पद 267

पन करि हौं हठि आजुतें रामद्वार पर्यो हौं।

’तू मेरो’यह बिन कहे उठिहौ न जनमभरि, प्रभुकी सौकरि निर्यो हौं ॥ 1 ॥

दै दै धक्का जमभट थके , टारे न टर्यो हौं।

उदर दुसह साँसति सही बहुबार जनमि जग, नरकनिदरि निकर्यो हौं ॥ 2 ॥

हौं मचला लै छाड़िहौं, जेहि लागि अर्यो हौं।

तुम दयालु,बनिहै दिये,बलि,बिलँब न कीजिये, जात गलानि गर्यौ हौं ॥ 3 ॥

प्रगट कहत जो सकुचिये, अपराध-भर्यो हौं।

तौ मनमें अपनाइये, तुलसीहि कृपा करि, कलि बिलोकि हहर्यो हौं ॥ 4 ॥