॥2॥।

कीन्ह निषाद दंडवत तेही। मिलेउ मुदित लखि राम सनेही॥ पिअत नयन पुट रूपु पियुषा। मुदित सुअसनु पाइ जिमि भूखा॥3॥।

ते पितु मातु कहह् सखि कैसे। जिन्ह पठए बन बालक ऐसे॥ राम लखन सिय रूपु निहारी। होहिं सनेह बिकल नर नारी॥4॥

तब रघुबीर अनेक बिधि सखहि सिखावनु दीन्ह॥ राम रजायसु सीस धरि भवन गवतु तेईं कीन्ह॥44॥

पुनि सियँ राम लखन कर जोरी। जमुनहि कीन्ह प्रनामु बहोरी॥ चले ससीय मुदित दोउ भाई। रबितनुजा कइ करत बड़ाई॥

पथिक अनेक मिलहिं मग जाता। कहहिं सप्रेम देखि दोउ भ्राता॥ राज लखन सब अंग तुम्हारें। देखि सोचु अति हृदय हमारें॥2॥

मारग चलह पयादेहि पाएँ। ज्योतिषु झूठ हमारें भाएँ॥ अगमु पंथु गिरि कानन भारी। तेहि महँ साथ नारि सुकुमारी॥3॥

करि केहरि बन जाइ न जोई। हम सँग चलहिं जो आयसु होई॥ जाब जहाँ लगि तहूँ पहुँचाई। फिरब बहोरि तुम्हहि सिर नाई॥4॥

एहि बिधि पूँछहिं प्रेम बस पुलक गात जलु नैन। कृपासिंधु फेरहिं तिन्हहि कहि बिनीत मृदु बैन॥42॥

जे पुर गाँव बसहिं मग माहीं। तिन्हहि नाग सुर नगर सिहाहीं॥ केहि सुकृतीं केहि घरीं बसाए। धन्य पुन्यमय परम सुहाए॥॥

जहँ जहँ राम चरन चलि जाहीं। तिन्ह समान अमरावति नाहीं॥ पुन्यपुंज मग निकट निवासी। तिन्हहि सराहहिं सुरपुरबासी॥2॥

जे भरि नयन बिलोकहिं रामहि। सीता लखन सहित घनस्यामहि॥ जे सर सरित राम अवगाह्ृह्िं। तिन्हहि देव सर सरित सराहहिं॥3॥।

जेहि तरु तर प्रभु बैठहिं जाई। करहिं कलपतरु तासु बड़ाई॥ परसि राम पद पदुम परागा। मानति भूमि भूरि निज भागा॥4॥

छाँह करहिं घन बिबुधगन बरषहिं सुमन सिहाहिं। देखत गिरि बन बिहग मृग रामु चले मग जाहिं॥3॥

सीता लखन सहित रघुराई। गाँव निकट जब निकसहिं जाई॥ सुनि सब बाल बृद्ध नर नारी। चलहिं तुरत गृह काजु बिसारी॥

राम लखन सिय रूप निहारी। पाइ नयन फलु होहिं सुखारी॥ सजल बिलोचन पुलक सरीरा। सब भए मगन देखि दोउ बीरा॥2॥।

बरनि न जाइ दसा तिन्ह केरी। लहि जनु रंकन्ह सुरमनि ढेरी॥ एकन्ह एक बोलि सिख देहीं। लोचन लाह् लेहु छन एहीं॥3॥

रामहि देखि एक अनुरागे। चितवत चले जाहिं सँग लागे॥ एक नयन मग छबि उर आनी। होहिं सिथिल तन मन बर बानी ॥4॥।

एक देखि बट छाँह भलि डासि मृदुल तृन पात। कहहिं गवाँइअ छितुकु श्रमु गवनब अबहिंकि प्रात॥4॥।

एक कलस भरि आनहिं पानी। अँचइअ नाथ कहहिं मृदु बानी॥ सुनि प्रिय बचन प्रीति अति देखी। राम कृपाल सुसील बिसेषी॥॥

जानी श्रमित सीय मन माहीं। घरिक बिलंबु कीन्ह बट छाहीं॥ मुदित नारि नर देखहिं सोभा। रूप अनूप नयन मनु लोभा॥2॥

एकटक सब सोहहिं चहूँ ओरा। रामचन्द्र मुख चंद चकोरा॥ तरुन तमाल बरन तनु सोहा। देखत कोटि मदन मनु मोहा॥3॥

दामिनि बरन लखन सुठि नीके। नख सिख सुभग भावते जी के॥। मुनि पट कटिन्ह कसें तूनीरा। सोहहिं कर कमलनि धनु तीरा॥4॥

जटा मुकुट सीसनि सुभग उर भुज नयन बिसाल। सरद परब बिधु बदन बर लसत स्वेद कन जाल॥45॥।

बरनि न जाइ मनोहर जोरी। सोभा बहुत थोरि मति मोरी॥ राम लखन सिय सुंदरताई। सब चितवहिं चित मन मति लाई॥॥

थके नारि नर प्रेम पिआसे। मनहूँ मृगी मृग देखि दिआ से॥ सीय समीप ग्रामतिय जाहीं। पूँछत अति सनेहँ सकुचाहीं॥2॥

बार बार सब लागहिं पाएँ। कहहिं बचन मृद सरल सुभाएँ॥ राजकुमारि बिनय हम करहीं। तिय सुभायँ कछ पूँदत डरहीं॥3॥

स्वामिनि अबिनय छमबि हमारी। बिलगु न मानब जानि गवाँरी॥ राजकुअऔँर दोउ सहज सलोने। इन्ह तें लही दुति मरकत सोने॥4॥

स्यामल गौर किसोर बर सुंदर सुषमा ऐन। सरद सर्वरीनाथ मुखु सरद सरोरुह नैन॥6॥

मासपारायण, सोलहवाँ विश्वाम

नवाह्नपारायण, चौथा विश्राम

कोटि मनोज लजावनिहारे। सुमुखि कहह को आहििं तुम्हारे॥ सुनि सनेहमय मंजुल बानी। सकुची सिय मन महूँ मुसुकानी॥॥

तिन्हहि बिलोकि बिलोकति धरनी। दुहँ सकोच सकुचति बरबरनी॥ सकुचि सप्रेम बाल मृग नयनी। बोली मधुर बचन पिकबयनी॥2॥।

सहज सुभाय सुभग तन गोरे। नामु लखनु लघु देवर मोरे॥ बहुरि बदतु बिधु अंचल ढाँकी। पिय तन चितइई भौंह करि बाँकी॥3॥।

खंजन मंजु तिरीछे नयननि। निज पति कहेउ तिन्‍्हहि सियेँ सयननि॥ भईं मुदित सब ग्रामबधूटीं। रंकन्ह राय रासि जनु लूटीं॥4॥।

अति सप्रेम सिय पाँय परि बहुबिधि देहिं असीस। सदा सोहागिनि होह तुम्ह जब लगि महि अहि सीस॥47

पारबती सम पतिप्रिय होह। देबि न हम पर छाड़ब छोहू॥ पुनि पुनि बिनय करिअ कर जोरी। जौं एहि मारग फिरिअ बहोरी॥॥

दरसनु देव जानि निज दासी। लखीं सीयँ सब प्रेम पिआसी॥ मधुर बचन कहि कहि परितोषीं। जनु कुमुदिनीं कौमुददीं पोषीं॥2॥।

तबहिं लखन रघुबर रुख जानी। पूँछेउ मगु लोगन्हि मृदु बानी॥ सुनत नारि नर भए दुखारी। पुलकित गात बिलोचन बारी॥3॥

मिटा मोदु मन भए मलीने। बिधि निधि दीन्ह लेत जनु छीने॥ समुझि करम गति धीरजु कीन्हा। सोधि सुगम मगु तिन्ह कहि दीन्हा॥4॥

लखन जानकी सहित तब गवनु कीन्ह रघुनाथ। फेरे सब प्रिय बचन कहि लिए लाइ मन साथ॥48॥

फिरत नारि नर अति पछ़िताहीं। दैअहि दोषु देहिं मन माहीं॥ सहित बिषाद परसपर कहहीं। बिधि करतब उलटे सब अहहीं॥॥

निपट निरंकुस निठुर निसंकू। जेहिं ससि कीन्ह सरुज सकलंकू॥ रूख कलपतरु सागरु खारा। तेहिं पठए बन राजकुमारा॥2॥

जौं पै इन्हहिं दीन्ह बनबासू। कीन्ह बादि बिधि भोग बिलासू॥ ए बिचरहिं मग बिनु पदत्राना। रचे बादि बिधि बाहन नाना॥3॥

ए महि परहिं डासि कुस पाता। सुभग सेज कत सृजत बिधाता॥ तरुबर बास इन्हहि बिधि दीन्हा। धवल धाम रचि रचि श्रमु कीन्हा॥4॥

जौं ए मुनि पट धर जटिल सुंदर सुठि सुकुमार। बिबिध भाँति भूषन बसन बादि किए करतार॥49॥

जौं ए कंदमूल फल खाहीं। बादि सुधादि असन जग माहीं॥ एक कहहिं ए सहज सुहाए। आपु प्रगट भए बिधि न बनाए॥॥

जहँ लगिबेद कही बिधि करनी। श्रवन नयन मन गोचर बरनी॥ देखह खोजि भुअन दस चारी। कहँ अस पुरुष कहाँ असि नारी॥2॥

इन्हहि देखि बिधि मनु अनुरागा। पटतर जोग बनावै लागा॥ कीन्ह बहुत श्रम ऐक न आए। तेहिं इरिघषा बन आनि दुराए॥3॥।

एक कहहिं हम बहुत न जानहिं। आपुहि परम धन्य करि मानहिं।॥ ते पुनि पुन्यपुंज हम लेखे। जे देखह्िं देखिहहिं जिन्ह देखे॥4॥

एहि बिधि कहि कहि बचन प्रिय लेहिं नयन भरि नीर। किमि चलिहहिं मारग अगम सुठि सुकुमार सरीर॥20॥

नारि सनेह बिकल बस होहीं। चकई साँझ समय जनु सोहीं॥ मृदु पद कमल कठिन मगु जानी। गहबरि ह्ृदयँ कहहिं बर बानी॥

परसत मृदुल चरन अरुनारे। सकुचति महि जिमि हृदय हमारे॥ जौं जगदीस इन्हहि बनु दीन्हा। कस न सुमनमय मारगु कीन्हा॥2॥

जौं मागा पाइअ बिधि पाहीं। ए रखिअहिं सखि आँखिन्ह माहीं॥ जे नर नारि न अवसर आए!। तिन्ह सिय रामु न देखन पाए॥3॥

सुनि सुरूपु बूझहिं अकुलाई। अब लगि गए कहाँ लगि भाई॥ समरथ धाइ बिलोकहिं जाई। प्रमुदित फिरहिं जनमफलु पाई॥4॥

अबला बालक बृद्ध जन कर मीजहिं पछिताहिंन्‍। होहिं प्रेमबस लोग इमि रामु जहाँ जहैँ जाहिं॥2॥।

गाँव गाँव अस होइ अनंदू। देखि भानुकुल कैरव चंदू॥ जे कछू समाचार सुनि पावहिं। ते नृप रानिहि दोसु लगावहिं॥॥

कहहिं एक अति भल नरनाहू। दीन्ह हमहि जोइ लोचन लाहृ॥ कहहिं परसपर लोग लोगाईं। बातें सरल सनेह सुहाईं॥2॥।

ते पितु मातु धन्य जिन्ह जाए। धन्य सो नगरु जहाँ तें आए।॥ धन्य सो देसु सैलु बन गाऊँ। जहँ-जहँ जाहिं धन्य सोइ ठाऊँ॥3॥

सुखु पायउ बिरंचि रचि तेही। ए जेहि के सब भाँति सनेही॥ राम लखन पथि कथा सुहाई। रही सकल मग कानन छाई॥4॥

एहि बिधि रघुकुल कमल रबि मग लोगन्ह सुख देत। जाहिं चले देखत बिपिन सिय सौमित्रि समेत॥422॥।

आगें रामु लखनु बने पाछें। तापस बेष बिराजत काछें॥ उभय बीच सिय सोहति कैसें। ब्रह्म जीव बिच माया जैसें॥॥

बहुरि कहरउँ छवि जसि मन बसई। जनु मधु मदन मध्य रति लसई॥ उपमा बहुरि कहरउँ जियेँ जोही। जनु बुध बिधु बिच रोहिनि सोही॥2॥

प्रभु पद रेख बीच बिच सीता। धरति चरन मग चलति सभीता॥ सीय राम पद अंक बराएँ। लखन चलहिं मगु दाहिन लाएँ॥3॥।

राम लखन सिय प्रीति सुहाई। बचन अगोचर किमि कहि जाई॥ खग मृग मगन देखि छबि होहीं। लिए चोरि चित राम बटोहीं॥4॥।

जिन्ह जिन्ह देखे पथिक प्रिय सिय समेत दोउ भाइ। भव मगु अगमु अनंदु तेइ बिनु श्रम रहे सिराइ॥23॥

अजहुँ जासु उर सपनेहूँ काऊ। बसहूँ लखनु सिय रामु बटाऊ॥ राम धाम पथ पाइहि सोई। जो पथ पाव कबह मुनि कोई॥॥

तब रघुबीर श्रमित सिय जानी। देखि निकट बट सीतल पानी॥ तहँ बसि कंद मूल फल खाई। प्रात नहाइ चले रघुराई॥2॥।

देखत बन सर सैल सुहाए। बालमीकि आश्रम प्रभु आए।॥ राम दीख मुनि बासु सुहावन। सुंदर गिरि काननु जलु पावन॥3॥।

सरनि सरोज बिटप बन फूले। गुंजत मंजु मधुप रस भूले॥ खग मृग बिपुल कोलाहल करहीं। बिरहित बैर मुदित मन चरहीं॥4॥

सुचि सुंदर आश्रमु निरखि हरघषे राजिवनेन। सुनि रघुबर आगमनु मुनि आगें आयउ लेन॥24॥।

मुनि कहूँ राम दंडवत कीन्हा। आसिरबादु बिप्रबर दीन्हा॥ देखि राम छवि नयन जुड़ाने। करि सनमानु आश्रमहिं आने॥

मुनिबर अतिथि प्रानप्रिय पाए। कंद मूल फल मधुर मँगाए।॥ सिय सौमित्रि राम फल खाए। तब मुनि आश्रम दिए सुहाए॥2॥

बालमीकि मन आनँदु भारी। मंगल मूरति नयन निहारी॥ तब कर कमल जोरि रघुराई। बोले बचन श्रवन सुखदाई॥3॥

तुम्ह त्रिकाल दरसी मुनिनाथा। बिस्व बदर जिमि तुम्हरें हाथा ॥ अस कह प्रभु सब कथा बखानी। जेहि जेहि भाँति दीन्ह बनु रानी॥4॥

तात बचन पुनि मातु हित भाइ भरत अस राउ। मो कहूँ दरस तुम्हार प्रभु सबु मम पुन्य प्रभाउ॥25॥

देखि पाय मुनिराय तुम्हारे। भए सुकृत सब सुफल हमारे॥॥ अब जहैँ राउर आयसु होई। मुनि उदबेगु न पावै कोई॥॥

मुनि तापस जिन्ह तें दुखु लहह्ीं। ते नरेस बिनु पावक दहहीं॥ मंगल मूल बिप्र परितोषू। दहइ कोटि कुल भूसुर रोषू॥2॥

ऊस जियँ जानि कहिअ सोइ ठाऊँ। सिय सौमित्रि सहित जहँ जाऊँ।॥ तहँ रचि रुचिर परन तृन साला। बासु करौं कछू काल कृपाला॥3॥।

सहज सरल सुनि रघुबर बानी। साधु साधु बोले मुनि ग्यानी॥ कस न कहट्ठ अस रघुकुलकेतू। तुम्ह पालक संतत श्रुति सेतू॥4॥

श्रुति सेतु पालक राम तुम्ह जगदीस माया जानकी। जो सृजति जगु पालति हरति रुख पाइ कृपानिधान की॥ जो सहससीसु अहीसु महिधरु लखनु सचराचर धनी। सुर काज धरि नरराज तनु चले दलन खल निसिचर अनी॥

राम सरूप तुम्हार बचन अगोचर बुद्धिपर। अबिगत अकथ अपार नेति नेति नित निगम कह।426॥

जगु पेखन तुम्ह देखनिहारे। बिधि हरि संभु नचावनिहारे॥ तेउ न जानहिं मरमु तुम्हारा। औरु तुम्हहि को जाननिहारा॥

सोइ जानइ जेहि देह जनाई। जानत तुम्हहि तुम्हइ होइ जाई॥ तुम्हरिहि कृपाँ तुम्हहि रघुनंदन। जानहिं भगत भगत उर चंदन॥2॥

चिदानंदमय देह तुम्हारी। बिगत बिकार जान अधिकारी॥ नर तनु धरेहू संत सुर काजा। कहटह् करहू जस प्राकृत राजा॥3॥

राम देखि सुनि चरित तुम्हारे। जड़ मोहहिं बुध होहिं सुखारे॥ तुम्ह जो कहटह् करह सबु साँचा। जस काछिअ तस चाहिअ नाचा॥4॥

पुँछेह मोहि कि रहीं कहें मैं पूँदत सकुचाउँ। जहँ न होह तहँ देह कहि तुम्हहि देखावों ठाउँ॥27॥

सुनि मुनि बचन प्रेम रस साने। सकुचि राम मन महूँ मुसुकाने॥ बालमीकि हँसि कहहिं बहोरी। बानी मधुर अमिअ रस बोरी॥॥

सुनहू राम अब कहउँ निकेता। जहाँ बसह सिय लखन समेता॥ जिन्ह के श्रवन समुद्र समाना। कथा तुम्हारि सुभग सरि नाना॥2॥

भरहिं निरंतर होहिं न पूरे। तिन्ह के हिय तुम्ह कहूँ गुह रूरे॥ लोचन चातक जिन्ह करि राखे। रहहिं दरस जलधर अभिलाषे॥3॥

निदरहिं सरित सिंधु सर भारी। रूप बिंदु जल होहिं सुखारी॥ तिन्ह कें हृदय सदन सुखदायक। बसह बंधु सिय सह रघुनायक॥4॥

जसु तुम्हार मानस बिमल हंसिनि जीहा जासु। मुकताहल गुन गन चुनइ राम बसह हियेँ तासु॥28॥।

प्रभु प्रसाद सुचि सुभग सुबासा। सादर जासु लहइ नित नासा॥ तुम्हहि निबेदित भोजन करहीं। प्रभु प्रसाद पट भूषन धरहीं॥॥

सीस नवहिं सुर गुरु द्विज देखी। प्रीति सहित करि बिनय बिसेषी॥ कर नित करहिं राम पद पूजा। राम भरोस ह्ृदयँ नहिं दूजा॥2॥।

चरन राम तीरथ चलि जाहीं। राम बसह तिन्ह के मन माहीं॥ मंत्रराजु नित जपहिं तुम्हारा। पूजहिं तुम्हहि सहित परिवारा॥3॥

तरपन होम करहिं बिधि नाना। बिप्र जेवाँइ देहिं बहु दाना॥ तुम्ह तें अधिक गुरहि जियँ जानी। सकल भायेँ सेवहिं सनमानी॥4॥

सबु करि मागहिं एक फलु राम चरन रति होउ। तिन्ह कें मन मंदिर बसह सिय रघुनंदन दोउ॥29॥

काम कोह मद मान न मोहा। लोभ न छोभ न राग न द्रोहा॥ जिन्ह कें कपट दंभ नहिं माया। तिन्ह कें हृदय बसह रघुराया॥॥

सब के प्रिय सब के हितकारी। दुख सुख सरिस प्रसंसा गारी॥ कहहिं सत्य प्रिय बचन बिचारी। जागत सोवत सरन तुम्हारी॥2॥

तुम्हहि छाड़ि गति दूसरि नाहीं। राम बसह तिन्ह के मन माहीं॥ जननी सम जानहिं परनारी। धनु पराव बिष तें बिष भारी॥3॥

जे हरषहिं पर संपति देखी। दुखित होहिं पर बिपति बिसेषी॥ जिन्हहि राम तुम्ह प्रान पिआरे। तिन्ह के मन सुभ सदन तुम्हारे॥4॥

स्वामि सखा पितु मातु गुर जिन्ह के सब तुम्ह तात। मन मंदिर तिन्ह कें बसह सीय सहित दोउ भ्रात॥30॥

अवगुन तजि सब के गुन गहृहीं। बिप्र धेनु हित संकट सहहीं॥ नीति निपुन जिन्ह कइ जग लीका। घर तुम्हार तिन्ह कर मनु नीका॥

गुन तुम्हार समुझइ निज दोसा। जेहि सब भाँति तुम्हार भरोसा॥ राम भगत प्रिय लागहिं जेही। तेहि उर बसह सहित बैदेही॥2॥

जाति पाँति धनु धरमु बड़ाई। प्रिय परिवार सदन सुखदाई॥ सब तजि तुम्हहि रहइ उर लाई। तेहि के ह्ृदयँ रहह रघुराई॥3॥

सरगु नरकु अपबरगु समाना। जहूँ तहँ देख धरें धनु बाना॥ करम बचन मन राउर चेरा। राम करह् तेहि कें उर डेरा॥4॥

जाहि न चाहिअ कबहूँ कछु तुम्ह सन सहज सनेह। बसह निरंतर तासु मन सो राउर निज गेहु॥34॥।

एहि बिधि मुनिबर भवन देखाए। बचन सप्रेम राम मन भाए।॥ कह मुनि सुनह भानुकुलनायक। आश्रम कहउँ समय सुखदायक॥॥

चित्रकूट गिरि करह निवासू। तहैँ तुम्हार सब भाँति सुपासू॥ सैलु सुहावन कानन चारू। करि केहरि मृग बिहग बिहारू॥2॥

नदी पुनीत पुरान बखानी। अत्रिप्रिया निज तप बल आनी॥ सुरसरि धार नाउँ मंदाकिनि। जो सब पातक पोतक डाकिनि॥3॥

अत्रि आदि मुनिबर बहु बसहीं। करहिं जोग जप तप तन कसहीं॥ चलह सफल श्रम सब कर करहू। राम देह गौरव गिरिबरहू॥4॥

चित्रकूट महिमा अमित कही महामुनि गाइ। आइ नहाए सरित बर सिय समेत दोउ भाइ॥32॥

रघुबर कहेउ लखन भल घाटू। करह कतहूँ अब ठाहर ठाटर॥ लखन दीख पय उतर करारा। चहूँ दिसि फिरेउ धनुष जिमि नारा॥॥

नदी पनच सर सम दम दाना। सकल कलुष कलि साउज नाना॥ चित्रकूट जनु अचल अहेरी। चुकइ न घात मार मुठभेरी॥2॥

अऊस कहि लखन ठाउँ देखरावा। थलु बिलोकि रघुबर सुखु पावा॥ रमेउ राम मनु देवन्ह जाना। चले सहित सुर थपति प्रधाना॥3॥

कोल किरात बेष सब आए। रचे परन तृन सदन सुहाए।॥ बरनि न जाहिं मंजु दुइ साला। एक ललित लघु एक बिसाला॥4॥

लखन जानकी सहित प्रभु राजत रुचिर निकेत। सोह मदनु मुनि बेष जनु रति रितुराज समेत॥33॥।

मासपारायण, सत्रहवाँ विश्राम

अमर नाग किंनर दिसिपाला। चित्रकूट आए तेहि काला॥ राम प्रनामु कीन्ह सब काह। मुदित देव लहि लोचन लाहू॥॥

बरघषि सुमन कह देव समाजू। नाथ सनाथ भए हम आजू॥ करि बिनती दुख दुसह सुनाए। हरघषित निज निज सदन सिधाए॥2॥

चित्रकूट रघुनंदनु छाए। समाचार सुनि सुनि मुनि आए।॥ आवत देखि मुदित मुनिबूंदा। कीन्ह दंडवत रघुकुल चंदा॥3॥

मुनि रघुबरहि लाइ उर लेहीं। सुफल होन हित आसिष देहीं॥ सिय सौमित्रि राम छवि देखहिं। साधन सकल सफल करि लेखहिहं॥4॥

जथाजोग सनमानि प्रभु बिदा किए मुनिबृंद। करहिं जोग जप जाग तप निज आश्रमन्हि सुद्धंद॥ 34॥